Eusko Ikaskuntzak Jose Ramon Etxebarria sarituko du aurten

Manuel Lekuona saria emango diote, bere ibilbide osoko «ekarpen eta konpromisoagatik». Etxebarriak euskara eta zientzia uztartu ditu beti
Jose Ramon Etxebarria.
Jose Ramon Etxebarria. LUIS JAUREGIALTZO / FOKU Tamaina handiagoan ikusi

Gotzon Hermosilla -

2020ko urriak 17

Eusko Ikaskuntzak Jose Ramon Etxebarriari (Gernika-Lumo, Bizkaia, 1948) emango dio aurtengo Manuel Lekuona saria. Elkarteak adierazi duenez, sari honen bitartez Etxebarriari aitortu nahi diote «euskararen normalizazioan zientzietako goi mailako hezkuntzan egindako ekarpen zabala» eta «euskal kulturarekin duen konpromiso adierazgarria», baita bere obraren «dibulgazioa» ere.

Euskara eta zientzia uztartu ditu Etxebarriak bere ibilbide osoan. Industria Ingeniaritza ikasi zuen Bilboko Ingeniaritza Goi Eskolan, eta 1970eko hamarkadaren hasieran ekin zion fisika eskolak emateari unibertsitatean. UEU Udako Euskal Unibertsitatearen sortzaileetako bat izan zen, doktore tesia euskaraz egin zuen lehenengoetarikoa ere izan zen, eta liburu eta artikulu ugari idatzi ditu. Euskaltzain urgazlea ere bada 2016tik.

Epaimahaiak nabarmendu du Jose Ramon Etxebarriak «euskararen normalizazioari egindako ekarpen garrantzitsua» unibertsitateko ikerketa eta irakaskuntzaren arloan, «komunitate zientifikoarentzat lexikografia ezartzea ahalbidetu baitu, komunikazio globalaren teknologia berrien laguntzaz».

1999an, Korrika 11k Etxebarria omendu zuen beste zenbait euskaltzalerekin batera, zientziaren arloa euskaraz garatzeko lana nabarmendu guran. Halaber, 2011n CAF-Elhuyar sarietan Merezimenduzko Saria jaso zuen «zientzia gizarteratzeko egindako lanagatik».

37 saridun

1983an sortu zuen Eusko Ikaskuntzak Manuel Lekuona saria, eta, hain zuzen ere, Lekuona izan zen lehenengo sariduna. Geroztik, Eusko Ikaskuntzak «ibilbide esanguratsu eta balio unibertsala» duen pertsona bat nabarmendu du urtero sari horren bitartez, 37 orotara.

Iaz Xabier Amurizari eman zioten saria. Odon Apraiz, Maria Jose Azurmendi, Joan Mari Torrealdai, Montxo Armendariz eta beste zenbait ere sarituak izan dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Bi herritar Andoaingo (Gipuzkoa) sarreran. Eremu gorrian dagoen herrietako bat da. ©Javier Etxezarreta/ Efe

Neurri berriak Hego Euskal Herrian

Edurne Begiristain

Astelehenetik aurrera Arabako, Bizkaiko eta Gipuzkoako udalerri guztiak itxiko dituzte, eta gehienez lau pertsona bildu ahal izango dira. Nafarroan, berriz, gaurtik aurrera ezin da kontsumitu tabernen eta jatetxeen barnealdean.

Gazteen "kriminalizazioaren" aurkako protesta

Gazteen «kriminalizazioa» arbuiatu dute ehunka herritarrek Donostian

Jon O. Urain

Alde Zaharreko Gazte Asanbladak deituta, ehunka pertsona elkartu dira, azken egunetan Ertzaintzak izandako jokabidea salatzeko.

Tapia, eskuinean, asteazkenean Sidenorrera eginiko bisitan. ©/ Irekia
PCR test bat, artxiboko irudi batean. ©Luis Jauregialtzo / Foku

Beste 1.403 positibo baieztatu dituzte Hego Euskal Herrian

Berria

Astea hasi zenetik egunez egun atzemandako kasu kopurua ez da milatik jaitsi. Beste 104 lagun ospitaleratu dituzte guztira Araban, Bizkaian eta Gipuzkoan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna