Albistea entzun

ANALISIA

A-9tik bozetara: negoziazio garaia

Xavier Solano - Analista eta aholkulari politikoa

2014ko urriak 17

Analista politikoa naizen aldetik, erabaki politikoak zergatik hartzen diren ulertzea da nire lana. Aitortu beharra daukat harritu egin ninduela Kataluniako presidenteak A-9ko kontsulta aurrera aterako zela iragarri izanak eta, orain, bozak aurreratzeak; hauteskunde horietan herriak zer esaten duen herrialdearen independentziari buruz, horixe kontsideratuko da herriaren azken hitza.

Presidenteak bi bozketa egitea proposatu izana ulertzeko —kontsulta eta boz aurreratuak—, ezinbestekoa da nazioarteko ikuspuntua kontuan hartzea.

A-9an Kataluniako gizartearen gehiengoak parte hartzen badu eta, gainera, argi eta garbi Bai-Bai bozkatzen badu, presidenteak legitimotasun demokratikoa izango du nazioarteko komunitateari esateko Kataluniako gizarteak oso argi duela eta oso litekeena dela hauteskunde aurreratuetan jende gehienak bozkatzea beren programan independentzia aldarrikatzea proposatzen duen hautagaitzaren edo hautagaitzen alde.

Hala gertatzen bada, parlamentuak, bi bozketa horietan herriak modu demokratikoan agindurikoa betez, independentzia aldarrikatuko du, eta espero izango du Katalunia nazioarteko estatu gisa onar dezaten, gutxienez, beren burua demokratatzat daukaten estatu eta nazioarteko erakundeek, hala nola Nazio Batuen Erakundeak, Europako Batasunak, AEBek eta beste estatu kideek, salbu, beharbada, Espainiako Estatuak.

A-9an gehiengoak parte hartzen badu eta Bai-bai bozkatzen badu, azaroaren 9tik hauteskunde aurreratuak egin arteko tartea egokiera ezin hobea izango da, eta guztiz beharrezkoa, nazioartearekin onarpen hori negoziatzen hasteko. Hala, presidentearen lana izango da, eta Presidentetza kontseilariarena, Atzerri idazkariarena, baita Generalitateko Gobernuaren ordezkariena ere, arrazoibideak lantzea eta —argudioak egokiturik mintzagai izango duten herrialde edo erakunde bakoitzaren errealitate politiko eta ekonomikora— atzerriko presidenteei eta parlamentuei ikusaraztea Katalunia estatu independente gisa onartu beharra dagoela printzipioengatik, demokraziaren errespetuarengatik, eskualde horren egonkortasunagatik, Europako Batasunaren onuragatik, arrazoi ekonomikoengatik eta, batez ere, Kataluniako Gobernuak ez duelako ekonomikoki bazter utziko Espainiako Estatua, hura baita Kataluniaren bezero nagusia.

Lan funtsezkoa da hori, eta batere erraza ez; nahiz eta gobernuak gidatu, beharrezkoa izango da bultzada bat ematea; bai, gutxienez, independentziaren aldeko alderdiek, hala nola ERCk eta CUPek, eta bai herritarrek. Estatu eta nazioarteko organismo bakoitza bere gisakoa da, eta bakoitzak bere estrategia beharko du. Lan zaila da, buru argia eta irmotasuna eskatzen dituena. Zabal begiratuta pentsatu beharra dago. Kataluniak merezi du, eta badu argudio ekonomiko, politiko eta estrategiko nahikorik onarpena negoziatu eta helburua lortzeko.

Lanean aritu gara datorren astean Andreu Mas-Colell kontseilariak Erresuma Batuko Parlamentuan bertan azal diezaien alderdi politiko guztietako diputatu britainiarrei nola ikusten duen gobernuak Kataluniako egoera ekonomiko eta politikoa. Horra aurrelanaren erakusgarri eder bat, nazioarteko onarpena lortzeko negoziazioaren aurrekoa; izan ere, beren herrialdean horretaz erabaki beharko dutenei modua emango die informazioa zuzenean jasotzeko, bitartekaririk gabe. Beraz, orain herritarrek ezin dute kale egin, halaxe sentitu dugu askotan, baina politikariek ere ez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Palestinarrak gizon baten hilotza eramaten, Jeninen. ©ALAA BADARNEH / EFE

Israelgo armadak hamar palestinar hil ditu bi erasotan

Julen Otaegi Leonet - Isabel Jaurena - Mikel O. Iribar

Lehen oldarraldian, Israelgo indarrek bederatzi lagun erail dituzte Zisjordaniako Jenin hiriko errefuxiatuen kanpalekuan, «eraso terrorista» bat eragozteko; hamargarrena, Jerusalem ekialdean hil dute.

Malmer Stenergard Suediako Migrazio ministroa, Ylva Johansson Europako Batzordeko Barne komisarioa eta Gunnar Strommer Suediako Justizia ministroa, gaur, Stockholmen, EBko Barne ministroen bilkuraren aurretik ©PONTUS LUNDAHL / EFE

EBko estatu kideen arteko koordinazioa handitu nahi dute migratzaile gehiago kanporatzeko

Ander Perez Zala

Europako Batzordeak aurkezturiko plana aztertuko dute egunotan talde komunitarioko Barne ministroek. Asilorako eskubiderik ez duten iheslariak itzultzea du helburu.

Manifestari bat, demokraziaren aldeko afixa bat eskuan duela, hilaren 9an. ©MARTA MAROTO

«Beldur naiz zer-nolako Brasil utziko diegun bilobei»

Marta Maroto

Erakunde demokratikoei egin dizkieten eraso biolentoak ikertzen ari da Auzitegi Gorena, eta gero eta sendoagoak dira Bolsonarori eta haren ingurukoei buruzko susmoak.
Oriol Junqueras, iazko azaroan, ERCren ekitaldi politiko batean. ©DAVID BORRAT / EFE

Junquerasen inhabilitazioa zazpi urtera jaisteko eskatu du Estatuaren Abokatutzak

Mikel Elkoroberezibar Beloki

Espainiako Auzitegi Gorenari egin dio eskaria. Onartuko balu, Kataluniako Gobernuko presidenteorde ohiak 2025ean beteko luke inhabilitazio zigorra.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...