Albistea entzun
Emakumeen aurkako indarkeriari ez
Emakumeen aurkako indarkeriari ez

EH Bildu-ERC akordioak «estatuaren inboluzioari» aurre egiteko asmoa du

Espainiako Gorteerako akordio estrategikoaren ildoak aurkeztu dituzte. Autodeterminazio eskubidearen defentsa izango da oinarrietako bat
Gabriel Rufian ERCkoa eta Mertxe Aizpurua eta Oskar Matute EH Bildukoak, atzo, Bilbon.
Gabriel Rufian ERCkoa eta Mertxe Aizpurua eta Oskar Matute EH Bildukoak, atzo, Bilbon. MIGUEL TOÑA / EFE Tamaina handiagoan ikusi

Erredakzioa -

2019ko martxoak 26 - Bilbo

Lortutako akordioaren berri eman zuten lehenengo; gero, euren batzarretan berretsi zuten; eta, atzo, EH Bilduk eta ERCk elkarrekin aurkeztu zituzten akordio estrategiko horren ildo nagusiak. Bost dira oinarriak: autodeterminazio eskubidearen defentsa, «preso politikoen» askatasuna eta erbesteratuen itzulera, errepresioaren kontrako eta oinarrizko eskubideen aldeko borroka, eskubide ekonomiko eta sozialen defentsa «politika austerizida eta neoliberalei» aurre egiteko, eta pertsonak politika publikoen «erdian» jarriko dituen eredu sozial eta ekonomiko baten defentsa. Horien berri emateko, agerraldi bat egin zuten atzo, Bilbon. Bertan izan ziren EH Bilduren Gipuzkoako zerrendaburu Mertxe Aizpurua, Bizkaiko Oscar Matute eta ERCko Gabriel Rufian.

«Une historikoaren garrantzia» nabarmendu dute EH Bilduko eta ERCko ordezkariek, eta Espainiako Estatuaren «inboluzio demokratiko eta sozialaz» ohartarazi. «Ez da erresistentzia hutserako garaia, erasoaldi demokratiko sinkronizatu bat artikulatzeko garaia baizik», nabarmendu dute EH Bilduk eta ERCk euren akordiorako agirian. Horregatik, «beste indar subiranista, demokratiko eta aurrerakoiekin» elkarlanean aritzeko bideak irekitzera konprometitu dira.

«Gure herriek 40 urte atzera egitea nahi dutenei» aurre egiteko «blokeak» sortu eta «akordioak» lortu behar direla nabarmendu du Mertxe Aizpuruak. Eta Oskar Matutek azpimarratu du EH Bilduk eta ERCk lortutako hori dela «estatuaren inboluzioari» aurre egiteko «modurik onena». Zerrendatu ditu inboluzio horren adierazleak: birzentralizazioa, eskubide sozialen eta lan eskubideen murrizketa, autogobernuari egindako mehatxuak, feminismoaren kontrako eraso zuzenak eta baita ekintza sindikalaren eta euskararen kontra eginak ere.

Gabriel Rufian ERCkoak, lortutako akordioa goresteaz gain, «unearen garrantzia» nabarmendu du: «Hauteskunde ziklo hau hautetsontziekin daukagun zita soil bat baino zerbait gehiago da; historiarekin dugun zita bat da, jokoan baitaude eskubide zibilak eta sozialak». Hori dela eta —«eta ez da eslogan politiko bat»—, Rufianek dio alderdiak eta siglak baino «gehiago» izateko garaia dela: «Hala sinesten dugu batzuk, piztiari begiak ikusi dizkiogulako Espainiako Kongresuan; botere politiko, mediatiko eta antzezpenez betetako gune horretan».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

KEM talde antimilitaristaren ekintza, Bilboko koartelean. ©BERRIA

«Kuartela auzoarena izan arte!»

Imanol Magro Eizmendi

Hiru igeltsero antimilitaristek Bilboko Juan de Garay kuartel militarraren eraispen lanekin jarraitu dute. 6.500 metro koadroko orubea Iralako auzotarren esku gelditu dadin egin dute lan. Ertzaintzak kalteak eragitea leporatu die.

Foro Sozialak antolatutako mahai inguruko partehartzaileak, herenegun, Donostian. ©ANDONI CANELLADA / FOKU

«Aitortzarako bide bat» zabaldu du Poliziaren Biktimen Balorazio Batzordeak

Julen Aperribai

Poliziaren Biktimen Balorazio Batzordeko presidente Juana Balmasedak biktima horien aitortzan batzordeak egindakoa goretsi du. Lan hori trabatzeko mekanismoak martxan direla ohartarazi du.

EH Baiko kideak, uztailean, kongresuaren aurkezpenean. ©GUILLAUME FAUVEAU

Ezkerreko abertzale guziak biltzeko gai izan nahi du EH Baik

Ekhi Erremundegi Beloki

Bihar eginen du lehen kongresua ezkerreko abertzaleen mugimenduak, eta ondoko urteetarako bide orri politikoa bozkatuko dute. «Parte hartze handia» nabarmendu dute

 ©MONIKA DEL VALLE / FOKU

«Erronkari heltzeko gogotsu gaude, eta ikasteko gogoz ere bai»

Iosu Alberdi

«Oso pozik egoteko eguna» izan zen atzokoa Usansolo Herria plataformako kideentzat. «Emozioak pil-pilean daude. Negar pila bat egin dugu, besarkada handiak egon dira», adierazi zion BERRIAri Monika Mena (Bilbo, 1980) plataformako bozeramaileak, Bizkaiko Batzar Nagusiek Usansolo Bizkaiko 113. udalerri izendatu berritan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.