Albistea entzun

Lula aurretik dela hasi dute Brasilgo bozetarako kanpaina

Inkesten arabera, botoen %44 eskuratuko lituzke Langileen Alderdiko hautagaiak. Urrian egingo dituzte presidentetzarako hauteskundeak

Lide Iraola -

2022ko abuztuak 17

Brasilen atzo hasi zuten presidentetzarako hauteskundeetarako kanpaina. Hamabi dira hautagaiak, baina bik bakarrik dute aukera bigarren itzulira igarotzeko: PT Langileen Alderdiko hautagai eta presidente ohi Luiz Inacio da Silva Lula-k, eta Alderdi Liberaleko kide eta egungo estatuburu Jair Bolsonarok.

Lula jotzen dute garaile inkesta guztiek. Horien arabera, botoen %44 lortuko lituzke estatuburu izandakoak, eta tarte esanguratsua aterako lioke Bolsonarori, hamabi puntukoa. Gainerako hautagaiek ez lukete eskuratuko botoen %6 baino gehiago. Horiek hala, eta Ipec etxearen aurreikuspenen arabera, botoen %51 jasoko lituzke Lulak bigarren itzulian, eta %35 Bolsonarok. Inkesta etxeak egungo presidenteak duen onespena ere neurtu du: galdekatutakoetatik %29k ontzat eman dute legealdia; %43k esan dute «oso txarra» izan dela, eta %26k, «hala moduzkoa».

Lehen ekitaldiak

Sare sozialetan hasi zuten kanpaina hautagaiek. Lulak bideo bat zabaldu zuen, Brasil zoriontsu baten itxaropena, berriz ere lelopean, hura presidente zen garaiari erreferentzia eginez. Bideoan salatzen du gosea itzuli dela herrialdera, inflazioak beldurra sorrarazten duela, eta gutxieneko soldatak eskasak direla.

Bide bera baliatu zuen Bolsonarok ere lehen iragarkia zabaltzeko. Hark, baina, «jainkoa, aberria, familia eta askatasuna» goraipatzeko baliatu zituen sareak. Horrez gain, jendaurreko ekitaldiak ere egin zituzten. Sao Paulo hiriaren kanpoaldeko autoen fabrika batera joatekoa zen Lula bart. Presidente ohiak han egin zituen bere ibilbide politikoko lehen pausoak 80. hamarkadan, ordezkari sindikal gisa. Bolsonarok, berriz, Juiz de Fora udalerrian hastekoa zuen kanpaina.

Datozen asteetan, hala ere, ekonomia izango dute hizpide nagusi bi hautagaiek. Inflazioa altua da Brasilen, eta horrek asko murriztu du herritarren erosahalmena. Hori aurreikusita, Bolsonarok handitu egin ditu herritar zaurgarrienei bideratutako hilabeteroko diru laguntzak, horrekin boto gehiago jasoko dituen itxaropenarekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

50 zentimoko txanpon berria, Charles III.aren aurpegiarekin. ©TOM HARRISON / EFE

Commonwealtharen etorkizuna jomugan

Mikel Elkoroberezibar Beloki

Erresuma Batuko Elizabeth II.aren heriotzak Commonwealtha aldatu du. Charles III.a hamabost herrialdetako erregea da, eta horietako lauk errepublika bihurtzeko prozesua abiatu dute. Jamaikak, Antigua eta Barbudak, Saint Vincent eta Grenadinek eta Belizek«independentzia osoa» lortu nahi dute.
 ©ROSALEA HAMILTON

«Jamaikan arrasto handia utzi du iragan kolonialak»

M. Elkoroberezibar Beloki

Aberastasunaren banaketa desorekatua Jamaikaren iragan kolonialaren ondorio da, Hamiltonen ustez. Errepublikaren eta demokrazia zuzenaren aldekoa da abokatua.
Europako Komunitate Politikoa osatzen duten agintariak —Zelenskik bideokonferentzia bidez parte hartu du—, gaur, Pragako Gazteluan ©RADEK PIETRUSZKA / EFE

Errusiaren aurkako batasuna irudikatu dute 44 herrialdek

Ander Perez Zala

Europako Komunitate Politikoaren lehen bilkurak agerian utzi du Moskuren bakartzea kontinentean. Orbanek eskatu du zigor ekonomikoez «berriz gogoeta egiteko».

Salomon Uharteetako lehen ministro Manaseeh Sogavare eta Anthony Albanes Australiakoa, Canberran egindako batzarrean. ©LUKAS COCH / EFE

Salomon Uharteetako lehen ministroak esan du herrialdeak ez duela «inoiz» atzerriko base militarrik onartuko

Mikel O. Iribar

Australiako lehen ministro Anthony Albanesekin batzartu da Manaseeh Sogavare, Canberran. «Bakearen aldeko konpromisoa» berretsi dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...