Albistea entzun

Koronabirusa

Nafarroako Gobernuak ez du asmorik etxeratze agindua berriz ezartzeko

Osakidetzak eta Osasunbideak egindako azken testetan %5,2 izan dira positibo. COVID-19ak jotako 97 paziente daude erietxeetako ZIUetan
Iruñeko kaleak hutsik iluntzez, artxiboko irudi batean.
Iruñeko kaleak hutsik iluntzez, artxiboko irudi batean. JESUS DIGES / EFE Tamaina handiagoan ikusi

Arantxa Iraola -

2021eko irailak 1

Asteburuetan eta jaiegunetan, intzidentzia handiko tokietan, etxeratze agindua ezarrita egon da Nafarroan uda honetan, baina atzo Nafarroako Gobernuko lehendakari Maria Txibitek jakinarazi zuen ez dutela asmorik neurri hori berriz ezartzeko. Neurriak astez aste berrituz joan dira, Nafarroako Auzitegi Nagusiari propio horretarako baimena eskatuta, baina esan zuen dagoeneko ez dutela eskabide hori bideratuko. Izan ere, izurriarekin lotutako datuetan hobekuntza izan dela argudiatuta, orain neurriak arintzera egin behar dela adierazi zuen. Neurriak 01:00etik 06:00etara kalean ibiltzea galarazten du asteburuetan, jai egunetan, eta usadioz herrietan festak ospatzen diren egunetan eta jai horien bezperatan.

Nafarroak «arrisku handiko» eremu izateari utzi diola azaldu zuen atzo Txibitek, eta egoera berri horri erantzunez hartu behar direla orain neurriak. Esker ona adierazi nahi izan zien herritarrei, oro har hartu diren neurrien aurrean izan duten jarrera onarengatik, eta hobekuntza jarrera «arduratsu» horren ondorioz heldu dela esan zuen. Eusko Jaurlaritzako lehendakari Iñigo Urkulluk ere hizpide izan zuen atzo izurria; «prebentzio neurriei» atxikita jarraitzeko eskatu zuen, eta, areago, horiek muturrera eramateko. Azaldu zuen hartara aste batzuen buruan oraingo pandemia egoera gainditu eta osasun krisia «egoera endemiko batean» egotea espero dutela.

427 positibo

OME Osasunaren Mundu Erakundearen arabera, izurria kontrolpean jartzen haste aldera, ezinbestekoa da egiten diren testen artean %5 baino gutxiago izatea positiboak. Eta ehuneko horretatik hurbil daude datuak, Hegoaldeko osasun sistemek egindako azken jakinarazpenen arabera: astelehenean 8.189 test egin zituzten denera, eta horietako 427k eman zuten positibo, alegia, testen %5,2 izan ziren.

Erietxeetan, hala ere, agerikoa da izurriaren zama. Osasunbideko erietxeetan COVID-19a duten 80 pertsona daude ospitaleratuta, eta 25 larri daude, ZIU zainketa intentsiboetako unitateetan. Nafarroako Osasun Departamenduak jakinarazi du, halaber, bi pertsona hil direla gaitzak jota. Azken orduotan, gaitzak jotako 31 lagun eraman dituzte Osakidetzako zentroetara. Hala ere, COVID-19arekin gela arruntetan dauden pazienteen kopuruak behera egin du: 196 dira orain, eta abuztuaren 17an 256 ziren. ZIUetan daudenetan ez da aparteko jaitsierarik izan: 72 paziente daude, eta abuztuaren 17tik egun bakarrean izan dira 70 baino gutxiago. Abuztuaren 27an, hain zuzen ere, 69 izan ziren.

Zahar etxeetako egoerari dagokionez, azken astean Nafarroan bost egoiliar hil dira gaitzarekin, eta 23 lagun kutsatuta daude. Gipuzkoan, berriz, egoiliar bat hil eta bost erabiltzaile sendatu direla jakinarazi zuen atzo aldundiak; hamabost erabiltzaile kutsatuta daude. Bizkaian, azken astean bi egoiliar hil dira gaitzarekin; 63 erabiltzaile kutsatuta daude, eta beste sei erietxeetan daude.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

MHLI taldeko ikertzaileak eta Maria Jose Telleria Gipuzkoako Foru Aldundiko Kultura diputatua, gaur, aldundian. ©JON URBE / FOKU

Euskal liburu asko zentsuratu zituzten Franco hil ostean ere

Mikel Elkoroberezibar Beloki

Torrealdairen lanari «jarraipena» emanez, MHLI taldeak 1975. eta 1983. urteen arteko zentsurari buruzko liburu bat ondu du. Zentsoreen obsesioa «separatismoa» zela nabarmendu du Ana Gandara ikertzaileak.

Urkullu, gaur goizean, Eusko Legebiltzarrean. ©Endika Portillo / Foku

Urkulluk uste du euskararen aurkako epaiek ez dutela zalantzan jartzen hizkuntz politika

Iosu Alberdi

Urteko lehen kontrol saioa egiten ari dira Eusko Legebiltzarrean. Osasun sistema publikoaren eta pribatuaren arteko harremana babestu du lehendakariak.

AHTaren tunel bat Lezetxiki barruan egin dutela salatu dute ©Lezetxikiren Lagunak

Gipuzkoako Foru Aldundiak dio AHTak ez duela «inolako kalterik eragin» Lezetxikin

Isabel Jaurena

Ekologistak Martxan taldeak erran du AHTaren obrek «haitzuloko lurpeko ekosistema hauskorrari» kalte egin diotela.

«PSNrentzat noiz da eremuz aldatzeko garai egokia? Inoiz ere ez»

«PSNrentzat noiz da eremuz aldatzeko garai egokia? Inoiz ere ez»

Joxerra Senar

Ustekaberik ez zen izan atzo Nafarroako Parlamentuan, baina Mañerun «amorruz eta etsipenez» hartu dute albistea, euren nahiari jaramonik ez dietelako egin Navarra Sumak eta PSNk. Alkateak salatu du «bigarren mailako herritar» sentitzen direla.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...