Albistea entzun

'Natura Bizia' dokumental saila estreinatuko dute gaur, ETB1en

Euskal Herriko parajeak eta ekosistemak izango dituzte aipagai atal bakoitzean
Alberto Iñurrategik aurkeztuko ditu saioaren zortzi atalak.
Alberto Iñurrategik aurkeztuko ditu saioaren zortzi atalak. BERRIA Tamaina handiagoan ikusi

Olatz Esteban Ezkati -

2021eko uztailak 13

Pirinioak, kostaldea, bailarak, errekak eta basamortua. Euskal Herriko habitat eta ekosistema ezberdinak ezagutu ahal izango ditu ikusleak Natura Bizia zortzi dokumentalez osaturiko sailean. Gaur estreinatuko dute lehen atala, 22:30ean, ETB1en; Alberto Iñurrategi aurkezlearen eskutik, Pirinioetan barna ibiliko dira. Parajeez gain, hainbat animalia izango dituzte hizpide, tartean hartz arrea, eta tokiko adituak ere agertuko dira saioan.

Atal bakoitzean, ingurune bat eta hango animaliak eta ekosistemak izango ditu ardatz Natura Bizia-k. Euskal Herriko ingurune geografiko berezia eta hark eskaintzen dituen askotariko aukerak nabarmendu ditu Lexeia Larrañaga zuzendariak: «Oso eremu txikian, aniztasun handiko ekosistemak sortzen dira, eta horrek balio handia ematen dio gure lurraldeari». Gainera, Iñurrategik hainbat aditu elkarrizketatuko ditu; izan ere, haien lana ezagutarazi nahi izan dute, eta hari balioa eman.

Hilabete askotako lanaren ondotik helduko da Natura Bizia telebistara. Apirilean, izen bereko filma aurkeztu zuen Larrañagak, eta saila filmaren jarraipena izango da. Halaber, bestelako ikuspuntu bat gehitu nahi izan diotela azaldu du zuzendariak: «Filmean alderik politena ikusten da, eta sailean gehiago aztertzen dugu arazoak non dauden eta gure naturak zeri aurre egiten dion».

Pasioz eta dedikazio handiz eginiko proiektu gisa deskribatu du Larrañagak saioa, eta irudiaren garrantzia azpimarratu: «Irudia oso zainduta dago. Gure inguruan daukaguna beste modu batean erakutsi nahi izan dugu». Horren atzean, hiru urte inguruko lana dago. Animalia basatiak grabatzea izan dute erronkarik handiena: « Ordu asko pasatu behar dituzu ezkutatuta, zain. Beti prest egon behar duzu haiek etortzen direnerako. Ez dira aktoreak».

Sentsibilizaziorako tresna

Alabaina, itxaronaldi luzeek fruituak eman dituzte. Bizkaiko Golkoan zetazeoak grabatzea izan da zailtasun handienetako bat. Lehen aldia izan da Larrañagarentzat, eta hainbat adituren laguntza izan dute: «Irteera pila bat egin behar izan ditugu, baina pozik gaude emaitzarekin». Era berean, izan dute ezusteko gozoren bat edo beste ere. Gidoian ageri ez zen espezie bat grabatzeko aukera izan dute: bisoi europarra. Europako ugaztunik mehatxatuena da bisoia, eta bisoi basatiak grabatzea oso zaila dela dio Larrañagak. Horregatik, pozik agertu da lortutakoarekin.

Ikusleari Euskal Herriko paraje eta ekosistemak ezagutarazteaz gain, ikus-entzunezkoak badu beste helburu bat ere: jendearengan naturarekiko kontzientzia eta sentsibilitatea sortzea. «Ez baduzu ezagutzen zure inguruan daukazuna, ez duzu ezer egingo hori babesteko. Ingurua maitatzeko eta babestu nahi izateko, ezagutu egin behar da aurrenik». Horregatik, itsasoan pilatzen den plastikoa eta espezie inbaditzaileen presentzia izango dituzte hizpide dokumental sailean, besteak beste.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.

Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...