Noiz sortua: 2018-07-13 00:30:00

Trumpek eta petrolioak hazkunde aurreikuspena jaistera eraman dute

Europako Batzordeak bi hamarren jaitsi du Batasunerako eta eurogunerako aurreikuspena, eta %2,1ean utzi du 2018rako hazkundea
Pierre Moscovici EBko Ekonomia komisarioa, atzo.
Pierre Moscovici EBko Ekonomia komisarioa, atzo. STEPHANIE LECOCQ / EFE Tamaina handiagoan ikusi

Xabier Martin -

2018ko uztailak 13

Donald Trumpen gurutzada protekzionista Europako hazkundeari eragiten ari zaio azken hilabeteetan, eta petrolioaren hazkundeak ekonomia moteltzen lagundu du, gainera. Europako Batzordeak mezu argia helarazi zuen atzo: Batasuna eta eurogunea uste baino gutxiago haziko dira 2018. urtean. Aurreikuspena bi hamarren jaitsi du gune bietan, eta %2,1ean utzi du bientzat.

«Tentsio komertzialak» dira aurreikuspen makroak apaltzeko arrazoi nagusia, Pierre Moscovici Ekonomia komisarioak argi esan zuenez. Europak jasan duen kolpea «mugatua» izan da orain arte, baina arrisku handia dago Trumpen protekzionismoak eragindako tentsio horiek «areagotzeko», komisarioaren ustez.

Moscoviciren hitzak entzun eta berehala dator burura Etxe Zuriak auto europarrei muga zerga handiagoak ezartzeko egin duen mehatxua. Erantzun irmoa letorke Europatik horrelako neurri baten aurrean, eta «tentsio komertzialak», abian dagoen gerra komertzialak alegia, gora egingo luke. Baina maila hori igo gabe ere, horrelako zerbait gertatzeko aukera egote hutsa «konfiantzarik eza» eragiten ari da merkatuetan, eta Europako ekonomiaren hazkundea nozitzen ari da giro hori guztia.

Eta petrolioaren eboluzioa ez da laguntzen ari, gainera. Petrolio merkea oroitzapen bat baizik ez da bihurtzen ari, eta haren garestitzeak familien erosteko ahalmena urra dezake luze gabe. Inflazioa gora bultzatu du erregai garestiagoak, eta ez da iritsi unerik onenean. Brexit-aren auzia azken txanpan sartzear dago, halaber, eta ez dauka itxura onik; finantza merkatuak aldakor daude, gainera.

Batzordea, baikor

Eta, hala ete guztiz ere, Brusela baikor dago, ekonomia «sendo» ikusten duelako, eta haren oinarriak «irmo». Ekonomia moteltzeko joera ez du inork zalantzan jartzen, baina hazkundea egon egongo da, baita 2019an ere, Moscovicik azaldu zuenez.

Horiek horrela, Europako ekonomia handien hazkunde aurreikuspena hamarren batzuk apaldu du Batzordeak; Frantziarena, hiru hamarren, %1,7raino; Alemaniarena, lau hamarren, %1,9raino; eta Italiarena, bi hamarren, %1,3raino. Espainiarena ere apaldu du Batzordeak, baina hamarren bat bakarrik, eta haren balizko hazkundea %2,8an utzi du. Ekonomia handien artean bakarra da batezbestekotik gora haziko dena.

OCDE Ekonomia Lankidetza eta Garapenerako Erakundea ere protekzionismoak eragin ditzakeen lazerien inguruan aritu zen atzo. Munduko merkatuak 1990. urteko muga zergetara eramango lituzkeen oldarraldi protekzionista batek kolpe izugarria emango lioke ekonomiari; 2060. urte aldera «bizi kalitatea %14 jaitsiko litzateke, batez beste». OCDEren arabera, gorabidean diren herrialdeetan nozituko lukete gehien egoera ekonomiko okerragoa; BRIICS taldekoetan (Brasil, Errusia, India, Indonesia, Txina eta Hegoafrika) %18 okertuko litzateke bizi kalitatea. OCDEk epe luzera egindako txosten bat oinarri hartuta jakinarazi zituen aurreikuspen negatibo horiek, hain justu Trumpek inoiz baino arriskutsuagoa ematen duenean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du bihar Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna