Albistea entzun

'Egunean Behin'-en final handia, gaur, ETB1en eta aldi berean

'Biba Egunean Behin' saioan emango dute finala, 21:15ean. Edonork jokatu ahal izango du
Maddalen Arzallusek eta Xabier Sukiak aurkeztuko dute saioa.
Maddalen Arzallusek eta Xabier Sukiak aurkeztuko dute saioa. BERRIA Tamaina handiagoan ikusi

Olatz Esteban Ezkati -

2021eko uztailak 15

Telefonoetako pantailetatik etxeetako pantaila handira jauzi egingo du Egunean Behin jokoak. Zazpigarren denboraldia amaitu berritan, azken partidak jokatzeko aukera izango da gaur, 21:15etik aurrera, ETB1en. Biba Egunean Behin saio berezia aurkeztuko dute Maddalen Arzallusek eta Xabier Sukiak, eta bertatik zuzenean emango dute final handia. Lehia irekia izango da, edonork izango baitu bere etxetik jokatzeko aukera. Nobedade batekin datoz gainera azken partidak: hamar galderak berberak izango dira jokalari guztientzat.

Lau txanda izango dira jokoan. Lehen hiru txandak orokorrak izango dira, eta aplikazioa duen pertsona orok izango du galderak erantzuteko parada, betiko formatu berberarekin: hamar galdera ahalik eta azkarren erantzutea izango da helburua. Laugarren partida, berriz, azken finala izango da, eta aurreko hiru partidetan puntu gehien eskuratu dituzten hogei lagunak soilik sailkatuko dira. Haiekin batera ariko dira lehian Leire Arrizabalaga eta Jon Iraola Egunean Behin-eko azken irabazleak ere.

«Erronka tekniko handia» izango da azken finala Codesyntaxeko lantaldearentzat, zaila baita jakiten zenbat lagun ariko diren aldi berean partida jokatzen. Luistxo Fernandezen esanetan, esperientzia berria da guztientzat, eta gogor ari dira prestaketa lanetan, Codesyntax arduratuko baita jokoaren kudeaketaz: «Inguruko telebistetan ez da horrelako aldibereko lehiaketarik ezagutzen, aldi berean telebistatik eta etxean joka daitekeena». Aurreikuspenak egitea zaila zaien arren, saioak metrika jakin bat izango du, eta jakin ahal izango dute zenbat lagun ari diren saioa ikusten eta partidak jokatzen.

Gonbidatu bereziak

Egunean Behin-eko irabazleez gain, platotik zuzenean eta etxeko jokalariekin batera galderak erantzuten ariko dira hiru bikote gonbidatu berezi: Antton Telleria eta Ainhoa Vitoria Gaztea irratiko kazetariak; Mikel Perez El Conquistador del Caribe saioko aurkezlea Klaudia Perez arrebarekin batera; eta Xabier Orbegozo Arria V aizkolaria eta Oihane Mateos kazetaria. Haiek ere izango dute azken finalerako sailkatzeko aukera.

Era berean, jokoaren ohiko dinamikari jarraituz, bi sari banatuko dituzte: bata irabazlearentzat eta bestea zozketa bidez. Azken partidako txapeldunak 2.000 euroko bidaia txartela eskuratuko du, eta zozketakoak, 1.000 eurokoa.

Igandean amaitu zen Egunean behin jokoaren zazpigarren denboraldia, eta gaurkoa sasoi osteko jarraipena izango da, Fernandezen esanetan: «Luzapen bat izango da, denok jokatzeko moduan; luzapen interesgarri bat». Fernandezek dio azken denboraldia «txukun» joan dela. Hamar asteko lehia izan da, eta 75.000 lagun aritu dira uneren batean jokoan; astean 300.000 partida inguru. Denboraldi berriaren esperoan, zaleek gaur izango dute abileziak erakusteko azken aukera. Partida jokatzeko prest?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

1 ©ARITZ LOIOLA / @FOKU

Dantzak gaurkotzea

Amaia Igartua Aristondo

XV. mendetik dantzatzen da kaxarranka Lekeition, eta aurten andre bati egokitu zaio, estreinakoz. Garai batean kofradiako lehendakaria aldatzean egiten zen. Hango sokadantza XIX. mendekoa da, gutxienez.
 ©MAIALEN ANDRES / FOKU

«Uliak aukerak ditu jende guztiarentzat»

Jakes Goikoetxea

Donostiako Ulia mendiko interpretazio zentroak hamar urte beteko ditu uztailean. Ezezaguna da oraindik ere donostiar askorentzat, baina jendea gero eta gehiago joaten dela uste du Orkolagak.
Anubis zaldi arabiarra, aurtengo edertasun lehiaketa batean. Lau aldiz gailendu da azken hiru hilabeteotan Galizian jokatutako txapelketetan. ©BERRIA

Abarizketako zaldi arabiarra

Enekoitz Telleria Sarriegi

Aritz Aranburu beasaindarraren Anubis zaldiak hainbat edertasun sari irabazi ditu. Abarizketa baserrian zaindu eta aterpetzen dute. Arraza bereko beste lau zaldi ere badituzte han.
Korterraza jaialdiaren antolatzaileak, aurkezpenaren egunean. ©KULTURA KALEAN

Arabako zinemaren indarra

Amaia Jimenez Larrea

Korterraza film laburren jaialdia Gasteizen eta Arabako hainbat herritan egingo dute. Gasteizen kontzertuak ere egongo dira; 42 film labur iritsiko dira Arabako 38 herritara

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.