Legebiltzarrak eskatu du Altsasuko gazteak libre uzteko epai irmoa izan arte

EAJren, EH Bilduren eta Elkarrekin Podemosen babesarekin, Eusko Legebiltzarrak legez besteko proposamen bat onartu du auziaren harira
Altsasuko auziko gazteen gurasoek agerraldi bat egin zuten Eusko Legebiltzarrean joan den urrian.
Altsasuko auziko gazteen gurasoek agerraldi bat egin zuten Eusko Legebiltzarrean joan den urrian. JAIZKI FONTANEDA / FOKU Tamaina handiagoan ikusi

Maider Galardi F. Agirre -

2019ko otsailak 14

Eusko Legebiltzarrak legez besteko proposamen bat onartu du Altsasuko auziaren harira zigortutako zortzi gazteen errugabetasun presuntzioa errespetatzeko eskatzeko eta, bide judiziala amaitu artean, espetxean dauden zazpi lagunak askatzeko eskatzeko. Legebiltzarreko Giza Eskubideen Batzordean aurkeztutako adierazpena onartu dute EAJk, EH Bilduk eta Elkarrekin Podemosek, eta segurtasun juridikoa eta legezkotasun printzipioa bermatzeko ere eskatu dute. PSEk eta PPk aurka bozkatu dute.

Behin-behineko espetxealdia eteteko eskatu dute hiru alderdiek, kontuan hartuta gazteek dagoeneko «bolada luzea» daramatela espetxean, eta zigorrak «gehiegizkoak» direla. Hain zuzen ere, Altsasuko Gurasoek oroitarazi dute Adur Ramirez de Aldak, Jokin Unamunok eta Oihan Arranzek 27 hilabete daramatela espetxean. Iñaki Abad, Jon Ander Cob, Julen Goikoetxea eta Aratz Urrizola, berriz, joan den ekainetik daude kartzelan. Bi eta hamahiru urte bitarteko zigorra jarri zien orduan Espainiako Auzitegi Nazionalak. Ainara Urkijo da aske dagoen auzipetu bakarra. Zigorren aurrean, helegitea jarri zuten gazteek, eta, orain, epaia berrikusten ari da Auzitegi Nazionala.

Eusko Legebiltzarrean adostutako adierazpenean, ordea, hiru alderdiek adierazi dute «kezka» dutela epaiaren berrikuspen saioekin: «Litekeena da instrukzioak, ahozko ikustaldiak eta epaiak berak defentsarako eskubide legitimoa urratu izana». Besteak beste, azaldu dute Amnesty Internationalek dagoeneko salatu duela hori. Hala nabarmendu du Iñigo Martinez Elkarrekin Podemoseko eledunak: « Justiziak, batzuetan, kode postalaren arabera funtzionatzen du». EH Bilduko Julen Arzuagak ere salatu du tabernako liskar bati «tratamendu juridiko, politiko, polizial eta mediatikoa» eman diotela.

Zigor neurrigabea

Hori dela eta, legebiltzarrak onartutako proposamenean adierazi dute Altsasuko gazteek jasotako zigorrak «neurrigabeak» direla, eta «diskriminazioaren astungarria» aplikatu izana arbuiatu dute. Azpimarratu dute, gainera, ez daudela ados auzia Auzitegi Nazionalean epaitu izanarekin. Horregatik, eskatu dute espetxean dauden zazpi gazteak aske uzteko bide judiziala behin betiko amaitu bitartean.

PSEk eta PPk, berriz, adierazpenaren aurka bozkatu dute. Rafaela Romero PSEko legebiltzarkideak babesa adierazi die gau hartan «erasotako» guardia zibilei eta haien bikotekideei, baina ohartarazi du prozesu judiziala «hasieratik kutsatu» zela, terrorismo gisa izendatu zelako gertakaria, nahiz eta «hala ez izan». Guardia zibilei babesa emateaz gain, justiziaren «independentzia» defendatu du, bestalde, PPko Carmelo Barrio legebiltzarkideak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna