Albistea entzun

Inflazioa goititu egin da maiatzean, %8,3raino

Elikagaiak iaz baino %10,2 garestiago salerosi dira Hego Euskal Herrian. Azpiko inflazioa gora eta gora ari da, eta %4,5era igo da
Tamaina handiagoan ikusi

Irune Lasa -

2022ko ekainak 11

Maiatzarekin berehala eten da kontsumo prezioek martxoan goia jo ostean hasitako apalaldia, eta inflazio tasa berriz goititu da Hego Euskal Herrian, %8,3ra, apirileko %8tik. Herritarren poltsikoak jada igartzen duena berretsi dute estatistikek, eta elikagaiek eta erregaiek garestitu dute gehien erosketa saskia.

Erregaiek igoarazi dute gehien indizea: iazko prezioekin alderatuta, gasolinak eta dieselak %31,2 garestiago salerosi dira joan den hilabetean Hego Euskal Herrian. Apiriletik maiatzera %3,5ekoa izan da igoera.

Aipagarria da elikagaien garestitzea ere: etengabea izan da azken hilabeteetan. Ondorioz, elikagaien prezioak jada iazkoak baino %10,2 garestiagoak dira Hegoaldean. Azken hogei urteei erreparatuta ere ez da ikusten halako igoerarik elikagaietan.

Zerealek ederki igarri diote Ukrainako gerrari, eta iaz baino %15 inguru garestiago daude. Ogia ere gero eta garestiago dago. Eta pentsuaren prezioen eragina ere zabaldu da haragietara eta esne eta esnekietara.

Aldiz, argindarraren prezioak apaltzen jarraitu du maiatzean, nahiz eta horrek ez duen esan nahi merke dagoenik. Eta gasa ere heren bat inguru garestiago dago iaz baino. Ondorioz, iazko maiatzarekin alderatuta, berokuntza eta argiztapena %31 garestiago ordaindu dituzte kontsumitzaileek, martxoan iritsitako %68ko tasatik urrun, baina garesti oraindik.

Azpiko inflazioa

Elikagai eta erregaiek erosketa saskia kariotu dute, baina ez horiek bakarrik: prezioen igoerak beste kontsumo gaietara zabaltzen ari dira. Horren erakusgarri azpiko inflazioaren igoera etengabea. KPIko aldagairik aldakorrenak (elikagai freskoak eta erregaiak) kanpoan uzten dituen azpiko inflazioa %4,5eraino iritsi da, martxoko %3,5eko eta apirileko %4,3ko tasak gaindituta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Renferen webgunean edota app-an eskatu daitezke deskontu bonuak. ©Luis Millan / EFE

Renferen erabiltzaileek %50eko deskontu bonuak eska ditzakete gaurtik aurrera

Paulo Ostolaza

Internet bidez eska daitezke. Neurria irailetik 1etik abenduaren 31ra egongo da indarrean, eta tarte horretan gutxienez hamasei bidaia egin beharko ditu erabiltzaileak.

 ©JAGOBA MANTEROLA / FOKU

«Prezioen bat-bateko igoera gezurrezkoa da»

Joxerra Senar

Maiatz hasierarako marka guztiak hausteko bidean zen Nafarroako zereal uzta, baina, beroaren ondorioz, iaz baino %15 gutxiago bildu da. Lehorteak udako fruitu eta barazkiei kalte egingo diela uste du Goñik.
Aljeriako Banku Nazionalaren bulego bat, Aljer hiriburuan. ©STR / EFE

Normaltasunerako itzulera nahasia

Ricard Gonzalez

Madrilek Sahararen auzian «traizio» egin ondoren, Aljeriako Gobernuak Espainiarekiko harreman komertzialak trabatu zituen. Gauzak bere onera itzultzen ari dira, baina bidea ez da erraza izaten ari.

Afrikako gasaren lastotxoa

Afrikako gasaren lastotxoa

Imanol Magro Eizmendi

Aljeriak, Nigerrek eta Nigeriak Saharan zeharreko gasbideari ekiteko akordioa lortu dute. Europaren energia beharrak berpiztu egin du hainbatetan bertan behera gelditu den egitasmo erraldoia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...