Euskaltzaindiak eskatu du euskara ez «monopolizatu eta instrumentalizatzeko»

Nafarroako Parlamentuaren domina eman diote euskararen akademiari. Lauaxeta eta Abadia sariak ere banatu dituzte
Nafarroako Parlamentuaren domina eman diote Euskaltzaindiari.
Nafarroako Parlamentuaren domina eman diote Euskaltzaindiari. EUSKALTZAINDIA Tamaina handiagoan ikusi

Iosu Alberdi - Irati Urdalleta -

2019ko abenduak 3

Bere ehungarren urteurrena ari da ospatzen Euskaltzaindia, eta, zenbateko borobil hori aintzat hartuta, Nafarroako Parlamentuaren domina eman dio erakunde horrek euskararen hizkuntza akademiari. Haren «ibilbide akademikoa eta historikoa» saritu nahi izan ditu; batez ere, «euskararen batasunerako eta normalizaziorako» eginiko lana. Euskaltzaindiko presidente Andres Urrutiak adierazi du erakundea «politikatik at» aritu dela lanean: «Ulertzen dugu euskara herriaren ondarea dela, denon ondarea, ezin dena ez instrumentalizatu, ez monopolizatu». Nafarroako Parlamentuko presidente Unai Hualdek adierazi du aho batez hartutako erabakia izan dela, eta horrek «are bereziago» egiten duela errekonozimendua.

Euskaltzaindiak ez ezik, beste hainbat herritarrek ere jaso zuten atzo euskararen alde egindako lanaren errekonozimendua, Lauaxeta eta Abadia sarien bidez. Bizkaiko Foru Aldundiak hamabosgarren aldiz banatu ditu Lauaxeta sariak. Administrazioan euskararen erabilera bultzatzea helburu izan duen EraMiak programarentzat izan da ohorezko saria, lan munduan euskara gehiago egitea sustatzeagatik. Iñigo Astiz BERRIAko kazetariak, berriz, 35 urtetik beherakoentzako poesian lortu du irabaztea, Analfabetoa poema bildumarekin. 35 urtetik gorakoentzako poesiaren kategorian, Itsas Bizimina lanarekin, Pello Otxotekorentzat izan da saria. Azkenik, ikus-entzunezkoen mailan, Fermin Etxegoien saritu dute Euskaltzaindia: Egunak eta lanak dokumentalagatik.

Gipuzkoako Foru Aldundiak, berriz, Arantxa Urretabizkaiaren lana aitortu du, Abadia sariarekin. Euskararen biziberritze prozesuari egindako ekarpenarengatik jaso du saria. Urretabizkaiak lan ugari egin du idazle, kazetari eta itzulpengile gisa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea terrazetan Bilbon, astelehenean. ©Aritz Loiola/FOKU

651 kasu atzeman dituzte Hego Euskal Herrian

Berria

Bizkaian kasu gehien atzeman diren eguna izan da: 402. Osasun Saila eta Bizkaiko Foru Aldundia arratsaldean bilduko dira egoera aztertzeko.

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Osasun langileak PCR probak egitn Donostian, iragan astean. ©Gorka Rubio/FOKU

Getxoko Bikain tabernan eta Gasteizko Sagartoki eta Oh Malbec jatetxeetan izan zirenei proba egiteko eskatu die Jaurlaritzak

Berria

Toki horietan izan zirenek beren osasun etxera edota osasun aholkularitzara deitu beharko dute ordua hartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna