Albistea entzun

Azaroaren 4an abiatuko da EH Sona Bartzelonan

Saioa Baleztena -

2016ko urriak 15

Izaki Gardenak, Zea Mays, Doctor Deseo, Esne Beltza eta azaroaren 18an Tabula Rasa disko berriarekin itzuliko den Willis Drummond izango dira aurtengo jaialdian talderik azpimarragarrienak EH Sona Bartzelonako jaialdian.

Urtero legez, udazkenarekin batera, Euskal Herriko hainbat musika estilo eta talderen topaleku bilakatuko Kataluniako hiriburua azaroaren 4tik aurrera. Aipatutakoez gain, Baobab's Will Destroy Your Planet, En Tol Sarmiento, Kukai, La Basu, Zarpazo eta A Cicatriz taldeek osatuko dute, besteak beste, aurtengo kartela.

«Sekula baino doako kontzertu gehiago» antolatu dituztela azpimarratu dio BERRIAri Bartzelonako Euskal Etxeko Kultura arduradun Ekaitz Garatek. Gainera, lehen aldiz, EH Sona jaialdia EHa Barcelona izeneko egitasmoarekin batuko da. Baina berrikuntza gehiago ere ekarriko ditu aurtengoak; izan ere, EH Sona EH al Born izeneko egitasmoarekin ere batuko baita, euskal kulturaren erakusleiho izateko asmoz. Hala, Kukai eta Esne Beltzaren mailako taldeak ikusgai izango dira, doan, eta, gainera, «sukaldaritza eta musika uztartzen dituen ikastaro bat» antolatuko dituzte azaroaren 25etik 27ra bitarteko asteburuan.

Baina aurtengo jaialdia bereizgarria da, batez ere, «disko berria aurkezten duten hainbat taldek eskainiko dituzten lehen kontzertuen artean dagoelako Bartzelonako EH Sona jaialdiarena», azpimarratzen du Garatek. Tartean izango dira Zea Mays eta Willis Drummonden aurkezpenak, erraterako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Victor Arrizabalaga eskultorea, Angurretan. / ©Monika del Valle, Foku

Harri zaharren erabilera berriak

Amaia Igartua Aristondo - Bizkaiko Hitza

   
Victor Arrizabalaga eskultoreak arte gune bihurtu du 1970eko hamarkadatik ustiatu gabeko Mañariko Angurreta harrobia. Arte garaikidearentzako leku bat izatea da helburua, baina ohiko kultur ekitaldiak ere hartuko ditu. Bisita gidatuak eta Laukoteren kontzertua izango dira gaur.

 ©MARISOL RAMIREZ / FOKU

«Paparra erakusteko moduan dago komikigintza»

Gorka Arrese

Marrazkilaria, gidoilaria eta editorea da Dani Fano (Donostia, 1968). 'Sasi artean Elgeta' albuma argitaratu du berriki, Ekaitz Agirre 'Garluk' margolariarekin eta Koldo Izagirre gidoilariarekin batera. Ikastolen Elkartearen 'Xabiroi' komiki aldizkaria gidatzen du 2005etik hona.
Txaber Altubek irabazi zuen Bizkaiko Bertsolari Txapelketako kanporaketa. ©MONIKA DEL VALLE / FOKU

Soto, Sanjurjo eta Gorosterrazu, Nafarroako finalaurrekoetan

Berria

Donezteben jokatutako azken kanporaketarekin erabakita gelditu dira finalerdiak. Altube nagusitu da Bizkaian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna