Aurrekontuak babestuko dituela baieztatu du CUPek

CUPek baieztatu du Generalitatearen aurrekontuak babestuko dituela, baina ohartarazi du babesa «baldintzapekoa» dela, soilik erreferendumari bidea irekitzeko egingo dutelako. Carles Puigdemonten Gobernuaren aurrekontuei buruzko eztabaida abiatu zuten atzo Kataluniako Parlamentuan.

Eulalia Reguant CUPeko diputatuak jakinarazi du bere taldeko hamar ordezkarietatik zortzi abstenitu egingo direla, eta beste bik alde bozkatuko dutela. Gogorarazi du galdeketak irailean duela iraungitze data, eta gobernuari eskatu dio aurrekontuak onartu ostean zehaztu ditzala erreferendumaren eguna eta galdera. Gaur bozkatuko dituzte aurrekontuak, eta, espero bezala, Junts Pel Siren eta CUPen botoekin onartuko dituzte.