Noiz sortua: 2016-11-01 00:30:00

KRITIKA. Beldurrezko Astea

Gau ahaztezina

Beñat Eizagirre -

2016ko azaroak 1

'La noche del virgen'

Zuzendaria: Roberto San Sebastian. Herrialdea: Euskal Herria. Iraupena: 117 minutu.

Roberto San Sebastian bilbotarraren opera prima da La noche del virgen higuingarria. Baliabide gutxirekin egindako film interesgarria aurkeztu du Donostian, galdu ezin diren horietakoa. Fantasia eta beldurra uztartzearekin batera, era guztietako sentipenak sortzen ditu ikuslearengan, nazka, harridura, ezinegona… eta horrek guztiak tentsioa mantentzen laguntzen du.

Amaiera aldera gore eszenak ugaritu egiten dira, baina horrek ez dio tonuari eragiten, ezinegona erabatekoa baita artean ere. Genero desberdinak jorratzen dituen arren, zuzendaria egunerokotasunean oinarritu da istorioa sortzeko garaian. Argi dago film guztiek esaten digutela zerbait errealitateari buruz, baina egile askok generoen konbentzioei jarraitzea —edo apurtzea— beste helbururik ez dute izaten. Kasu horietan entretenimenduak du lehentasuna, hau da, fikzioaren gatibu bilakatzen da errealitatea. La noche del virgen-en, kasuan, ordea, generoaren zaleen irrika asetzeaz gain, protagonistaren beldurren inguruan ere mintzatzen zaigu zinemagile bilbotarra.

Gizajo bat da protagonista nagusia, eta arazo larriak ditu emakumeekin naturaltasunez harremanak edukitzeko. Izenburuak adierazten duen moduan birjina da Nico, eta ez du emakumeekin asmatzen. Autoestimu txikia dauka protagonistak, eta, beraz, une honetan ezinezkoa zaio beste norbaitekin ordaindu gabeko sexu harremanak izatea. Urtezahar gauean, ordea, zortea bere alde duela dirudi, Medea izeneko emakume batek bere etxera gonbidatuko baitu. Baina bizitzan ez dago bidezidorrak hartzerik, gauzek beren denbora eskatzen baitute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Abian da itxialdiaren bigarren arindua

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz aztertuko dutela ea ikasleak eta irakasleak segurtasunez itzultzen ari diren eskolara, eta hala ez bada mobilizazioak egingo dituztela nabarmendu dute.

 

Herritarrak Ermuan, farmazia batean ilara egiten. ©ANDONI CANELLADA / FOKU

Beste bi kutsatu eta sei hildako azken orduetan

Maider Galardi F. Agirre

Eusko Jaurlaritzaren azken datuen arabera, koronabirusaz kutsatutako beste bi kasu atzeman dituzte Bizkaian PCR proben bidez, eta sei lagun hil dira azken egunean. Guztira 1.717 proba egin zituzten EAEn, atzo.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna