Albistea entzun

Koronabirusa

Baldintza duinak galdetzeko greba egin dute osasun langileek Baionan

Medikuntza eta gizarte langileak Segur erreformatik «kanpo gelditu» dira. Baionako ospitaleko sendagileek greba hasi dute
Medikuntza eta gizarte arloko langileen protesta atzo, Baionan.
Medikuntza eta gizarte arloko langileen protesta atzo, Baionan. G.FAUVEAU Tamaina handiagoan ikusi

Oihana Teyseyre Koskarat -

2021eko urtarrilak 22

«Nekatuak gara: ezin dugu gehiago. Lan baldintza duinak behar ditugu, artatzen ditugunak duintasunez artatu ahal izateko». Cindy Guerin medikuntza eta psikologia laguntzailearen hitzak dira. Azken urteetan, medikuntza eta gizarte arloko langileak «arrunt utziak» izan direla pentsatzen du. Osasun langile «guztien» lan baldintzen hobetzea eskatzeko, greba eguna antolatua zuen CGT sindikatuak atzo, eta 50 bat osasun langile bildu ziren Baionako merkatu plazan.

COVID—19ak sortutako egoera sanitarioak «aspaldiko egiturazko arazoak azaleratu» ditu, Gaelle Clerc gizarte hezitzailearen eta CGTko kidearen ustez. Ospitaleetan sortutako egoera ikusirik, Frantziako Gobernuak Segur osasun erreforma abiatu zuen sindikatuekin negoziazioak eraman ondotik, iragan irailean. Besteak beste, lansariak «doi bat» emendatu zizkieten sektore publikoko zein pribatuko langileei, baina medikuntza eta gizarte arloko langileak «berriro ere kanpo» gelditu dira, Clercen arabera,«elkarte gisa funtzionatzen duten egituretakoak sustut». Harekin bat egin du Guerinek: «Lan bera egiten dugu, hein bereko diplomak ditugu baina erreforma horrek baztertzen gaitu arrunt». Bestalde, gainerako osasun langileek bezala COVID saria eskuratzeko «egiazko borroka bat» eraman behar izan zutela salatu zuten. «Zuzentasun falta da, argiki», Clercen ustez. Are gehiago, CGTko kideak esan zuen Segur erreforma «umiliazio» baten moduan bizi dutela: «Besteak bezala tratatuak izan nahi dugu».

Medikuak ere kexu

Medikuntza eta gizarte langileek ez ezik, Baionako ospitaleko medikuek ere protesta hasi zuten iragan astean. Haiek ere salatu dute Segur erreformak mediku zenbaiti kalte egiten diela. Izan ere, ospitale publikoan lan egitea erakargarriago egiteko, hasi berri diren medikuen lansaria emendatu du Frantziako Gobernuak, baina aitzinetik postua duten medikuek hozkak galdu dituzte lansarien mailakatzean.

Ipar Euskal Herriko osasun langileek bezala, Osakidetzako langileek ere hainbat protesta egin zituzten atzo, eta datorren astean greba eginen dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©JON URBE / FOKU

«Bada euskara bidegurutzetik ateratzeko garaia»

Lander Muñagorri Garmendia

Euskal Herrian Euskaraz taldeak oinarriak berritu ditu, eta, besteak beste, independentzia galdegingo du aurrerantzean. Euskalgintzak ere bide bera egin dezala nahi dute kideek.
COVID-19a: urtebete gure artean

Izurri arorako lezioa

Arantxa Iraola

Zientzia ezinbestekoa izan da COVID-19a ulertzeko. Miren Basaras, Izortze Santin eta Ana Galarraga batu zituen BERRIAk 'online' solasaldi batean, ikasteko, ikasitakoa kontatzeko eta azken lezioak esplikatzeko; sarean dago.

Marienea barruko mural bat. ©Marienea

Eragiteko topagunea

Natalia Salazar Orbe - Bizkaiko Hitza

Hainbat herritan emakumeen etxeak sortzen ari dira. Portugaleten, esaterako, emakumeen ahalduntzea eta ahizpatasuna helburu nagusi dituen leku bat osatzen ari dira. Galdakaon, erreferentziazko toki bat eratu nahi dute.

Jendea paseatzen, Bilbon, iazko maiatzean. ©LUIS TEJIDO / EFE

HAMAIKA BIDE EBAKI DITU

Edurne Begiristain-Mikel P.Ansa

Gaur urtebete da SARS-CoV-2 birusaren lehen kasuak atzeman zirela Euskal Herrian. Lehen kasu haien ondorengo erauntsiak milaka lagunen bizitza jo du: birusaren ondorioz, 5.000 lagun hil dira, eta 20.000 inguru ospitaleratu behar izan dituzte. Urtebetean, hamaika bizitza zeharkatu ditu gaitzak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna