Noiz sortua: 2018-09-21 00:30:00

Burujabetzan «akuilu» izan nahia azalduko du Sortuk II. konferentzian

Alderdiak bigarren konferentzia politikoa egingo du irailaren 29an, Iruñean. «Etorkizun hobe baten alde» ekitera dei egingo diete kideei
Arkaitz Rodriguez hautatu zuten Sortuko idazkari nagusi iazko konferentzia politikoan.
Arkaitz Rodriguez hautatu zuten Sortuko idazkari nagusi iazko konferentzia politikoan. IÑIGO URIZ / FOKU Tamaina handiagoan ikusi

Erredakzioa -

2018ko irailak 21

«Burujabetza prozesuan akuilu» izateko borondatea adieraziko du Sortuk II. Konferentzia Politikoan. Alderdiak atzo aurkeztu zuen konferentzia, Donostian eginiko agerraldi batean. Nuria Altzugarai idazkari teknikoak eta Gorka Elejabarrieta Sortuko Nazioarteko arduradunak jakinarazi zutenez, bilkura Iruñeko Refena erakustazokan egingo dute bihar zortzi, hilak 29, Herritmoa bizitu lelopean.

2016an egin zuen Sortuk birfundazio biltzarra, eta batzar horretan erabaki zuen urte politikoa irekitzeko urtero konferentzia politiko bat antolatzea. Altzugarairen esanetan, alderdiak bi helburu nagusi izango ditu konferentzia politikoan: «Alde batetik, urte politikoari hasiera emateko, irakurketa eta erronka politikoak partekatzeko gunea dugu, batzar formatuan. Eta, bestetik, honelako hitzordu bat gure kidegoaren topaketa izateko eta komunitatea trinkotzeko baliatzen dugu».

Edukiari dagokionez, igarotako urte politikoaren balantzea eta egoera politikoaren azterketa egingo dute, eta hasi berri den urte politikoaren erronkak ezarriko dituzte. Altzugaraik azaldu du «ekarpen militantearen bidez Euskal Herriko burujabetza prozesuaren akuilu» izan nahi duela Sortuk, eta «eskuz esku» lan egitera deitu du: «Ehunka militanteren ekarpena, eskuz esku borroka sozialetan ari direnekin, eskuz esku emakumeen eskubideen alde, erabakitzeko eskubidearen alde, preso eta iheslari politikoak etxeratzeko indarrak batuz, eta datorren ikasturtean ere, EH Bilduren barruan, eskuz esku hauteskunde erronka ezberdinetan».

Izen-emateak, 26ra arte

Finean, «etorkizun hobe baten alde» ekitera dei egin die alderdikideei, eta konferentzian parte hartzera, «garrantzi handiko hitzordua» izango baita. Izena emateko epea irailaren 26ra arte dago zabalik.

Iazko irailaren 23an egin zuen Sortuk aurreneko konferentzia politikoa, orduan ere Iruñeko Refena aretoan. Bertan, Arkaitz Rodriguez izendatu zuten alderdiko idazkari nagusi, hara joandakoen %94ren babesa jasota. Arnaldo Otegi ordezkatu zuen karguan. Horrez gain, hiru lan ildo ezarri zituzten: «fronte independentista irekitzea», «neoliberalismoari aurre egitea» eta «euskal gatazkaren konponbidea».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere beharrezkoa izango da maskarak erabiltzea

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak

Irati Urdalleta Lete

Astelehenetik hogei pertsona biltzeko aukera egongo da. Diskotekak eta gaueko tabernak itxita mantenduko dituzte.

Patricia Fanlo, Laura Imaz, Jose Espinoza, Marina Delgado eta Irati Ormazabal medikuak. ©IÑIGO URIZ / FOKU

Ondorioei begira

Arantxa Iraola

Erne daude medikuak, COVID-19ak pazienteetan nolako ondorioak izan ditzakeen begiratzen: lehen irudipenen berri eman du Iruñeko Ospitale Guneko sendagile talde batek

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna