Albistea entzun

ETB1ek 'Jateko modukoa' saioa estreinatuko du bihar gauean

Atal bakoitzean, hiru lagunek gonbidatu batentzat kozinatuko dute. Hamabi atal egingo dituzte

Klaudio Landak aurkeztuko du ETB1eko <em>Jateko modukoa</em> saioa, ostegun gauetan.
Klaudio Landak aurkeztuko du ETB1eko Jateko modukoa saioa, ostegun gauetan. ETB Tamaina handiagoan ikusi

Urtzi Urkizu -

2022ko maiatzak 4

Sukaldaritzaren bidez jendea ezagutzeko aukera eman nahi du ETB1eko programa berriak. Hala, euskaldunek janariarekin duten pasioa oinarri hartuta, kozinatzea eta jende berria ezagutzea izango du helburu Jateko modukoa saioak. Euskarazko kate publikoak bihar estreinatuko du, 22:30ean. Hamabi atal izango ditu lehen denboraldiak.

Klaudio Landak aurkeztuko du Jateko modukoa —aurkezlea programa berriaren inguruko zertzelada batzuk ematen ari da sare sozialetan—.

Atal bakoitzean, lau lagunek parte hartuko dute: gonbidatua eta sukaldean arituko diren hiru pertsona. Hiru sukaldari horiek gonbidatuarentzat kozinatuko dute, eta azken horrek menu osoa dastatzeko aukera izango du. Lehen bi platerak hark proposatutakoak izango dira, eta hiru sukaldariek gonbidatuak aukeratutako platerak egin beharko dituzte. Zailtasun batekin: ez dute errezetarik izango. Postrea, berriz, sukaldari bakoitzaren araberakoa izango da. Ondoren, dastaketa itsu-itsuan izango da: plater bakoitza nork prestatu duen jakin gabe probatu eta baloratu beharko du gonbidatuak, puntuak emateko.

Hiru sukaldariak sukaldean azalduko dira. Eta beste bi leku garrantzitsu egongo dira: dasta gela eta berriketa gela. Gonbidatua dasta gelan dagoen bitartean, sukaldariek berriketa gelatik ikusiko dute prozesua, baita puntuaketak ere.

Sari bat egongo da saioan: afari eder bat toki «zoragarri» batean. Gonbidatuak gehien gustatu zaizkion jakien egilea hobeto ezagutzeko aukera izango du afarian. Orduan jakingo du saioaren hasieran begiz jo duen sukaldaria izan ote den jateko moduko plater gehien prestatu dizkiona.

ETBk iragarri du saioa aproposa dela «familia guztiarentzat». Baina 22:30ean emango du.

Erresuma Batuko ITV katearen saio baten formatua hartu du oinarritzat Prime Time Media ekoiztetxeak Jateko modukoa aurrera eramateko. Baina Jon Abasolo saioaren zuzendariak —Baserria ere hark zuzendu du— nabarmendu du euskarazko bertsioan garrantzi handiagoa izango duela kozinatzeak. «Dating parteari ez diogu hainbesteko garrantzirik eman».

Parte hartzaileak, gazteak

Bilboko Labeaga auzoan ari dira saioko atalak grabatzen. Orain arte, saioan parte hartzeko izena eman dutenak 22 eta 35 urte artekoak dira. «Saioa ikusi ostean, zuria dela konturatzen direnean, adin handiagokoak animatuko dira», esan du Abasolok. «Parte hartzaileen artean, heterosexualak, homosexualak, lesbianak eta bisexualak daude».

Programaren zuzendariak nabarmendu du eskaintza «oso dibertigarria» egiten saiatu direla. «Nabarituko da saioan daudenak ondo pasatzen ari direla». Landa aurkezle izateak, gainera, ziurtasuna ematen dio. «Klaudio eroso ikusten dut saio honetan. Alai eta lasai dago programan».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kamisetak banatu zizkieten atzo parte hartzaileei, Maulen. ©GUILLAUME FAUVEAU

Bueltan da olatu laranja

Eire Maia Manterola

Abiatu da IV. Euskarabentura espedizioa. Gaur egingo dute lehen etapa abenturan izena eman duten 127 gazteek: Mauletik Pagolara joango dira.
Iaz, ohi baino talde gutxiagok parte hartu zuten Donosti Cupen, osasun egoera dela eta. ©MAIALEN ANDRES / FOKU

Baloiak elkartuko ditu berriz

Ane Insausti

Inoiz baino talde gehiago arituko dira 30. Donosti Cupen: 754. Etzi hasi eta larunbatean amaituko da, eta jarduera guztiak egingo dituzte berriz ere.

Bilboko erraldoiak, Mariaren Bihotza plazako aztarnategian. ©BERRIA

Erakusketa erraldoi bat

Enekoitz Telleria Sarriegi

'Bilboko erraldoiak' erakusketa Mariaren Bihotzaren plazako aztarnategian jarri dute aurten, eta irailaren 11ra arte egongo da ikusgai. 1980ko eta 1988ko hamasei erraldoi daude bertan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...