Noiz sortua: 2018-09-12 00:30:00

Fijait fitxategia auzitan jarri dute Peio Hirigoienen kontrako epaiketan

Euskal preso oihari gutxienez 800 euroko isuna ezartzeko eskatu du Baionako prokuradoreak. Urriaren 16an emanen dute erabakia
Elkarretaratzea egin zuten atzo Baionako auzitegi aitzinean, Peio Hirigoieni sostengua erakusteko.
Elkarretaratzea egin zuten atzo Baionako auzitegi aitzinean, Peio Hirigoieni sostengua erakusteko. ISABELLE MIQUELESTORENA Tamaina handiagoan ikusi

Ekhi Erremundegi Beloki -

2018ko irailak 12

Baionako auzitegian deklaratzera deitua zen atzo arratsaldean Peio Hirigoien euskal preso ohia, Fijait arau-hauste terroristen egileen Frantziako fitxategi judizial automatizatuan izendatu ondotik ezarri zizkioten neurriak ez betetzeagatik. Haren bizitza pribatu eta familiarra oztopatzen dituela deitoratu zuten hura defendatzera joandako sei abokatuek, eta neurria konstituzioaren aurkakoa dela; kasua Parisko kasazio auzitegira bidaltzeko eskatu zuten, baina epaimahaiak ez zuen onartu. Samuel Vuelta Simon prokuradoreak, berriz, Fijaiten neurriak ukatzeak Hirigoienen bergizarteratzeko borondate falta erakusten duela adierazi zuen, eta, horregatik, gutxienez 800 euroko isuna ezartzeko eskatu zion epaileari. Urriaren 16an emanen dute erabakia.

2015eko urtarrilean Charlie Hebdo aldizkariaren kontra izandako atentatuen ondotik egin zuten zerbitzu sekretuen legean onartu zuen Frantziako Asanbleak Fijaiten sorrera, eta 2016ko udazkenean salatu zuten euskal presoak eta preso ohiak fitxategian sartzen zituztela ohartarazteko jakinarazpenak jasotzen hasi zirela. Horien artean zen atzo lekukotasuna eman zuen Eñaut Aramendi; urte oso batez pairatu zituen kontrol neurri zorrotzak. Astean behin baino gehiagotan joaten da Hego Euskal Herrira: «Hamabost egun lehenago abisatu behar da Frantziako mugetatik aterako garela. Nire kasuan, ezinezkoa zen. Ardura zuen poliziarekin posta elektronikoz komunikatzea erabaki genuen, bientzat errazagoa baitzen». Urte bat geroago, eta neurriak kenduta, polizia horren karta atxikitzen du edozer gerta; «orain ohartzen naiz niregan izan duen eragin psikologikoaz».

Xavier Crettiez Versailleseko unibertsitateko irakasleak ere eman zuen lekukotasuna; «terrorismo» islamiarra eta nazio askapenerako jarduera armatuak, biak ikertu izan ditu. Oroitarazi zuen Euskal Herrian bide armatuak baztertu dituztela eta ez dela itzultzeko aukerarik. «Ez dute batak bestearekin zerikusirik; alta, Fijait fitxategiak parekatzen ditu», deitoratu zuen. Jose Ramon Arano euskal preso ohiaren kasua aipatu zuen: jendarmeriara jakinarazpenaren bila joan zenean, «erradikalizazio islamiko» baten arriskua zuela erran zioten. Prokuradorearen arabera, ETAk jarduera armatua utzi badu ere, higiezinen espekulazioaren kontrako ekintzak oraindik gertatzen dira, eta, beraz, justifikatua da Hirigoien Fijait fitxategian sartzea, ekintza horiegatik kondenatu baitzuten.

Konponbiderako urratsak

150 pertsona elkartu ziren Baionako epaitegi aitzinean Hirigoieni sostengua erakusteko. Jokin Etxebarria preso eta iheslari ohien ordezkariak Fijait salatu eta konponbiderako urratsak eskatu zituen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Krisiari aitzin egiteko bortzgarren neurri sorta onartu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze kultura ogibide dutenentzat 50.000 euro arteko diru laguntzak onartu dituzte eta hamabi hilabetez luzatuko dituzte autonomoentzako eta aldi baterako lan erregulazioan daudenentzako alokairua ordaintzeko diru laguntzak. 

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Behobiako zubia, Irun eta Hendaia artean, itxita. ©Andoni Canellada / Foku

Ekainaren 22an zabalduko dute Ipar eta Hego Euskal Herriaren arteko muga

Jon O. Urain

Reyes Maroto Espainiako Industria ministroak eman du dataren berri. Ia hiru hilabete daramatza itxita, eta itxierak eragozpen ugari eragin dizkie zonalde horietan bizi diren herritarrei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna