Albistea entzun

Salatu dute Arte Ederren Museoaren proiektuak oinarriak urratzen dituela

Bilboko Arte Ederren Museoko Herri Defentsa Mugimenduak adierazi du proiektuak ez duela betetzen hiri antolamendurako plan orokorra
Arte Ederren Museoko Herri Defentsa Mugimenduko kideak, atzo.
Arte Ederren Museoko Herri Defentsa Mugimenduko kideak, atzo. A.L. / FOKU Tamaina handiagoan ikusi

Amaia Igartua Aristondo -

2021eko otsailak 20

Norman Fosterren Agravitas proiektua gailendu zen Bilboko Arte Ederren Museoa handitzeko lehiaketan, baina, Bilboko Arte Ederren Museoko Herri Defentsa Mugimenduak adierazi duenez, deialdi publikoaren oinarriak «urratzen» ditu arkitekto estatubatuarraren proiektuak. Plataformako kide Fernando Perez Rodriguez-Urrutia arkitektoak azaldu duenez, «deialdiaren oinarrietan gune berde gisa adierazitako inguruan eraikitzea aurreikusten du Fosterren planak», nahiz eta inguru horretan ezin zitekeen eraiki, lehiaketaren oinarriek adierazten zutenenaren arabera. Zehazki, 15 metro luze, 50 metro zabal eta beste 15 metro garai den zati bat eraikiko da mugez kanpo; Perezek zehaztu du guztira 10.000 metro kubikoko «inbasioa» litzatekeela, eta, horiek horrela, proiektuari «ebasketa» iritzi diote plataformako kideek.

Horrez gain, Iñaki Uriarte arkitekto eta plataformako kideak jakinarazi du «deialdia egin zenean indarrean zegoen Bilboko hiri antolamenduko plan orokorra ere urratzen» duela. Halaber, EAEko Ondare Kulturalaren legearen hainbat atal ere «hausten» ditu, San Fernando Arte Ederren Akademiak ondorioztatu duenez —Perezek egin zien kontsulta bati erantzuna emanez—: hain zuzen, ahalik eta esku hartzerik txikiena egitea, edozein garaitan egindako eransketak errespetatzea eta multzoaren harmonia errespetatzea ezartzen dutenak. Mugimenduko kideek diote Plan Bereziaren onespena «legez kanpoko» txosten batean oinarrituta dagoela.

Zupiria, legebiltzarrean

Eusko Legebiltzarreko PP-Ciudadanos taldeko kide Carmelo Barriok egindako interpelazioari erantzunez, Bingen Zupiriak Arte Ederren museoaren handitze proiektuari buruzko azalpenak eman zituen atzo legebiltzarrean bertan. Han esan zuen San Fernando Akademiako Batzordeak ez diela kontsultarik egin ez Jaurlaritzari, ez erakundeei eta ezta museoari ere erabakia hartu aurretik: «Ez digute proiektua defendatzeko aukerarik eman».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©JAGOBA MANTEROLA / @FOKU

Gatazkari buruz, norberetik igarota

Ane Eslava

Mikel Antzak 'Arroz urez' liburua aurkeztu du, Txalaparta etxearekin. Euskal gatazkaren inguruko kontakizun pertsonal bat da, Burgosko Prozesua atze-oihalean jarrita
 ©GUILLAUME FAUVEAU / GUILLAUME FAUVEAU

Bere bidea hartuta, etiketetatik kanpo

Ane Eslava

Eneritz Furyakek bigarren lan luzea publikatu du, 'Emadan'. Besteak beste, bere ideiak defendatzen dituenari sortzen zaizkion zailtasunak eta talkak ditu hizpide. Bihar Donostian joko du
 ©RAUL BOGAJO / @FOKU

Deseraikitzea horman

Aitor Biain

Gasteizko Artiumek Daniel Llariaren lanekin abiatu du museoko funtsa osatzen duten piezei ikusgarritasuna emateko erakusketa ziklo berria
Joseba Irazokiren 'Ezkilaren kantua'

Joseba Irazokiren 'Ezkilaren kantua'

Berria

Mixel Labeguerie euskal kantagintza berriaren aitzindaria jaio zela 100 urte beteko dira martxoaren 4an. BERRIAk eskatuta, haren kantuen bertsioak plazaratuko dituzte bost musikarik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna