Albistea entzun
Emakumeen aurkako indarkeriari ez
Emakumeen aurkako indarkeriari ez

Elkargoak aholkatu du eraso sexisten biktimentzat guneak jartzeko festetan

Jaietan indarkeria matxistari aurre egiteko lehenengo protokoloa prestatu du erakundeak. Ipar Euskal Herriko 158 herrietara bidali dute
Baionako bestak, artxiboko irudi batean.
Baionako bestak, artxiboko irudi batean. BOB EDME Tamaina handiagoan ikusi

Irati Urdalleta Lete -

2022ko ekainak 9

Udako festen atarian, jaietarako eraso sexisten aurkako protokolo bat ondu du Euskal Hirigune Elkargoak, lehenengoz. Festen prestakuntzan eta festa egunetan eragin nahi dute. Dagoeneko Ipar Euskal Herriko 158 herriei helarazi diete. Bertan, hainbat gomendio eman dizkiete antolatzaileei, besteak beste, eraso matxistaren bat jasan dutenentzat harrera guneak jartzea.

Jaien antolakuntzatik bertatik jarri nahi dute mahai gainean gaia. Gomendatu dute festako eragile guztien artean «dispositiboa» sortzea, eta prestatutakoa gizarteratzea: «Antolatzaileek bortizkeria sexual eta sexisten kontrako dispositiboa aurkezten duen komunikazio kanpaina bat antolatuko dute».

Festa garairako jarraibideak ere zehaztu dituzte. Afixak jartzeko eskatu dute, sentsibilizatzeko, zigorrez ohartarazteko, arduratsu jokatzera gonbidatzeko eta «zailtasunetan den pertsonari» laguntza eskaintzeko. Gainera, proposatu dute kolore batez identifika daitezkeen pertsonak jartzea festetan, besteak beste «segurtasunaz» arduratzeko.

Halaber, erasoaren osteko uneei erreparatu asmo diete. Biktimentzako harrera guneak jartzea nahi dute, haiei «babesa» emateko, «lasaitzeko» eta erasotzailea identifikatzeko balio dezaketen lekukotasunak bilatzeko. Gainera, biktimaren lekukotasuna ere bertan jasotzea nahi dute, haiei entzuteko eta prozedura judiziala eta salaketa prozedura jakinarazteko.

Elkargoak ez ezik, Emakundek ere ondua du festetarako gida bat, Eudelekin eta foru aldundiekin. Andreentzako giro «seguruak» ditu xede.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Alemaniako Grevenbroich hiriko parke eolikoa, eta, atzean, ikatzezko zentrala, duela gutxiko irudi batean. ©SASCHA STEINBACH / EFE

PLANETAREN MUGEKIN TALKAN

Iñaki Petxarroman

50 urte dira Hazkundearen Mugak txostena kaleratu zutela. Ekonomia ulertzeko beste modu bat ezarri zuen, eta zientzian oinarritutako sistema batekin erakutsi zuen hazkunde etengabeak etorkizunean eragin zitzakeen arazoak. Gaur egun, begi bistan daude arazo horietako batzuk, hala nola klima krisia eta bioaniztasunaren galera.
 ©BERRIA

«Gure aztarna ekologikoak egungoaren hamarren bat izan behar du»

Iñaki Petxarroman

Kontsumoa eta ekoizpena apaltzea eta espiraleko ekonomia martxan jartzea beste biderik ez du ikusten Antonio Valerok.
Juan Mari Aburto lore eskaintza egiten, atzo, Bilbon. ©BILBOKO UDALA

Frankismoak espetxeratutako andreak omendu dituzte Bilbon

Iosu Alberdi

Bilboko Udalak eta Gogora institutuak plaka bat jarri dute Orue Txaleta zegoen lekuan. Eraikin hura espetxe izan zen 1937tik 1942ra bitarte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.