Albistea entzun

'Hitzetik hortzera' saioaren denboraldia gaur gauean hasiko da

Iaz bezala, ETB1eko saioak ez du platorik izango, eta hainbat herritan grabatuko dute
Bertso udalekuen inguruko erreportaje bat emango dute gaur ETB1eko <em>Hitzetik hortzera</em> saioan.
Bertso udalekuen inguruko erreportaje bat emango dute gaur ETB1eko Hitzetik hortzera saioan. ETB Tamaina handiagoan ikusi

Urtzi Urkizu -

2021eko irailak 11 - Donostia

Udako atsedenaldiaren ostean, bertsoak bueltan dira Euskal Telebistara. Ikasturte berriarekin batera, gaur hasiko da Hitzetik hortzera bertsolaritza saioaren 32. denboraldia, 21:00etan. Lehen atalean, bertso udalekuak gertutik ezagutzeko aukera izango dute ETB1eko ikus-entzuleek; baita abuztuan plazak utzitako bertso esanguratsu batzuk entzuteko parada ere.

Euskal Herriko hainbat txokotan egiten dituzte urtero bertso udalekuen txanda bat baino gehiago. Aurten, egoerak baldintzatuta izan bada ere, elkartu eta bertsoaz gozatzeko modu ezberdin eta berezi bat izan dute Euskal Herri osoko hainbat haur eta gaztek. Iran?etako (Nafarroa) txandan izan zen Eider Perez aurkezlea, bertsolariak iritsi ziren egunean hain zuzen ere, eta bertako protagonistekin solasean aritzeko aprobetxatu zuen. Gaizka Azkarate saioko zuzendariak nabarmendu du urte asko zirela Hitzetik hortzera-n bertso udalekuek tarterik ez zutela.

Bertso udalekuetara joateaz gain, Berriozarren (Nafarroa) eta Donostian ere izango da Hitzetik hortzera gaurko atalean: Berriozarren, abuztuaren hondarrean, urteroko bertso jaialdia antolatu zuten; eta Donostiako Piratek antolatutako Kabotajea 2021 programaren parte izan zen bertso saio musikatuaz ere gozatuko ahalko dute ikusleek.

Horrez gain, June Diaz Algortako Bertso Eskolako (Bizkaia) kidearen bertsoaldi kutuna ezagutzeko aukera izango da; 2016ko Xilabako finala gogoratuko dute.

Bertsolaritza programako zuzendariak nabarmendu du iazkoaren bidetik jarraituko dutela aurten: «Iaz azalberrituta etorri zen saioa, eta aurtengoa iazkoaren jarraipena da. Formatua egonkortu egin genuen, eta bertsoak emateko dinamismoan asmatu egin genuen». Aitortu du aurreko denboraldian osasun larrialdiak zenbait muga ezarri zituela. «Aurten, muga horiek gainditu, eta iaz iritsi ezin izan ginen tokietara heldu nahi dugu».

Saioak ez du plato finkorik izango, eta Eider Perezek hainbat herri eta hiritan egingo ditu aurkezpenak. «Bertsolaritzaren plaza lurralde desberdinetan erakutsiko dugu», iragarri du Azkaratek. Gidoiez Txakur Gorria taldea arduratuko da.

Xilabaren, eta Nafarroako eta Bizkaiko txapelketen jarraipena egingo du saioak udazkenean, eta finalak zuzenean ere ikusi ahalko dira ETBn.

Perez aurkezlea Biziki markako Ilazki Lili Arrue diseinatzaileak jantziko du denboraldiak iraungo duen 26 ataletan. Saioan erabiliko dituzten abesti guztiak euskal musikariek sortuak izango dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Begien osasuna eta pobrezia lotuta daude»

Jakes Goikoetxea

Ikusmen arazoek bizimodua baldintzatzen dute, are gehiago herrialde pobreetan. Arazo handia eta larria da herrialde askotan. Errealitate gordin hori ikusarazten eta laguntza lortzen aritzen da Otaegi.

Ahuakate ondoak kateatu dira Euskal Herrian ere

Ainize Madariaga

Ahuakate ondoen ekoizpena zalu hedatzen ari da Euskal Herrian. Getariako Lahardi etxaldean duela hiru hamarkada hasi ziren; berrikiago bertze guziak. Bertako klimari eta lurrari ongi egokitzen zaie zuhaitza, baina arta bereziak behar ditu, sustut neguko malda igaiteko.
 ©JAGOBA MANTEROLA / FOKU

«Aro berria hasi dugu, salto digitala emanez»

Olatz Silva Rodrigo

Euskalerria Irratiak denboraldi berriari ekin dio. Iruñerriko euskal komunitateari zerbitzurik onena eskaini nahian, salto digitala eman dute. Besteak beste, kamera adimendunak jarri dituzte estudioan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...