Albistea entzun

Umorezko telesail batekin itzuliko da fikzioa ETB1era: 'Beti mugan'

Ostegunean estreinatuko dute, eta sei atal izango ditu. COVIDaren garaian girotuta dago
Mikel Ibarguren, Xabi Lopez <em>Jabato</em>, Itziar Aizpuru, Elena Irureta eta Mikel Laskurain izango dira protagonista.
Mikel Ibarguren, Xabi Lopez Jabato, Itziar Aizpuru, Elena Irureta eta Mikel Laskurain izango dira protagonista. BERRIA Tamaina handiagoan ikusi

Olatz Esteban Ezkati -

2021eko uztailak 14

Euskal Herrian COVID kasurik ez duen herri bakarra da Aldabe, eta Jone alkateak herria erabat ixtea erabaki du, inor kutsatu ez dadin. Erabat debekaturik egongo da, beraz, sarrera-irteera oro. Albistegietako berri bat izan liteke lasai asko Aldaben gertaturikoa, baina fikzioa da: Beti mugan ETB1eko telesaileko pertsonaien testuingurua. Pandemian giroturik eta umorez beterik dator fikziozko lan berria, eta ostegunean emango dute lehen atala, 22:30ean.

Sei ataletan, Aldabeko gorabeheretan murgiltzeko aukera izango dute ikusleek. Herria ixteak gatazkak sorraraziko ditu, eta herritarrak mugan jarri: legeak dioenari jarraitu ala arauak hautsi bizirik irauteko. Buruhausteak izango dituen lehena, alkatea bera. Nekazariak, jubilatuak, eta andre aberatsak: guztiak egongo dira ataka berean, eta irmoki defendatuko ditu norberak bere interesak. Halaxe azaldu du Jabi Elortegi zuzendariak: «Jendea ezin da lanera joan, eta nekazariek ezin dituzte produktuak kanpora atera. Beraz, kontrabandoa hasten da, eta batzuek errekaren muga gurutzatu behar dute. Tranpa guztiak hasten dira hor».

Ekoizpen txikia eta jende gutxirekin eginikoa dela azaldu du Elortegik, baina «oso gurea». Aktoreen artean, aurpegi ezagun asko topatuko ditu ikusleak. Jone alkatearen azalean sartuko da Elena Irureta. Bost urteren ostean, eta aktore onenari Feroz saria esku artean duela, Euskal Telebistara itzuliko da telesail berriarekin. Alboan izango ditu Mikel Laskurain (Manu) senarra, eta Miren Gaztañaga (Ane) eta Xabi Lopez Jabato (Mikel) seme-alabak. Itziar Aizpuru (Mertxe), Amancay Gaztañaga (Amaia), Iker Galartza (Asier) eta Mikel Ibarguren (Agus) ere izango dira protagonista gorabeheretan.

«Barre egiteko beharra»

Konfinamendu bete-betean, Etxekoak ETB1eko telesailean aritu ziren Elortegi eta bere lantaldea. Saioko pertsonaiek konfinamenduan bizi zituzten egoerak eta gorabeherak kontatzen zituzten, umorez jantzita. Ikusleek oso ondo hartu zutela dio Elortegik, jendeak bizi zuenaren isla baitzen. Emaitza ona ikusita, udan Etxekoak udan saioarekin eman zioten jarraipena, eta, hasitako bidea amaitzeko, kalera ateratzea izan da azken urratsa. «COVIDari buruzko komedia bat da, batzuetan puntu beltza daukana. Nahiz eta momentu latzak izan eta jende askok gaizki pasatu, beharra daukagu barre egiteko honi buruz, errespetuarekin, eta jakinda fikzioa dela».

Fikzioaren eta errealitatearen arteko bereizketa lausoa da tarteka, eta Beti mugan-eko lantaldearentzat bat egin dute ia, Elortegiren hitzetan: «Grabaketetan gure egoera zen maskararekin, beti sukarra hartzen, kutsatzeko beldurra... Gu ari ginen bizitzen telesailean bizitzen ari zirena». Etxano (Bizkaia) bihurtu dute Aldabe, eta bertan aritu dira grabaketak egiten. Herri txiki batean lan egiteak erraztu egin dizkie gauzak, Elortegiren arabera, eta ez dute aparteko arazorik izan. Aktoreen lana ere nabarmendu nahi izan du zuzendariak: «Haiekin lan egitea aberasgarria izan da denontzat, eta ikusleak eskertuko du».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.

Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...