EITBri eskatu diote herri euskaldunen errealitatea errespetatzeko

Urtzi Urkizu -

2020ko otsailak 15

Uema Udalerri Euskaldunen Mankomunitateak EITBri beste behin eskatu dio udalerri euskaldunetako errealitatea errespetatzeko, eta, aldi berean, elkarlanerako eskua luzatu dio. Uemako eta EITBko ordezkariek bilera bat egin dute asteon irrati-telebistaren Bilboko egoitzan. «Udalerri euskaldunetako alkateak, zinegotziak edo herritarrak ETBn gazteleraz hitz egiten agertzeak udalerri euskaldunen irudia lausotzen du», deitoratu du Uemak, «irudi horrek ez duelako gune horietako errealitate soziolinguistikoa islatzen». Jarduera horri konponbidea emateko, Uema 2014an hasi zen biltzen EITBko zuzendaritzarekin.

Uemaren iritziz, urteotan EITBk berak egin ditu urratsak. «Uemak 2014an egindako eskaeren ondoren, adierazpenen hizkuntza tratamendua arautu zuen EITBk». Baina hartutako konpromisoa askotan «hutsean» geratu dela uste du Uemak: «Udalerri euskaldunetako ordezkarien eta herritarren bestelako inertziengatik, adierazpenak gaztelaniaz ere egiten dituzte». Garai batean egindako eskaerak berretsi eta orduan hartutako konpromisoei eusteko eskatu dio orain Uemak EITBri. BERRIAk gaiaren inguruan galdetu du EITBn, baina taldeak esan du ez duela baloraziorik egingo.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Erandioko Akarlanda parkean aukera dago barbakoak egiteko, paseoan, korrika eta bizikletan ibiltzeko, eta eskalatzeko. ©RAUL BOGAJO / FOKU

Arnasgune bat bidegurutzean

Uxue Gutierrez Lorenzo

Bilbo hirigunetik oso hurbil eta herri ugariren bidegurutzean dago Erandioko Akarlanda parkea. Besteak beste, eskalatzeko, paseoan ibiltzeko eta barbakoak egiteko aukera dago han.

 ©IÑIGO URIZ / @FOKU

«Pedagogiak independentzia lortzen ez badu, ez dugu sekula aurreratuko»

Iker Tubia

Apalategik uste du eskolaren eraketak pedagogoen eta ikerlarien esku egon beharko lukeela. Jorge Oteiza fundazioan aurrekoen lekukoa hartu duela azaldu du.
Inaxio Esnaola kazetaria, <em>Burdinola</em> saioaren arduraduna. ©MAITE REZABAL ARREGI / IRUTXULOKO HITZA

Heavya itzuli da uhinetara

Jakes Goikoetxea

Naiz irratia heavy metalari buruzko 'Burdinola' saioa ematen hasi da, Inaxio Esnaolaren eskutik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.