Albistea entzun

Zinemaldiak bost pelikula klasiko berreskuratuko ditu

'Érase una vez...', 'Tampopo', 'Nueve cartas a Berta', 'Pirveli mertskhali' eta 'Dans la nuit' lanak erakutsiko ditu jaialdiak, edizio zaharberrituetan
<em>Pirveli mertskhali</em> filma.
Pirveli mertskhali filma. DONOSTIAKO ZINEMALDIA Tamaina handiagoan ikusi

Leire Perlines Apalategi -

2022ko abuztuak 5

Klasikoak sailean, zinema unibertsalaren historiako film klasiko zahar eta modernoak berreskuratzen ditu Donostiako Zinemaldiak. Hala egingo du jaialdiak 70. aldian ere, irailaren 16tik 24ra bitartean. Eta, oraingoan, Josep Escobar eta Alexandre Cirici Pellicerren Érase una vez, Juzo Itamiren Tampopo, Basilio Martin Patinoren Nueve cartas a Berta, Nana Mchedlidzeren Pirveli mertskhali eta Charles Vanelen Dans la nuit filmak hautatu ditu; bostak edizio zaharberrituetan ikusteko aukera emango du.

Jaialdiak 2018an sortu zuen Klasikoak saila; aurten, lehen aldiz, animaziozko film bat hautatu du jaialdiak hartan proiektatzeko: Érase una vez... (1950). Escobar komikigileak —besteak beste, Zipi eta Zape pertsonaien sortzaileak— sinatu zuen film luze bakarra da; Cirici Pellicerrekin batera zuzendu zuen, eta Errauskine ipuinaren egokitzapen bat da. Zuri-beltzeko kopia bat baino ez zegoen, baina Kataluniako Filmategiaren, Luciano Berriatuaren eta Estela Filmsen laguntzaz egindako zaharberritzeari esker, jatorrizko koloreekin emango dute.

Horrez gainera, sailak Tampopo (1985) berreskuratuko du, Itamik zuzendutako western ukituko sukaldaritza komedia. 4K formatuan eraberritutako bertsioaren erabateko estreinaldia izango da. Martin Patinok jaialdiko Zilarrezko Maskorra lortu zuen Nueve cartas a Berta (1966) lanarekin. Espainiako Filmategiak zaharberritu zuen film hori, Portugalgo Zinematekako laborategietan, Cineric taldearen laguntzaz, eta erbesteratu baten alabaz maitemintzen den gizon batez mintzo da.

Beste klasikoetako bat Mchedlidze zuzendari, aktore eta gidoilariaren Pirveli mertskhali (1975) izango da, historiako lehen georgiar futbol taldearen sorrera kontatzen duena. Azkenik, Vanelen Dans la nuit (1930) lan mutua ere emango dute; aktoreak zuzendutako film luze bakarra da, eta hark antzeztu zuen protagonistaren rola. Joserra Senperenak pianoa joko du emanaldian, eta Cannesko eta Lyongo Lumiere zinema jaialdietako zuzendari Thierry Fremauxek aurkeztuko du saioa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bazka musika taldeko kideak: ezkerretik eskuinera, Erik Berganza baxu jotzailea, Fer Apoa abeslaria, Hogei Esteban gitarrista, Txomin Urriza gitarrista eta Galder Izagirre bateria jotzailea. ©GALDER IZAGIRRE

Bederatzi dantza, baso ilunean

Miren Mujika Telleria

Bazka taldeak lehen diskoa ondu du: 'Basoaren ilunean dantza'. Poesia egin dute bederatzi doinu bortitzen gainean, eta horien bidez adierazi dituzte gaur egungo gizarteak eragindako zenbait zauri
Atzo arratsaldean egin zuten opera antzeztuaren entsegua. Irudian, entsegatzen. ©ANDONI CANELLADA/ FOKU

Euskal erako Donizetti bat

Leire Perlines Apalategi

Gaetano Donizettiren 'La Fille du Régiment' egokitu bat taularatuko dute bihar Kursaalean. Elena Sancho-Pereg eta Xabier Anduaga lehen aldiz ariko dira elkarrekin oholtzan
Carmen Alba, Joaquin Calderon eta Paz Fernandez, atzo, Iruñean. ©IÑIGO URIZ / FOKU

55 film lehiatuko dira NIFF Nafarroako zinema jaialdiaren 4. aldian

Itsaso Jauregi

Datorren astean izango da festibala, abuztuaren 17tik 20ra. Antzerki Eskolan, Kondestablearen jauregian eta katedralean emango dituzte filmak
Miren Iriarte, artxiboko irudi batean. ©Gorka Rubio / Foku

Miren Iriarte itzultzailea hil da

Ainhoa Sarasola

Elena Ferranteri eta Fleur Jaeggyri lan bana ekarri zien euskarara, baita euskarazko hainbat lanen gaztelerazko itzulpenak eman ere. Senide eta lagunek gaur eman diote azken agurra, Iruñeko hilerrian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...