Albistea entzun

Historia eskola «dibertigarriak» emango dituzte ostegunero ETBn

'Itxi liburuak' saioa hasiko da bihar ETB1en. Pertsona ezagun batek irakatsiko die ikasleei
Gaizka Arangurenek aurkeztuko du ETB1eko <em>Itxi liburuak</em> saio berria.
Gaizka Arangurenek aurkeztuko du ETB1eko Itxi liburuak saio berria. ORIO PRODUKZIOAK Tamaina handiagoan ikusi

Urtzi Urkizu -

2020ko urtarrilak 15

Euskal Herriko pertsona ezagun batek ikasle batzuei historia eskola «dibertigarri bat» ematea; hori da ETBko Itxi liburuak saio berriaren ardatz nagusia. Lehen kateak bihar estreinatuko du programa, 22:00etan.

Aitzol Barandiaran saioaren zuzendariak nabarmendu duenez, pertsona ezagun gonbidatuak klasea emateko erronka ondo betetzeko, adi jarraitu beharko ditu Gaizka Aranguren saioko aurkezle eta historia dibulgatzaileak emandako irakaspenak. «Aurkezlearen laguntzarekin, gai historiko zehatz bati buruzko ikasketa prozesu berezi batean murgildu beharko du pertsonaia ezagunak». Modu horretara, historia modu desberdin batean ikasteko saio «entretenigarri bat» egiteko ahalegina egingo du Barandiaranek zuzendutako lantaldeak.

Orio Produkzioak ekoiztetxean aspaldian ari ziren Euskal Herriko historia erakusteko formatu egoki bat sortzeko ahaleginetan, Barandiaranek azaldu duenez. «ETBk ireki zuen azkeneko deialdi publikora aurkeztu genuen Itxi liburuak saioaren formatua, eta martxan jartzea erabaki zuten». Oraingoz, ETBk sei atal egiteko eskatu dio ekoiztetxeari.

Saioko zuzendariari iruditzen zaio Aranguren pertsona oso egokia dela saioa aurkezteko: «Aranguren komunikatzaile bikaina da, gertukoa eta umoretsua, eta historiarekin duen pasioa kutsatzen duen pertsona horietako bat da. Gonbidatuaren alderik onena ateratzeko dohaina du».

Donostia 1813an, hasteko

Biharko estreinaldian, Onintza Enbeita bertsolari eta kazetaria izango da aurreneko gonbidatua. 1813ko Donostiaren suntsiketa gaia egokituko zaio. «Arangurenek bidaia interesgarria antolatuko dio duela berrehun urteko Donostiaz, 1813ko abuztuaren 31ko gau beltzaz, bizirik geratu ziren donostiarren lekukotzez eta danborradak dituen setio garaiko osagai militarrez», iragarri du Barandiaranek. «Eta programako puntu interesgarriena izango da ikustea Enbeita, edo atal bakoitzeko pertsonaia ezaguna, ikasleen aurrean nola moldatzen den». Bestelako bitxikeriak ere tartekatuko dira Enbeitaren ikasketa prozesuan.

Datozen asteei begira, zer pertsonaia eta gai azalduko diren aurreratu du Aitzol Barandiaran zuzendariak: Iñaki Perurena harri jasotzaile ohiak historiaurreaz ikasi beharko du aurkezlearen eskutik; Garbiñe Biurrun epaileak Juan Sebastian Elkanoren lehen mundu biraren ingurukoak; eta Jon Maia bertsolariak Amaiurko gazteluari (Nafarroa) buruzkoak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maddalen Arzallusek eta Xabier Sukiak aurkeztuko dute 2022ko lehen saioa ETB1en: <em>Biba 2022!</em>. ©EITB

ETBren kanpaiak, Gasteiztik

Urtzi Urkizu

ETB1en Ainhoa Etxebarriak, Aitziber Garmendiak eta Yerai Diezek aurkeztuko dituzte kanpaiak

 ©GORKA RUBIO / FOKU

«Ekialdean berariaz zaindu dute xakea»

Gorka Erostarbe Leunda

Jolasa eta jokoa. Lehia eta estrategia, baina baita zientzia, artea, poesia eta bizitza ere. Guztiak islatzen ditu xakeak. Alderdi horiek bildu ditu Berasaluzek '64 begirada. Xake taularen zuri-beltzean' lanean.
Daliren maskara biral egin da. ©NETFLIX

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.