Albistea entzun

Generalitateak hizkuntz kuotak eskatu ditu plataformetarako

Laura Villagrak esan du Kataluniako Gobernuak katalana babesteko ekimena hartuko duela
Laura Villagra Kataluniako Generalitateko presidentetzako kontseilaria, artxiboko irudi batean.
Laura Villagra Kataluniako Generalitateko presidentetzako kontseilaria, artxiboko irudi batean. TONI ALBIR / EFE Tamaina handiagoan ikusi

Urtzi Urkizu -

2021eko uztailak 24

Hurrengo belaunaldiei begira garrantzitsua izango da Espainiako Kongresuan onartuko duten ikus-entzunezko lege orokor berria, eta, hori dela eta, Laura Villagra presidentetzako kontseilariak iragarri du Kataluniako Generalitateak auzian parte hartuko duela. Kataluniako Parlamentuan, ERCren galdera bati erantzunda, Villagrak eskatu du lege berriak hizkuntz kuotak jaso ditzala ikus-entzunezko plataformetan. «Prest gaude ikus-entzunezko lege on bat defendatzeko eta horretan parte hartzeko, batez ere katalana eta katalan kultura babesteko».

Ez da Generalitatea kuotak eskatzen dituen lehena. Kataluniako Ikus-entzunezko Kontseiluak iazko udazkenean zenbait alegazio aurkeztu zizkion ikus-entzunezko lege aurreproiektuari, eta horien artean eskatu zuen streaming plataformak behartzea ekoizten dituzten edukien erdiak katalanez, galegoz eta euskaraz izatera. Generalitateko ordezkariak asteon eskatu du telebista edukietan ekoizpenen erdiak Europakoak izatea, eta horien artean %30 gorde daitezela gaztelania ez den beste hizkuntza ofizialentzat —katalanarentzat, euskararentzat eta galegoarentzat—. Espainiako lege berriak finantzaketaren diru sail bat Kataluniako irrati-telebista publikoarentzat gordetzeko ere eskatu du.

Parlamentuko galderan, ERCko Raquel Sansek gogorarazi zuen Netflixeko edukien %0,5 baino ez direla katalanez, eta HBO plataforman ez direla %0,1era iristen. Sansek eskatu du katalanezko bertsioa duten ikus-entzunezko lan guztiak plataformetan ikusgai izatea.

Euskalgintza ere kuota eske

Katalanak kexu dira plataformetan oso eskasa delako katalanaren presentzia. Are txikiagoa da euskarazko edukiak ikusteko aukera. Horretaz jabetuta, Euskalgintzaren Kontseiluak ere duela egun batzuk adierazi zuen euskararen erabilera bermatzeko kuotak ezarri behar direla. Espainiako Ikus-entzunezko Lege Orokor berriari proposamen bat aurkeztu dio Kontseiluak, eta horretan beste erakunde eta eragile batzuen sustengua eta ekarpenak jaso ditu: Hekimen, Behategia, Tokikom, Pantailak Euskaraz eta Euskaltzaleen Topagunea.

Paul Bilbao Euskalgintzaren Kontseiluko idazkari nagusiak zera ohartarazi du: «Kontuan hartuta zein egoera bizi duten hizkuntza gutxituek ikus-entzunezkoen eremuan, beharrezkoa iruditu zaigu legearen printzipioetan berariaz jasotzea». Bilbaoren arabera, azkenaldian «bolo-bolo» dabil ikus-entzunezkoak euskaraz egoteko aldarria. «Proposamen horren bidez, dinamikari ekarpena egin nahi izan diogu, babes juridikoa lortzeko».

Udazkenean du asmoa Espainiako Gobernuak legearen eztabaida Espainiako Kongresura eramateko. Bilbaoren arabera, orduan ikusiko da euskararen ikuspegitik egindako eskaerak onartuko ote dituzten. Datozen hilabeteetan alderdi politikoekin biltzekotan da Kontseilua.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / FOKU

«Edonork egin dezake eskrima»

Joseba Arratibel Ladron

Otaegik 34 urte daramatza eskrima praktikatzen, eta 22 urte Fortuna kirol elkartean eskrima irakasten. Bihar eta etzi, gainera, eskrima saioak eskainiko dituzte Donostiako Katalunia plazan.
2 ©JON URBE / ARGAZKI PRESS

Handituz joan den olatua

Amaia Jimenez Larrea

Donostiako Piratek hogei urte bete dituzte aurten. 2002an, hiriko gazte batzuk, «zezenketen, su festen eta izozkien» jaiak alde batera utzita eta beste eredu baten bila, eztabaida sortzen hasi ziren. Abordatzea izan zen eztabaida sortzeko egitasmoa, eta gaur egun festen ekitaldi nagusia da.

Kilometro Lezoko ikusleak, iaz, emanaldi batean. ©LEZOKO UDALA

Nobedadeak Kilometro Lezon

Joseba Arratibel Ladron

Datozen hiru asteburuetan, Kilometro Lezoren hirugarren aldia egingo dute. Dantza emanaldiez, zirkuaz, antzerkiez eta musikaz gozatzeko aukera egongo da

Jendetza bildu ohi da festen hasieran Laudion. ©LAUDIOKO UDALA

Dantzaz beteriko festak

Maixa Utrera Puelles

Martxan dira Laudioko San Roke jaiak, Jabier Artetak txupinazoa bota eta agurra irakurri ostean. Bi txandatan egingo dituzte jaiak: lehen txanda, bihar arte; ondoren, hilaren 24tik 28ra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.