Albistea entzun

Uemak eskatu du «behar den guztia» egiteko ETB3 Nafarroa osoan ikus dadin

Urtzi Urkizu -

2022ko urriak 22

Iraitz Lazkano Uemako lehendakariak eta Garikoitz Goikoetxea Uemako teknikariak agerraldia egin zuten atzo Nafarroako Parlamentuan, ikasleekin egindako inkesta baten datuak emateko. Azterlanaren ondorio nagusia da ikus-entzunezkoen euskarazko kontsumoa erdarazkoen oso azpitik dagoela telebistan, streaming bidezko plataformetan, sare sozialetan eta bideojokoetan. Bide batez, Lazkanok adierazi du ETB3 Nafarroa osoan ez ikustea «oinarrizko hutsunea» dela: «Parlamentariei deia egin nahi diet: egin behar den guztia egin dezatela ETB3 katea Nafarroa osoan behingoz ikusi ahal izateko. Ezinbestekoa da».

Baztanen, Sakanan eta beste eskualde batzuetan ETB3 ezin da ikusi lurreko telebista digitalaren bidez. EH Bilduk, Espainiako Gobernuaren 2022ko aurrekontuei baiezkoa ematearen truke, Madrilen konpromisoa lortu zuen ETB3 Nafarroa osora zabaltzeko. Irailaren 29an, Nafarroako Gobernuko lehendakariorde Javier Remirezek Espainiako Gobernuari egotzi zion errua, eta ohartarazi zuen Madrili dagokiola multiplex bat sortzea.

Uemako lehendakariaren arabera, ETB3 herrialde osoan ez ikustea «oso larria» da: «Jasanezina da, eta lehenbailehen konpondu beharrekoa».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Paco Rabanne, 2004ko argazki batean. / ©Montserrat T. Diez, EFE

Paco Rabanne diseinatzaile pasaitarra hil da

Edu Lartzanguren

Bretainiako etxean zendu da, 88 urterekin. Frankismoak erbesteraturikoen errefuxiatu kanpalekuetatik pasa zen, eta modaren inperio bat sortu zuen.

Emari jokoa ©EMARI

Emari: erreferenteak diren emakumeen inguruan ikasteko jokoa

Isabel Jaurena

Egunero, emakume baten izena asmatu behar dute erabiltzaileek, eta horretarako bost arrasto izanen dituzte.

 ©GORKA RUBIO / FOKU

«Bortxaketa salatzeko erabili dut musika»

Ane Insausti Barandiaran

'Medusa' izeneko EPa sortu du AyVeek, jasan zuen bortxaketa eta ondoren bizi izandakoak kontatzeko. Haren hitza zalantzan jarri zutela salatu du, eta ingurukoen babesari esker egin duela aurrera.
ETB1eko <em>Go!azen</em> telesaileko aktore gazteak. ©ETB

Hiru haurretik batek ikusi du aurten 'Go!azen' ostiraletan ETBn

Urtzi Urkizu

ETB1eko telesailaren denboraldia gaur amaituko da. Kontzertuek maiatzera arte jarraituko dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...