Albistea entzun

Itzuliak azken zortzi urteetako ikusle daturik onenak lortu ditu aurten

Urtzi Urkizu -

2021eko apirilak 13

Euskal Herriko Itzuliaren ETB1eko emankizunek oso ikusle datu onak bereganatu dituzte aurten; izan ere, 2013tik hona ez dituzte hain marka onak lortu. Joan den astean, Itzuliak %8,8ko batez besteko ikusle kuota izan zuen Araban, Bizkaian eta Gipuzkoan —euskaldunen artean, %12,5ekoa—. ETB1 katearen batez besteko kuota %2koa izan zen martxoan.

Etapen artean, bereziki nabarmentzekoa izan zen azkeneko etapak, larunbatekoak, utzitako datua: %12,7ko ikus-entzule kuota —euskaldunen artean, %20,2koa—. Ondarroatik (Bizkaia) abiatu eta Eibarren (Gipuzkoa) amaitu zen etapa 308.000 herritarrek ikusi zuten uneren batean Euskal Telebistan.

Iazko datuekin alderatuz, aurten 3,6 puntu handitu da txirrindularitza probaren kuota.

'Historias a bocados', lider

ETB2ko Historias a bocados programak, bestalde, datu apartak lortu zituen igandean: Joseba Argiñanok Dimako Oba auzoan (Bizkaia) grabatutako saioak %13ko ikusle kuota lortu zuen, eta liderra izan zen bere ordutegian. 231.000 herritarrek ikusi zuten uneren batean programa. Orain arteko daturik onenak Bermeoko Artika auzoko (Bizkaia) atalarenak izan dira: %14,5eko kuota.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©RAUL BOGAJO / FOKU

«Pasioari esker heldu naiz nagoen lekuraino»

Olatz Enzunza Mallona

Aspalditik ari da dantzan Krego, 12 urterekin hasi baitzen dantzatzen. Egun, Euskal Herriko dantzaririk beteranoenetako bat da, eta oraindik ere ez du erretiroa hartzeko asmorik. Dantzaren mundua oraindik «ezezaguna» dela azpimarratu du.
Mikel Zumeta Donostiako Zinemaldiko BERRIAko kritikarietako bat, atzo, Maria Cristina hotelean. ©JON URBE / FOKU

Allenen hiria, ohiko Donostia

Urtzi Urkizu

Donostiako turismo bulegoak ibilbide bat prestatu du Woody Allenen 'Rifkin's festival' filmeko eszenetako tokietan oinarrituta. Bide osoa oinez edo bizikletaz egin daiteke.
Ramon Olasagasti. ©Irati Saizar Artola - Gipuzkoako Hitza

«Idaztearekin zerikusia duen lanbide bat nahi nuen, garbi nuen»

Irati Saizar Artola - Gipuzkoako Hitza

Lanbide ezberdinetan arituagatik, mendia eta natura beti izan ditu gertu Olasagastik; kazetaritza lanetan, itzulpengintzan zein sortze lanean, mendia izan baitu gehienetan oinarrian. Mendiaren inguruan dabil orain ere, komiki bat idazten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna