Albistea entzun

Eragile politiko eta sozialekin bilduko da Sortu, bere lan ildoak azaltzeko

EH Bilduko kide izateko eskatuko du alderdiak, eta independente gisa koalizioan ari direnak afiliatu ahal izango dira

Erredakzioa -

2013ko otsailak 26 - Iruñea

Larunbatean eginiko eratze batzarraren ondoren, Sorturen Kontseilu Nazionala lehen aldiz bildu zen atzo, alderdiak Iruñean duen egoitzan. Bilera hasi aurretik eginiko prentsaurrekoan, Pernando Barrena bozeramaileak adierazi zuen alderdia «ehuneko ehunean» hasi dela lanean eta jakinarazi zuen aurrera eramango duen lehen ekinaldia izango dela eragile politiko eta sozialekin biltzea, haiei azaltzeko zeintzuk diren alderdi sortu berriaren lan ildoak eta iritziak trukatzeko. Bozeramaileak adierazi duenez, aste honetan bertan egingo dituzte biltzeko eskaerak.

Kazetarien galderei erantzunez, Barrenak azaldu du euren asmoa ez dela inor bazterrean uztea bilera sail horretatik, baina jakinarazi du PPri, UPNri eta UPDri ez dietela eskaerarik bidaliko. «Agerikoa da alderdi horiek jendaurrean esan dutela Sorturekin ez dutela inolako harremanik izan nahi, eta guk ez dugu egoera deserosorik sortu nahi. Beraz, gurekin harremana izateko arazorik ez duten erakunde politikoei egingo diegu eskaera», argitu du.

Era berean, Sorturen bozeramaileak jakinarazi du alderdiak «aurki» egingo duela EH Bilduko kide izateko eskaera. Koalizio horretan zein Amaiurren eta Bildun independente gisa ari diren hautetsiek Sortuko kide izateko aukera izango dute, baina Barrenak zehaztu duenez, haiek dira «modu pertsonalean» erabaki behar dutenak alderdiko kide izan edo independente gisa jarraitu.

Eragileekin abiatuko duen bilera sorta bat dator aurrera begira alderdiak zehaztu duen estrategiarekin. Atzo Radio Euskadin eginiko elkarrizketa batean, Hasier Arraizek esan zuen ezker abertzalearen aldaketa estrategikoa burutzeko «bitartekoa» izango dela Sortu. Alderdiaren presidenteak nabarmendu du «hauteskundeetatik haratagoko» ekintza politikoa landuko dutela eta euren «aliatu nagusiak» izango direla herritarrak eta herri mugimenduak. Era berean, zehaztu du «burujabetzaren alde eta ezkerreko gunean kokatuta dauden eragileekin» lan egin nahi dutela, instituzioetan eta instituzioetatik kanpo. «Herri gisa zapaltzen gaituztenei aurre egiteko herri mugimendu bat sortzea nahi dugu, baita kapitalismoari aurre egiteko ere. Euskal Herria aitortzeko eta herritarren nahia errespetatzeko», azaldu du.

Erabakitzeko eskubideari dagokionez, esan du horren inguruan eztabaidatzeko «baldintzak» ematen direla Eusko Legebiltzarrean, baina adierazi du eskubide horren gauzatzea ez dela soilik Gasteizko legebiltzarrera mugatu behar. «Osotasunean hartu behar da aintzat; zatika, baina osotasuna onartuta».

Bestalde, beste alderdiekin harremanak «normalizatzea» espero duela adierazi du, besteak beste, Sorturen kongresuan egon ez ziren EAJrekin eta PSE-EErekin. «Harremanen normalizazioak behin betiko bakera lagundu behar du, eta Sortuk hori erraztu behar du», nabarmendu du Arraizek. Horren harira, adierazi du une honetan Sorturen «lehentasuna» izango dela euskal presoen egoerari erantzuna ematea, eta azpimarratu du euskal presoentzako «amnistia globala» espero dutela, «irtenbide global» gisa, baina, «ziurrenik, mailakatutako prozesu batean gauzatuko dena». Halaber, biktima guztien aitorpenean lan egiten jarraituko dutela berretsi du.

Barne Ministerioaren oharra

Espainiako Estatuko Segurtasun idazkari Francisco Martinezek adierazi duenez, Espainiako Poliziak eta Guardia Zibilak «gertutik» jarraitzen ari dira alderdi berriaren mugimenduak, Espainiako Auzitegi Konstituzionalak, Sortu legeztatzea erabakiz zuenean, ezarri zituen «marra gorriak» gaindi ez ditzan. «Barne Ministeriotik egiten ari gara eta egingo dugu ahal dugun guztia Estatuko Segurtasun Indarrek zaindu ditzaten marra gorri horiek», adierazi du polizien buruak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Jakes Abeberri hil da, abertzaletasun mugimenduan erreferentea

Jone Arruabarrena - Ekhi Erremundegi Beloki-Ainize Madariaga

Enbata mugimenduaren sortzaileetako bat eta izen bereko aldizkariaren zuzendari izan zen Abeberri. 92 urterekin zendu da.

Usurbilgo udaletxea. ©NOAUA

Usurbilgo Sagardia plazaren izena aldatzea exijitu du Espainiako Gobernu Ordezkaritzak

Xabier Martin

Joxe Martin Sagardia euskal errefuxiatua BVEk hil zuen 1980an, Miarritzen. ETAko ustezko kideen zerrenda batean dagoela esan dio udalari Espainiako Gobernu Ordezkaritzak, eta Terrorismoaren Biktimen Legea urratzen duela plazaren izenak.

Eneko Andueza eta Maria Txibite, bilera ostean. ©Berria

Sozialistak «ongizatearen berme» direla esan dute Anduezak eta Txibitek

Gotzon Hermosilla

PSE-EEk eta PSNk bilera egin dute, eta bi alderdien arteko «lotura estuak» nabarmendu dituzte.

<b>Foru Hobekuntzaren 40. urteurrena ospatu zen atzo Senatuan.</b> ©J.C. HIDALGO / EFE

Txibitek Foru Hobekuntza goraipatu du, «batasun konstituzionalaren barnean»

Joxerra Senar

Senatuan egin da Nafarroako estatutuaren urteurreneko ekitaldi nagusia. Hitzeman du «lehenbailehen» egingo dutela ituna trafiko eskumenari buruz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.