Albistea entzun

Miamiko zesta-puntako jokalariak Gernikan arituko dira, ETBri esker

ETB1ek Jai Alai Winter Series txapelketa emango du hilaren 29tik aurrera, astelehen gauetan
ETBk Miamitik iritsitako zenbait zesta-puntako jokalariri egin zien harrera, atzo, Bilboko egoitzan.
ETBk Miamitik iritsitako zenbait zesta-puntako jokalariri egin zien harrera, atzo, Bilboko egoitzan. EITB Tamaina handiagoan ikusi

Urtzi Urkizu -

2022ko urtarrilak 15

Miamiko Dania pilotalekuaren (AEB) itxiera mugarria izan da zesta-puntako jokalarientzat. Baina euskal jokalari profesional horiek ez dira lehiatu gabe geldituko: ETBren laguntzarekin bereziki, Jai Alai Winter Series txapelketa jokatuko dute Gernikan (Bizkaia), hilaren 29tik aurrera. ETB1ek astelehenetan emango ditu partidak, zuzenean, 22:00etan.

AEBetako zikloa itxi duten zesta-puntako jokalariei harrera egin zien atzo Joseba Urkiola EITB Mediako Kirol zuzendariak, Bilbon. Hala esan zien: «Miamin apurtutako ametsa eta utzitako arrasto garrantzitsua, denon artean Euskal Herrian berreskuratzen saiatuko gara». Baita hau ere: «EITBn ateak zabalik izango dituzue, etapa berri honetan bidelagun izango gaituzue».

Gernikako Jai Alai pilotalekuan jokatuko dituzte txapelketa berriko partida guztiak. Telebistako emankizunen gidaria Xabier Euzkitze izango da —esku pilotako emankizunen aurkezpenarekin jarraituko du—, eta Olatz Foruria kazetariaren laguntza izango du. Gainera, analisiak egiten arituko dira Antxon eta Ricardo Alberdi pilotari eta zesta-punta adituak.

Partidak ETB1en, EITBren webgunean eta ETB Basque kanalean emango dituzte. Kate hori euskal diasporako hainbat tokitan ikusten da, eta berariaz egin nahi dute eskaintza hori Euskal Herritik kanpoko euskaldunek zesta-puntako txapelketa ikus dezaten.

Txapelketak bederatzi jardunaldi izango ditu. Finala, berriz, martxoaren 20an jokatuko dute.

EITBk nabarmendu du zesta-puntak Euskal Herrian hasiko duen «ziklo berriaren aliatu eta sustatzailea» izango dela komunikazio taldea.

Txapelketan jokalari hauek parte hartuko dute: Barandika, Olharan, Etxeto, Goikoetxea, Lopez, Arbe, Beaskoetxea, Aldazabal, Erkiaga, Zabala, Lekerika eta Aldazabal. Bikoteak egin gabe daude, eta hilaren 20an aurkeztuko dute txapelketa.

Dokumental sorta bat

Txapelketari ekin aurretik, ETBk Jai Alai: Azken hegaldia dokumental sortaren lehen bi atalak emango ditu, hilaren 17an eta 24an. Datorren astelehen gauean, Daniako pilotalekuaren itxieraren ingurukoak jakin ahalko dituzte ikus-entzuleek. Halaber, Magic City kristalezko pilotalekuaren (Miami) gorabeherak kontatuko dituzte lehen atal horretan.

Daniako euskal jokalariak ditu protagonista dokumental sortak. ETB1eko ikus-entzuleek hurbiletik ezagutu ahalko dituzte zesta-puntako jokalari horiek.

Martxoaren 21ean, txapelketa amaitu eta hurrengo egunean, dokumental sortaren hirugarren atala emango dute.

Oier Plaza errealizadorea ari da dokumental horiek zuzentzen. Plazak Ur handitan saioaren lehen etapan egin zuen lan —Jaime Otamendi aurkezle zenekoa—, eta zenbait dokumental zuzendu ditu; Abel Arriolari buruzkoa, Joseba Urkiolarekin batera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

1 ©ARITZ LOIOLA / @FOKU

Dantzak gaurkotzea

Amaia Igartua Aristondo

XV. mendetik dantzatzen da kaxarranka Lekeition, eta aurten andre bati egokitu zaio, estreinakoz. Garai batean kofradiako lehendakaria aldatzean egiten zen. Hango sokadantza XIX. mendekoa da, gutxienez.
 ©MAIALEN ANDRES / FOKU

«Uliak aukerak ditu jende guztiarentzat»

Jakes Goikoetxea

Donostiako Ulia mendiko interpretazio zentroak hamar urte beteko ditu uztailean. Ezezaguna da oraindik ere donostiar askorentzat, baina jendea gero eta gehiago joaten dela uste du Orkolagak.
Anubis zaldi arabiarra, aurtengo edertasun lehiaketa batean. Lau aldiz gailendu da azken hiru hilabeteotan Galizian jokatutako txapelketetan. ©BERRIA

Abarizketako zaldi arabiarra

Enekoitz Telleria Sarriegi

Aritz Aranburu beasaindarraren Anubis zaldiak hainbat edertasun sari irabazi ditu. Abarizketa baserrian zaindu eta aterpetzen dute. Arraza bereko beste lau zaldi ere badituzte han.
Korterraza jaialdiaren antolatzaileak, aurkezpenaren egunean. ©KULTURA KALEAN

Arabako zinemaren indarra

Amaia Jimenez Larrea

Korterraza film laburren jaialdia Gasteizen eta Arabako hainbat herritan egingo dute. Gasteizen kontzertuak ere egongo dira; 42 film labur iritsiko dira Arabako 38 herritara

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.