Albistea entzun

Londresek asiloa debekatu nahi die Mantxako kanala igarotzen duten etorkinei

Bravermann Barne ministroarentzat, sistemaz «baliatzen» den immigrante «gehiegi» dago, eta «tresna guztiak» erabiliko ditu hori eragozteko
ENLI itsas salbamenduko kideak itsasoz heldu diren etorkinei laguntzen, irailean, Dungenessen (Ingalaterra).
ENLI itsas salbamenduko kideak itsasoz heldu diren etorkinei laguntzen, irailean, Dungenessen (Ingalaterra). S. B. / EFE Tamaina handiagoan ikusi

Mikel O. Iribar - Igor Susaeta -

2022ko urriak 5

Suella Braverman Erresuma Batuko Barne ministroak argi hitz egin zuen atzo Alderdi Kontserbadorearen urteroko konferentzian: «Mantxako kanala zeharkatzen duten ontziak gelditu behar ditugu. Denbora gehiegi iraun du honek». Izan ere, Londresek Mantxako kanala gurutzatzen duten etorkinei asiloa ez emateko asmoa dauka. Gobernuko iturriek hedabide batzuei filtratu zietenez, Bravermanek gobernuaren esku dauden «tresna guztiak» erabiltzeko konpromisoa hartu du «legez kanpoko» etorkinek kanala gurutzatu ez dezaten. Barne ministroak, baina, ez zuen zehatz-mehatz halakorik ahoratu konferentzian.

Londresek emandako datuen arabera, aurten 33.000 lagunek baino gehiagok zeharkatu dute kanala ontzi txikitan, iazko kopurua gaindituz. Horietatik 7.767 irailean heldu ziren; abuztuaren 23an soilik, 1.295. Gobernuak ohartarazi duenez, baliteke kopuru hori 60.000ra heltzea urte amaierarako.

Barne ministroak toryen bilkuran azpimarratu zuenez, immigrazioaren kontrolaz hitz egin behar da. «Ez da intolerantea esatea sistemaz baliatzen diren asilo eskatzaile gehiegi ditugula. Ez da xenofoboa esatea immigrazio masiboak eta azkarrak presioa eragiten duela etxebizitzen auzian, zerbitzu publikoetan eta harreman komunitarioetan». Bravermanen esanetan, kanala zeharkatzen dutenetako «asko» iristen dira «herrialde seguruetatik», eta Albania jarri zuen adibide gisa. Gobernuak filtratutako informazioaren arabera, «arauen gehiegikeria» amaitu nahi du Londresek, eta, immigrazioarekin lotuta, «ekonomiaren beharrak» asetzen ez dituzten etorkinen kopurua murriztu.

Iturri horien arabera, lege berriak egun indarrean dagoen legeriatik harago joango dira, eta Britainia Handira legez kanpo heltzen diren etorkinek debeku orokor bat izango dute.

Ekain hasieran, asilo eskatzaileak Ruandara deportatzeko hegaldi bat antolatu zuen Londresek, baina Giza Eskubideen Europako Auzitegiak bertan behera utzi zuen, azken orduko errekerimendu baten ondorioz. Bravermanek atzo azpimarratu zuen bere «ametsa» litzatekeela immigranteak Ruandara bidaltzea, horrekin «obsesionatuta» dagoela, baina «denbora askoan» ez dela gertatuko, lege auziak direla medio.

UNHCR Iheslarientzako Nazio Batuen Goi Mandatariak salatu zuen Erresuma Batuko Gobernuaren migrazio politika «katastrofikoa» zela, eta Ingalaterrako Elizako buruzagitza osoak esan zuen «moralik gabekoa eta lotsagarria» zela.

Londresek, berriz, «kezka» agertu zuen Estrasburgoko auzitegiaren erabakiaren «izaera opakoagatik», azken orduan eman zuelako agindua, eta argudiatu zuen asilo eskatzaileak Ruandara bidaltzea «moralki arduratsua» eta egokia dela «legez kanpoko immigrazioari» aurre egiteko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©JAGOBA MANTEROLA / FOKU

«Gerra apartekoa da antolaketa sozial bat ezartzeko»

Igor Susaeta

Gerra erregimenaren eskema gobernatzeko eredu gisa aplikatzeak eragiten dituen egoerez eta ondorioez ohartarazi du Sanchez Cedillok 'Esta gerra no termina en Ucrania' liburuan.
NATOk berretsi du «behar beste denboraz» lagunduko diola Ukrainari

NATOk berretsi du «behar beste denboraz» lagunduko diola Ukrainari

Mikel O. Iribar - Igor Susaeta

Aliantzaren helburuetako bat da Putinek «irabazten ez duela bermatzea». G7ko herrialdeek adostu dute Ukrainako gerra krimenen ikerketak koordinatzeko sare bat egitea
Jiang Zemin, 2007ko argazki batean. / ©MICHAEL REYNOLDS, EFE

Jiang Zemin hil da, 1993tik 2003ra Txinako presidente izandakoa

Jon Ordoñez Garmendia - Maddi Iztueta Olano

Tiananmen plazako protesten ostean hartu zuen kargua, eta Alderdi Komunistan merkatu ekonomia sozialista kontzeptua txertatu zuen.

Raisi Irango presidentea eta Al-Sudani Irakeko lehen ministroa, atzo. ©EFE

Irakek ez du utziko «Irakeko lurraldetik» Irani eraso diezaioten

Ander Perez Zala

Bi herrialdeetako agintariak elkartu egin dira kurduez eta eskualdeko segurtasunaz aritzeko. Harremanak «hobetzea» adostu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...