Noiz sortua: 2019-04-25 00:30:00

Nafarroako memoria historikoari buruzko 32 atal Hamaikan ikusgai

'Hezurren memoria' saioa estreinatuko dute astelehenean. Beste bi saio egingo dituzte Iruñean
Memoria historikoarekin lotutako 150 elkarrizketa egingo dituzte <em>Hezurren memoria</em> saio berrirako.
Memoria historikoarekin lotutako 150 elkarrizketa egingo dituzte Hezurren memoria saio berrirako. HAMAIKA Tamaina handiagoan ikusi

Urtzi Urkizu -

2019ko apirilak 25

Datozen hilabeteetan, Hamaikak Nafarroako memoria historikoan sakonduko du, eta bereziki 1933tik 1945era izandako gertakarien muinera joko du Hezurren memoria saio berriak. Astelehenean estreinatuko dute programa, 21:00etan —Hamaikaren nahieran zerbitzuan ere ikusgai egongo dira atalak—. Iñaki Lasa izango da saioko aurkezle eta zuzendaria. 40 minutuko 32 atal egingo dituzte orotara, eta gaiarekin lotutako 150 elkarrizketa inguru egiteko asmoa dute.

Lasak iragarri du II. Errepublikak, 36ko gerrak eta gerraosteak Nafarroan utzi zituenak jasoko dituztela programan. Aurkeztu berri dute Navarra 1936. De la esperanza al terror [Nafarroa 1936. Itxaropenetik izura] liburuaren hamargarren edizioa, eta Lasak azaldu du lan hori erreferentetzat hartu dutela. «Liburuak herriz herri eta gaika jasotzen du urte haietan gertatu zena. Guk lekukotzak jaso nahi ditugu: errepresaliatuak izan zirenen seme-alabak eta bilobak elkarrizketatuko ditugu, baita garai hura aztertu duten historialariak ere». Zenbait atal propio herri baten ingurukoak izango dira: Lodosa, Sartaguda, Tafalla, Sakana, Iruñea... «Aldi berean, gai batzuk transbertsalak dira, eta herri askotan gertatuak jasoko ditugu atal bakarrean. Esate baterako, irakasleen aurkako errepresioa, emakumeen kontrako errepresioa, euskara edota esklabotza». Gaur egungo musika entzungo da ataletan. «Bisualki gazteentzat produktu erakargarria egiten saiatzen ari gara».

Lasak uste du lan «konplexua» izango dela gaiarekin lotutako 150 elkarrizketa eta 32 atal egitea. «Baina baloratu behar da Hamaikak egin duen ahalegin hau». Programaren zuzendariak uste du proiektuak «bide sozial bat» izan dezakeela: «Asmoa dugu herrietara joateko eta proiekzioak egiteko. Bestetik, gaia ez da behar bezala landu ikastetxeetan; irakasleek esaten digute materialak ez direla egokiak. Egingo dugun bilduma honek leku interesgarria izan dezake eskoletan, ikus-entzunezkoetan material gutxi baitago».

Beste bi saio berri asteon

Hamaikaren Iruñeko lantaldeak beste bi saio egingo ditu: Lotsagabe eta Hiri baratzea. Hain zuzen ere, atzo gauean eman zuen Hamaikak Lotsagabe-ren aurreneko atala. Bertan, Nafarroako arlo desberdinetako emakumeak izango dira protagonistak. Ainhoa Bayanok eta Arantxa Areizagak egingo dute saioa. «Feminismoaren ikuspuntutik, emakumeen egunerokoan sakonduko dugu», iragarri du Bayanok. 32 atal emango dituzte, asteazken gauetan. «Erreportaje formatua izango du. Adibidez, protagonista dendari bat baldin bada, bere dendara joango gara».

Anabel Arraizak, bestetik, Hiri baratzea saio berria aurkeztuko du ostiralero, bihartik hasita. Iñigo Segurolaren laguntzarekin, Iruñerriko lurren emankortasuna erakusten eta bertako produktuen berri ematen saiatuko dira.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bidaiariei tenperatura kontrolatzen, izurriak gogor kolpaturiko Italiako iparraldean, Milango geltoki nagusian. ©MOURAD BALTI TOUATI / EFE

Astelehenetik aitzinera Hego Euskal Herrian libre mugitzeko aukera izango dela espero du Urkulluk

Berria

Euskadi Irratian egindako elkarrizketa batean adierazi duenez, Pedro Sanchezi hala ulertu zion atzo Urkulluk. Salvador Illa Espainiako Osasun ministroak, ordea, atzo erran zuen hirugarren fasea bukatu arte ezingo dela autonomia erkidego batetik bertzera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Izurriak eragindako heriotzen kurba, ikusgai

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Iñigo Urkullu Jaurlaritzako lehendakaria, apirilean. ©/ Irekia

Urkulluk «elkartasuna» eskatu die langile publikoei, soldata «bermatua» dutelako

Jon O. Urain

Jaurlaritzako lehendakariak oharra egin dio Pedro Sanchezi: «Konpromiso bat du inbestidura bideratu zioten alderdiekin, eta horri muzin egiten badio berak jakingo du zer arrisku hartzen duen».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna