Kirgizistango presidenteak dimisioa eman du «odola isur» ez dadin

Bi astez protestak izan dira herrialdean hauteskundeen emaitzak salatzeko. Lehen ministroak «botere osoa» hartu du bere gain
Sooronbai Zheenbekov presidente ohia kargua hartzen 2017an.
Sooronbai Zheenbekov presidente ohia kargua hartzen 2017an. VYACHESLAV OSELEDKO / EFE Tamaina handiagoan ikusi

Maria Ortega Zubiate -

2020ko urriak 16

Kirgizistango egoera politikoak eztanda egin zuen atzo, hauteskundeen emaitzak salatzeko bi asteko protesten ondotik. Sooronbai Zheenbekov Kirgizistango presidenteak dimisioa eman zuen: «Ez diot botereari kosta ahala kosta eutsiko. Ez dut Kirgizistango historiara pasatu nahi odola isuri eta bere herritarrak tirokatu zituen presidente gisara. Beraz, dimisioa aurkeztea erabaki dut», adierazi zuen gobernuko webgunean argitaratutako agiri batean. Hark utzitako hutsunea Sadir Zhaparov lehen ministro eta oposizioko buruak hartu du beretzat, «botere osoa» bere esku hartu duela adierazi baitzuen Zheenbekovek dimisioa eman eta ordu gutxira.

Bi astez tentsioak etengabe egin du gora Kirgizistanen, urriaren 4an egin ziren parlamenturako hauteskundeen harira. Orduko emaitzek Zheenbekoven aldeko alderdi errusiazaleei eman zizkieten botoen erdiak; oposizioak, ordea, emaitzak bertan behera uzteko eskatu zuen. ESLA Europako Segurtasun eta Lankidetzako Antolakundeak oposizioaren susmoak indartu zituen, ez baitzien «funtsik gabeko» iritzi.

Parlamentuari oldarraldia

Hori horrela, bozak egin eta bi egunera protestek Bixkek hiriburua hartu zuten. Manifestariek, parlamentura sartu, eta hainbat bulegori eraso egin zieten. Horrez gain, preso zeuden Sapar Isakov eta Zhantoro Satibaldiev lehen ministro ohiak, eta Almazbek Atambaiev presidente ohia askatu zituzten.

Poliziaren eta manifestarien arteko gatazkan pertsona bat hil zen eta gutxienez 800 zauritu ziren, eta hilaren 21a bitarte larrialdi egoera ezartzera behartu zuen gobernua. Tentsioa kupulara ere heldu zen, eta Kubatbek Boronov lehen ministro ohiak dimisioa aurkeztu zuen. Zheenbekovek bera ere dimititzeko prest zegoela adierazi zuen, gobernu berria eratzean. Ez da horrela izan, ordea, lehen dimisiotik astebetera eman baitu hark berea.

Horrez gain, «Kirgizistango bakea, integritatea, herritarren batasuna eta gizartearen lasaitasuna beste edozeren gainetik» daudela argudiatuta, Zheenbekovek Zhaparov oposizioko buruzagiari eskatu zion protestak uztera deitu zitzala bere aldekoak. Zheenbekov Kirgizistango hirugarren presidentea da, 2005az geroztik, kaleko protesten ondorioz kargua utzi behar izan duena. Urte hartan Askar Akaevek eman zuen dimisioa, eta, handik 5 urtera, 2010ean, Kurmanbek Bakievek. Biek egin zuten ihes atzerrira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Charles Michel Europar Kontseiluko presidentea, maskara janzten, prentsaurreko batean. ©OLIVIER MATTHYS / EFE

«Test eta txertoen batasuna» galdegin du Europar Kontseiluak

Gorka Berasategi Otamendi

Pandemiari aurre egiteko, Michelek ezinbestekotzat jo du estatuen arteko elkarlana eta koordinazioa. Antigeno testen erabilera orokortzea da EBren helburuetako bat
Polizia bat erasoa izan den Nizako Notre Dame katedrala zaintzen. ©IAN LANDGSON/ EFE

«Alerta antiterrorista gorena» ezarri dute Frantzian

Ainhoa Larretxea Agirre

Nizan hiru pertsona hil dituzte eliza batean. Lyonen, Avignonen eta Frantziaren Saudi Arabiako kontsulatuan erasoak egin dituzte
Erreskate ontzi bat. ©QUIQUE CURBELO / EFE
 ©BERRIA

«Trumpek aldatu egin du hemen politika egiteko modua»

Arantxa Elizegi Egilegor

Egungo presidentearekiko «gurtza maila» inoiz ikusi gabekoa dela dio Gamarrak, eta ohartarazi du lau urteotan eta kanpainan bertan bizi izan duten tentsioa ez dela hauteskundeen ostean desagertuko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna