Noiz sortua: 2019-06-22 00:30:00

ARDOXKA

Clos Cor Vi

Roberto Sarriugarte -

2019ko ekainak 22

Gaurkoa da denboraldiko azken artikulua. Bihar San Joan bezpera da, suaren gaua. Euskal Herrian hainbat tokitan ospatzen bada ere, egia da Mediterraneoan ere bereziki ospatzen dutela gau hori.

Horregatik, eta opor usaina ere nabaria delako, pentsatu dut gaurkoan Valentzia (Herrialde Katalanak) aldera hurbiltzea, eta hango ardo berezi batzuk ezagutuz, amaiera ematea denboraldiari.

Clos Cor Vi da Luis Corbik 2007an abian jarri zuen upategiaren izena. Geldirik egon ezinik beti, gauza berriak bilatuz, topikoz beteriko ardoaren munduan gauza bereziak eta bakanak bilatuz abiatu zuen proiektua, ilusioz gainezka.

Beste askok bezala, lurra aztertzen hainbat urte eman ondoren, proiektua abian jartzea erabaki zuen, kalitatezko ardo zuriak egiteko asmoarekin.

Azken urrats bat ere eman du Corbik, upategia ekologikora birmoldatuz. 2017ko uztailetik, upategiko ardo guztiek daramate ekologikoaren zigilua.

Clos Cor Vik dituen mahastiak Canyoles ibaiaren erriberan daude, Les Alcusses bailararen bihotzean. Klima mediterraneoaren eraginpean badaude ere, mahastiak 400 metroko altueran daude, eta klima kontinentalaren ukitua ere jasotzen dute.

Lehorreko lurrak dira, kareharriak nagusi, eta horrek berak egiten du mahastian lehen hautaketa lana.

Europa erdialdeko mahats bikainekin lan egiten dute, baina baita berta-bertako mahatsekin ere. Mahasti propioetatik jasotako mahatsa baino ez dute erabiltzen ardoa egiteko, eta horrek erabateko kalitate kontrola bermatzen du.

Baina zer mahats erabiltzen dute? Riesling, jatorriz Alemaniako Rin eskualdekoa. Mahats mordo txikiak eta estuak ematen ditu, eta ardoek azidotasun azpimarragarria izaten dute, lore usainarekin eta fruta ugarirekin: zitrikoak, sagarra, mertxika…

Ahoan boteretsuak izaten dira, eta izaera koipetsua dute, oso atsegina.

Viognier mahatsa ere erabiltzen dute; jatorria zalantzazkoa bada ere, gaur egun Rodano bailaran (Frantzia) lantzen da batez ere. Valentziako mahatsen artean verdilarekin lan egiten dute.

Ardo oso aromatikoak ematen ditu eta frutadunak, azidotasun baxukoak, luzeak ahoan.

Nabarmentzekoa da ardoek eskaintzen duten azidotasuna; ardo gazteak eta oso aromatikoak, eta fruta ugarikoak, baina ahoan belar ukituarekin.

Upategiko ardo guztiek egiten dute ligekin ontze tarte bat, eta altzairuzko deposituetan zein 225 litroko upel frantziarretan egiten dute hori. 20.000 botila baino gutxiago egiten dituzte urtean, eta guztira lau marka dituzte: Clos Cor Vi Riesling, Clos Cor Vi Viognier, Clos Cor Vi Coupage eta Clos Corvi Versat, verdil mahatsez egina.

Hasiera polita eman udari, eta kontuz San Joan suarekin!

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

<b>Bisitak.</b> Senideen eta egoiliarren arteko bisitak, atzo, Andoainen. ©BERRIA

Egoiliarrak eta senideak, hormaren alde banatan

Irati Urdalleta Lete

Gipuzkoako zahar etxeetan dauden egoiliarren senideak ezin dira barrura sartu, eta atarian ari dira bisitak egiten, horma batek bereizita. Orain arteko egoera ikusita, gustura daude aurrez aurre egoteko daukaten aukerarekin.

Adineko bi pertsona, Donostian paseatzen. / ©Juan Carlos Ruiz, Foku

Hirugarren fasean ordutegi guztiak kendu ditu Espainiako Gobernuak

Jon Ordoñez Garmendia

Hogei pertsona arte elkartu ahal izango dira, baina ezingo da probintziatik atera oraindik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna