Albistea entzun

Bukatutzat eman dute Kataluniako polizia operazio berezia

Espainiako Barne Ministerioak larunbaterako etxeratuko ditu independentzia prozesua eragozteko helburuz bidalitako milaka poliziak
<em>Azzurra</em> eta <em>Rhapsody</em> ontziak, Bartzelonako portuan.
Azzurra eta Rhapsody ontziak, Bartzelonako portuan. QUIQUE GARCIA / EFE Tamaina handiagoan ikusi

Mikel Rodriguez -

2017ko abenduak 27

Agudo bukatuko da Koperniko operazioa. Espainiako Barne Ministerioak agindu du larunbaterako etxeratzeko Kataluniako independentzia prozesua eragozteko helburuz irailean bidali zituen milaka poliziak eta guardia zibilak. Hortaz, operazioa hasi aitzinetik Kataluniako kuarteletan eta polizia etxeetan zeudenak geldituko dira. Juan Ignacio Zoido Barne ministroaren arabera, Kataluniari autonomia kentzeko 155. artikuluaren aplikazioarekin eta hilaren 21ean hauteskundeak eginda, «normaltzen ari da» egoera. Hilabeteotan alderdi independentistek hagitz gogor kritikatu dute polizia operazio hori, eta erreferendumaren egunean poliziek eta guardia zibilek boto emaileen aurka egin zituzten erasoak, Katalunian ez ezik, nazioarte zabalean ere gaitzetsi zuten.

Polizia operazio horren ikur bihurtu dira Bartzelonako portuan amarratuta dauden Rhapsody eta Azzurra ontziak —ezagunena egin zen ontzia, Warner etxeko pertsonaien irudiak zituen Moby Dada, azaroaren 16an atera zuten portutik—. Independentzia prozesua eragozteko bidali zituzten polizia gehienak ontzi horietan eduki ditu Barne Ministerioak, eta, horiekin batera, egoitza militarretan eta hoteletan sartu zituenak ere etxeratuko ditu. Kopuru ofizialik ez du inoiz eman, baina, hedabideetan argitaratutakoaren arabera, 10.000 polizia eta guardia zibil inguru bidali zituzten irailean.

Zerrenden «ondorioak»

Zoidok elkarrizketa bat eman zion atzo OKDiario hedabideari. Kazetariak zalantzan paratu zuen Marta Rovira ERCren zerrendako bigarrena eta Elsa Artadi Junts Per Catalunyako hamargarrena hauteskundeetan aurkeztu direlako «normal» ote dagoen egoera, Rovira inputatua duelako Auzitegi Gorenak, eta Artadiren izena Guardia Zibilaren txostenetan ageri delako. «Haiek erabaki zuten nor izanen ziren zerrenda horien buruak, eta horrek ondorioak izanen ditu. Egia da Justiziaren epeak batzuetan ez doazela bat behar politikoekin, baina, azkenean, beti ailegatzen da; beraz, zerrendak egin dituztenak eta horiek osatu dituztenak erantzule izanen dira», erantzun zion Barne ministroak. Hauteskundeetan gehiengo osoa lortu zuten independentistek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Montanan atzeman zuten globoa. ©BERRIA

AEBek Txinaren bigarren globo bat atzeman dute Latinoamerikan

Julen Otaegi Leonet

Pentagonoak Montanan atzeman zuen atzo ustezko lehen globo espioia; gaurko ordu txikietan, beste bat, Latinoamerikan. Ez du zehaztu non. Antony Blinken AEBetako Estatu idazkariak Txinara egitekoa zen bidaia bertan behera utzi du.

 ©MARCO SANTOPADRE

«Itsasoan hiltzen direnak dira larrialdia, ez bizirik iristen direnak»

Marco Santopadre

Ekintzailearen esanetan, «bisa politika bidegabeen biktima» izaten jarraitzen dute oraindik ere joan-etorriak libre eta seguru egiteko eskubidea behar luketen milaka pertsonak.
Italiako Polizia hilik aurkitutako zortzi migratzaileen gorpuak daramatzan ontziaren zain. / ©Concetta Rizzo, EFE

Kostazainek 42 pertsona erreskatatu dituzte Lampedusatik gertu

Arantxa Elizegi Egilegor

Zortzi lagun hilik atera dituzte ontzitik. Erreskatatutako migratzaileen esanetan, hotzez hil ziren. Beste bi desagertutzat jo dituzte.

Montanako zeruan ikusi duten ustezko globo espioia. ©BERRIA

AEBek Txinako ustezko globo espioi bat atzeman dute beren aire eremuan

Berria

Txinak «ez espekulatzeko» eskatu du, baina gertakariak korapilatu egin dezake igandetik aurrera Antony Blinken AEBetako Estatu idazkaria Txinara egitekoa den bi eguneko bisita.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...