Albistea entzun

EOk 'Lorratz' estreinatuko du, Elkanori buruzko proiektuko azken obra

Zuriñe F. Gerenabarrenarena da lana, eta Euskadiko Orkestraren denboraldiko laugarren kontzertu programaren barruan joko dute
Robert Treviñok zuzenduko du orkestra.
Robert Treviñok zuzenduko du orkestra. JUAN HERRERO / EFE Tamaina handiagoan ikusi

Mikel Lizarralde -

2022ko azaroak 30

Hasi eta lau urtera, eta pandemiak eragindako gorabehera ugari gaindituta, Euskadiko Orkestrak 2019an abian jarritako Elkano: mundibira musika bidelagun egitasmoa azken portura iritsi da. Juan Sebastian Elkanok munduari bira eman ziola 500 urte betetzen zirela-eta ekin zion orkestrak proiektuari, eta, orduz geroztik, hainbat euskal konpositorek gai hori ardatz hartuta idatzitako lanak estreinatu ditu. Azkena Zuriñe F. Gerenabarraren Lorratz izango da, bihar bertan Donostiako Kursaalean aurrenekoz emango duena. Ostiralean Gasteizko Principal antzokian aurkeztuko dute; astelehenean, Iruñeko Baluarten; hilaren 7an, Bilboko Euskaldunan; eta azkenik, 9an, berriro ere Kursaalean.

Lorratz-ek Victoria itsasontzia Sanlucar de Barramedako portura iritsi zeneko unea ospatzen du (Espainia), eta, horrela, lehen mundubiraren amaieraren irudikapena osatzen du. Gerenabarrena: «Lorratz konposatzeak esploratzera bultzatu nau, soinu-bidaia honen nabigatzaile hipotetiko gisa, espazio ezezagunari begiratzean azaleratzen den sentipen neurrigabea adieraziz. Ordena, kaosa, liskarra eta begiespena barne hartzen ditu soinu bidaia zirkular honek, handitasun likidoaren eta unibertso neurrigabearen ideiarantz hedatzen den indar zentrifugo gisa».

Gerenabarrenaren obraren aurretik, beste lau konposizio estreinatu ditu EOk Elkano: mundibira musika bidelagun proiektuaren barruan: Mikel Chamizoren Navigare necesse est, Mikel Urkizaren Mis monstruos marinos, Joel Merahren Jakinduriaren usaina eta Teresa Catalanen La victoria vacía.

Robert Treviño orkestrako zuzendari titularra izan da Elkanori buruzko egitasmoaren arduradun nagusietakoa, eta azken obra horren estreinaldia ere berak zuzenduko du. Gerenabarren obraren estreinaldiaren ondoren, orkestrak Anton Brucknerren 8. sinfonia interpretatuko du. Treviño bera aditu da konpositore austriarraren musikan, eta, hain zuzen ere, Brucknerrena izan zen euskal entzuleen aurrean 2016an zuzendu zuen lehen konposizioa; orduz geroztik, askotan agertu da orkestraren programazioan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Rakel Esparza, Juan Mari Aburto, Fernando Perez eta Barbara Epalza, gaur goizean, Bilboko Azkuna Zentroan, urteko programazioa aurkezten. ©AZKUNA ZENTROA

Zortzi erakusketa hartuko ditu aurten Bilboko Azkuna zentroak

Olatz Enzunza Mallona

Erakusketez gainera, beste 200 jarduera baino gehiago programatu dituzte.

Asier Olabarrieta (erdian), Islabaten emanaldi batean, Gasteizen. ©NURIA GONZALEZ / ISLABAT

«Kontsumo ereduak kaleratzen den musika baldintzatzen du»

Iraia Vieira Gil

Islabat izenpean, bere burua onartzeko prozesuan oinarritutako rock diskoa kaleratu du Olabarrietak. «Lasaia» izan da diskoaren bidea; egungo abesti «azkarrak» ez bezala, poliki sortu du musikariak lana.
Maria Elorzaren eta Iñigo Salaberriaren 'Al borde del agua' filmeko irudi bat. ©Ikuspuntu jaialdia

Hamalau herrialdetako hemezortzi film ikusgai Ikuspuntu jaialdiko Sail Ofizialean

Andoni Imaz

Hamar film luzerekin eta zortzi laburrekin osatu dituzte lehiaketako hamar programak. Sei lan lehenengoz erakutsiko dituzte jendaurrean.

Testuaren zama

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...