Albistea entzun

Foro Sozialak «etsigarritzat» jo du Sekretu Ofizialen Legea aldatzeko proposamena

Kritikatu du aurreproiektuak biktimen «birbiktimizazioan» sakontzen duela. Moncloari eskatu dio inbestidurako blokearekin akordioak lortzeko

Iosu Alberdi -

2022ko abuztuak 9

Espainiako Gobernuak aurkeztutako Informazio Klasifikatuen Lege aurreproiektuak kritika ugari jaso ditu aurreko astean publiko egin zutenetik. Haiei batu zaie Foro Sozial Iraunkorra ere. «Etsigarritzat» jo du gobernuaren proposamena, eta inbestidurako gehiengoa baliatzeko eskatu dio, Espainiako Kongresuan testua hobetzeko: «Gizarte heldu eta demokratiko batek ezin du egia osoa jakiteko beldurrik izan».

Talde parlamentarioek azken egunetan egindako adierazpenek erakusten dute badaudela aurreproiektua aldatzeko baldintzak, Foro Sozialaren arabera. Hala, alderdiei eskatu die «giza eskubideen urraketen biktimen arteko diskriminaziorik ezaren nazioarteko zuzenbidean» eta «biktima guztiek egia, justizia eta erreparaziorako duten eskubidean» oinarritutako akordio baten alde egiteko negoziatzeko garaian.

1968ko Sekretu Ofizialen Legearen erreforma da estatuaren eta hark garatutako gerra zikinaren zenbait biktimaren kasuetan egia azaltzeko «bide egingarri bakarrenetakoa». Foro Sozialaren esanetan, ordea, gobernuaren aurreproiektuak ez die behar duten erantzuna ematen ez GALen ez torturaren biktimei.

Aurreproiektuak 50 urtera arteko epeak ezartzen ditu sekretuak argitaratzeko, eta haiek beste hamabost urtez ezkutatzeko aukera ematen dio Ministroen Kontseiluari. Foro Sozialak uste du egungo legeak baino «denbora kortse handiagoa» ezarriko lukeela horrek, biktimen «birbiktimizazioan» sakonduta: «'Hirugarren mailako biktimen' sentimenduan sakonduz, inpunitatea bermatzeaz gain».

Kontrara, adierazi du erreformak erraztu egin beharko lukeela EAEko Polizia Abusuen Biktimen Legearen Balorazio Batzordearen lana, baita Nafarroan prestatzen ari diren molde bereko legearen inguruko jarduna ere.

Beraz, eskatu du aurreproiektuak hartutako bidea baztertu eta Nafarroako Parlamentuak iazko martxoan lortutako akordioa abiapuntu gisa hartzeko. Orduko hartan, Navarra Suma ez beste guztiek bat egin zuten Espainiako Gobernuari eskatzeko Sekretu Ofizialen Legea aldatu zezala, Mikel Zabalzaren heriotzaren nondik norakoak argitzeko.

«Beste kortserik» gabe

Ez da Foro Sozial Iraunkorrak halako eskaera bat egiten duen lehen aldia. Iazko irailean gutun bat bidali zien Espainiako Gobernuko Presidentetza ministro Felix Bolañosi eta inbestidurako blokea osatzen duten alderdietako kideei. Testu hartan, politikariei eskatu zien hausnarketa bat egiteko eta erreformari «nazioarteko parametroen ikuspegitik» heltzeko. Horrekin batera, exijitu zuen «artxibo ofizialetarako sarbidea behar baino gehiago luzatzen duen beste kortserik» ez ezartzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Garikoitz Aspiazu Auzitegi Nazionalean deklaratzen, hilaren 13an. ©Fernando Villar, EFE

ETAren 2002ko atentatu batean parte hartzeaz absolbitu dute Garikoitz Aspiazu, froga faltagatik

Uxue Rey Gorraiz

2002an Bilbon izandako atentatu bat egin izana egotzita epaitu dute Espainiako Auzitegi Nazionalean; bonba-auto bat lehertu zen, eta hainbat zauritu eragin. Aspiazuk ukatu egin zuen atentatuan parte hartu zuela.

Gaurko ekitaldiko une bat. ©BERRIA

Omenaldia egin diote Katalunian Txikiri, Guardia Zibilak fusilatu zuen lekuan

Berria

Besteak beste, Txikiren anaia Diego Paredes eta EH Bilduko Iñaki Ruiz de Pinedo mintzatu dira ekitaldian

Ortuzar, Forondan bildurikoei mintzatzen. ©Jaizki Fontaneda / FOKU

«Ez Sanchez ez Feijoo: Euskadi» mezua aireratu du EAJk Alderdi Egunean

Berria

Iñigo Urkullu EAEko lehendakaria, Andoni Ortuzar alderdiko burua eta EGIko Bea Berlanga mintzatu dira Forondako ekitaldian

Arkaitz Rodriguez, gaurko ekitaldian. ©Juan Herrero / EFE

Borrokarako deia egin du Sortuk, «kalean zein erakundeetan»

Berria

Irailaren 27a dela eta, ekitaldi bat egin du alderdiak Tolosan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...