Albistea entzun

Puigdemontek Rajoyri eskatu dio «Europaren aitzinean» zuzentzeko

Kataluniako presidente gisa urte bukaerako hitzaldia egin du Bruselatik buruzagi independentistak. Puigdemontek ez du argitu Kataluniara itzuliko ote den, ezta inbestidurarekin zer eginen duen ere
Carles Puigdemontek Kataluniako presidente gisa atzo Bruselatik egin zuen urte bukaerako mezu instituzionalaren irudi bat.
Carles Puigdemontek Kataluniako presidente gisa atzo Bruselatik egin zuen urte bukaerako mezu instituzionalaren irudi bat. BERRIA Tamaina handiagoan ikusi

Mikel Rodriguez -

2017ko abenduak 31

Espainiako Gobernuak konstituzioaren 155. artikulua aplikatzen duenetik presidente autonomorik gabe dago Katalunia, baina Carles Puigdemontek Generalitateko presidente gisa urte bukaerako hitzaldi instituzionala egin zuen atzo, Bruselatik, eta Internet bidez. Ikusmina sortu zuen, duela hamar eguneko hauteskundeen ondoren sortu diren bi galdera nagusiei erantzunen bat emanen ote zien: Kataluniara itzuliko ote den, eta zer eginen duen inbestidura saioarekin. Hala ere, urteroko mezuaren kutsu instituzionalari eutsi zion, eta ez zuen argibiderik eman. Mariano Rajoy Espainiako presidenteari mintzatu zitzaion gehienbat. Hauteskundeetan PPk jasandako galeraren ondoren, eskatu zion orain arte egindakoa «Europaren aitzinean» zuzentzeko.

Kataluniako banderaren ondoan EB Europako Batasunekoa zuela grabatu zuen hitzaldia Puigdemontek, eta aipamen anitz egin zizkion Europari, baina EBko erakundeei ez zien ez kritikarik, ez eskaririk egin. Azken egunetan egin bezala, Rajoyri eskatu zion orain arteko norabidea zuzentzeko, «eragindako mina» konpontzeko, eta «katalanen baimenik gabe kendu duten guztia» berriz paratzeko. Horrekin batera, «gobernu legitimoarekin» negoziatzeko eskatu zion.

Goizean, Elsa Artadi Junts Per Catalunyako kanpaina zuzendaria mintzatu zen presidentegaiaren auziaz. Baztertu egin zuen Oriol Junqueras ERCko zerrendaburua izendatzeko aukera. «Generalitateko presidentea badaukagu. Hauteskundeen emaitzak argiak dira. Ez litzateke zintzoa gure mezua aldatzea hauteskundeetatik astebete bakarrik igaro ondoren. Gure proposamena da Puigdemontek jarraitzea, eta presidenteordea [Junqueras] karguan mantentzea». ERCko hainbat ordezkarik azken egunotan zalantzak agertu dituzte Puigdemontek gobernua erbestetik zuzentzeaz, eta alternatibatzat Junqueras proposatu dute, nahiz eta espetxean egon —ortzegunean aztertuko du Auzitegi Gorenak hura libre utzi ala ez—. JPCk 34 parlamentari lortu zituen, ERCk baino bi gehiago. CUPen laurak gehituz gero, gehiengo osoa dute independentistek.

Ciutadansek, berriz, nahiz eta bozak irabazi, ez du behar adina babes gobernatzeko. Ines Arrimadas hautagaiak estrategia aldaketa bat egin zuen atzo: «Parlamentuko mahaiko presidentetza nahi dugu, ez dadin berriz egon independentisten menpe».

Joan dira poliziak

Espainiako Gobernuak iragan asteartean jakinarazi zuen independentzia prozesua eragozteko Koperniko operazioa bukatutzat emanen zuela, eta, agindu horri jarraikiz, atzo joan ziren Kataluniatik irailean eramandako milaka polizia eta guardia zibilak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Boluntarioak hondakin artean harrapatuta daudenen bila, Idliben, Siria. ©KARAM AL-MASRI / EFE

Sirian egoera «jasangaitza» dela ohartarazi dute nazioarteko GKEek

Mikel O. Iribar

Ekialde Hurbilean 15.000tik gora dira hildakoak. Erbesteratu kurduek eskatu dute giza laguntza Kurdistango Ilargi Gorriaren bitartez emateko. Turkiako presidentea kaltetutako eremuetan izan da

Kasko Zuriak, erreskate lanean, atzo gauean, Idliben, Siria iparraldean. ©YEHYA NEMAH / EFE

Dagoeneko 15.000tik gora dira Ekialde Hurbileko lurrikaretan hildakoak

Mikel O. Iribar

Askok autoetan eta kalean lo egin dute, etxera itzultzeko beldur. Milaka dira kaltetuak, eta lurrikarak are gehiago okertu du Siria iparraldeko eta Kurdistango egoera. Erreskate taldeak hondamendi eremuetara iritsi ezinik dabiltza.

AEBetako presidente Joe Biden, Kongresuko agerraldian. / ©Jacquelyn Martin, EFE

Biden: «Txinak gure subiranotasuna urratzen badu, geure burua babestuko dugu»

Arantxa Elizegi Egilegor

Estatuaren egoerari buruzko agerraldia egin du AEBetako estatuburuak. Besteak beste, Ukrainako gerraz eta droga trafikoaz aritu da.

Kenyako Baserritarren Ligako idazkari nagusi Sidi Otieno, elastiko gorri batekin. ©OSKAR EPELDE JULDAIN

Kenyako Gobernuaren aurkako salaketa jarri dute transgenikoak baimentzeagatik

Oskar Epelde Juldain

Kenyako nekazari talde batek gobernua salatu du, hazi transgenikoen inportazioabaimentzeagatik. Datorren astean hasiko dute epaiketa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Mikel Rodriguez

Informazio osagarria

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.