Albistea entzun

'Edozein herriko...' jaiak ETB1en, baita entzierroak zuzenean ere

Astelehenean hasiko da jaiei buruzko saio berria. Entzierroak euskaraz ikusi ahalko dira
Julian Iantzik astelehenetik ostiralera aurkeztuko du ETB1eko <em>Edozein herriko...</em> saioa, 21:30ean.
Julian Iantzik astelehenetik ostiralera aurkeztuko du ETB1eko Edozein herriko... saioa, 21:30ean. ETB Tamaina handiagoan ikusi

Urtzi Urkizu -

2022ko ekainak 18

Bi urteko pandemiaren ostean, Euskal Herriko herrietan eta hirietan jaiak ospatuko dituzte uda honetan, eta Euskal Telebistak gertutik emango du haien berri. ETB1ek etzi estreinatuko du Edozein herriko... saioa, eta astelehenetik ostiralera jai batetik bestera ibiliko da, 21:30etik 22:30era. Gainera, Iruñeko sanferminetan, Gasteizko Andre Maria Zuriaren jaietan, eta Donostiako eta Bilboko Aste Nagusietan programa bi ordukoa izango da, eta suak zuzenean ikusi ahalko dira.

Zuzenean emango ditu ETB1ek sanferminetako entzierroak ere. Emankizun horrek ez du zerikusirik Edozein herriko... programarekin, irudien eskubideak TVErenak baitira. Berriki, ordea, RTVEk akordio bat egin du Navarra Televisionekin eta ETBrekin, entzierroen irudiak lagatzeko.

Iruñeko sanferminetako entzierroak euskarazko kate batean ikusi ahalko dira, beraz, aspaldiko partez. TVEko iturriek BERRIAri baieztatu diote hala izango dela. Esatariak zein izango diren ez dute esan oraindik, ez ETBkoak, ez TVEkoak. Navarra Televisionek ere emango ditu entzierroak, gaztelaniaz.

TVEko emankizunean Javier Solano aritu da 30 urtez esatari lanetan. Erretiroa hartu du Solanok, eta datozen egunetan jakinaraziko dute zein esatari arituko den haren tokian. TVEko iturriek esan dute Teo Lazaro korrikalariak entzierroaren analisi teknikoa egingo duela.

TVEk ETBrekin akordioa egin izana ez da denen gustukoa izan. Nafarroako PP kexu azaldu da, eta «RTVEren edukien deszentralizazioa» kritikatu du. Amelia Salanueva PPko senatariak galdera egingo dio gaiaz astelehenean RTVEko presidente Jose Manuel Perez Tornerori. TVEko CCOO sindikatua ere ez dago gustura akordioarekin. CCOOren iritziz, RTVEko presidenteak EAJ alderdiaren laguntza behar du administrazio kontseiluan proposamenak aurrera ateratzeko, eta horregatik utzi dizkio entzierroen irudiak ETBri. «Navarra Television kate pribatuari irudiak uzteak ere ez du zentzurik», kritikatu du TVEko CCOOk.

ETBk, gainera, uztailaren 6ko txupinazoa emango du, ohiko moduan, zuzenean. Baita jaien amaiera ere.

Baina Iruñeko sanferminak iritsi bitartean, beste herri askotan ospatuko dituzte jaiak datozen egunetan. Horietako guztietako giroa ETB1eko Edozein herriko... programan jasoko dute.

Julian Iantzi izango da saio horren aurkezlea. Plato ibiltari bat izango dutela iragarri du: «Jaien inguruko informazioa emango dugu, eta tokian tokiko pertsonaiak ezagutuko ditugu», esan du aurkezleak. «Gure erreportariekin ere ibiliko gara herrietako giroa ezagutzen». Izan ere, saioak lau kazetari bidaliko ditu jaiak ospatzen dituzten txokoetara. Zuzeneko konexioen eta erreportaje «alaien» bidez, ekitaldi garrantzitsuenen eta kaleko eskaintza nabarmenen berri emango dute.

Zarautzen (Gipuzkoa) estreinatuko dute saioko estudio ibiltaria, astelehenean. Ondoren, Bermeon (Bizkaia), Hondarribian (Gipuzkoa) eta Getarian (Gipuzkoa) ibiliko dira, baita Hego Euskal Herriko hiriburuetan ere.

Saioan denetarik izango dute: lagun ezagunekin solasaldiak, musika emanaldiak, erreportaje bereziak, jolasak... «Erreportariei erronka batzuk ere jarriko dizkiet. Ea gainditzen dituzten», esan du Iantzik. «Umorea eta alaitasuna zabaltzen saiatuko gara».

Aurkezleak iragarri du suen emanaldietan adituak gonbidatuko dituztela estudio ibiltarira. «Suen emanaldiek ikusle datu oso onak izaten zituzten ETB1en, eta, horiek berreskuratuta, datuak onak izatea espero dugu».

Bestetik, osasun larrialdiak jairik gabe utzi ditu herritar ugari. «Alde horretatik, herritarrak ateratzeko eta ondo pasatzeko gogoz daude. Eta hori telebistan ikusteko ere bai». Irailaren 8ra arte iraungo du ETB1eko programak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MONIKA DEL VALLE / @FOKU

«Euskaraldia oso neorrealista da»

Urtzi Urkizu

ETB1ek 'Dailobit' saioaren bigarren atala emango du gaur, Euskaraldian izandako bizipenekin. Rutak Leire Palaciosekin batera aurkezten du programa. «Naturaltasunez agertzen saiatzen naiz».
Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.