Albistea entzun

Hamar saio berri Hala Bedin

Gasteizko irratian hemezortzi programa egingo dituzte euskaraz. Arrosatik ere hartzen dituzte
Hala Bediko esatariek joan den larunbatean aurkeztu zuten aurtengo <em>parrillada</em>.
Hala Bediko esatariek joan den larunbatean aurkeztu zuten aurtengo parrillada. JAIZKI FONTANEDA / FOKU Tamaina handiagoan ikusi

Urtzi Urkizu -

2021eko azaroak 17

Gasteizko Hala Bedi irrati libreak barne ekoizpeneko 48 saio egingo ditu denboraldi honetan. Askotariko berrikuntzak izango dituzte, hamar saio berri egingo baitituzte: euskaraz batzuk, gaztelaniaz besteak. Izan ere, Hala Bedi Bat elebiduna da, eta Hala Bedi Bik euskara hutsean emititzen du.

Bi magazin indartsu egiten ditu Hala Bedik: Suelta la olla eta Hizpidea. Gasteizen bertan ere egiten dute Zebrabidea, Arrosa sareak ekoitzitako magazina. Eta Arrosatik beste hamar saio hartuko dituzte programazioak osatzeko.

Joan den larunbatean aurkeztu zuen irrati libreak denboraldi berria. Berrikuntzen artean, Bizikleta estatikoa euskarazko irratsaioa dago: igande gauetan, giro informalean, bi lagun beraien bizitzan agertzen diren gai existentzialei buruz jardungo dira. «Gure eztabaidak zure bizitzan noizbait agertu badira, zatoz gurekin birra batzuk hartzera», iragarri dute esatariek.

Ikasleek ikasleentzat sortutako tarte bat ere sortu dute: Berbetan. Gizarte gaiak, kultura eta historia landuko dituzte, eta gazteen kezkak lantzeko asmoa dute.

Umorerako tarterik ez da falta Hala Bedin. Katu ta xepia irratsaio berriak, esate baterako, umore show absurdoa eskainiko die entzuleei.

Herriaren hitza emankizunean, berriz, «ahotsik gabekoei ahotsa» eman nahi diete. Hedabide handien albistegietan agertzen ez diren herritarrek beren tartea izango dute bertan. Hiriko eszenako artistek, gazteek, erretiratuek eta langabetuek mikro aurrean hitz egiteko modua izango dute.

Bestelako eskaintza izango da Asuntos interiores. Elkarrizketa informal eta pertsonaletan, Hala Bediko programak egiten dituztenak agertuko dira astero. Esatariak «sakonean» ezagutu ahalko dira programa horren bidez.

Mundu berria saioan, berriz, askotariko egitasmoei egingo diete lekua. «Mundu berri bat» eraikitzeko ahaleginean ari diren kultur eta gizarte egitasmoetako partaideak elkarrizketatuko dituzte. Zientzia, magia, artea... denetarik izango dute irratsaioan.

Hainbat musika estilotako saioak entzun daitezke Gasteizko irrati librean. Aurten, trap estiloari buruzko programa bat ere egongo da: Autotune o barbarie. Trapa egiten duten artistekin hitz egingo dute, baita zaleak diren zenbait kolektibotako kideekin ere.

Sama kolektiboak zinemari buruzko irratsaio berri bat egingo du: Lo que el viento se llevo.

Ezustekoak ez dira faltako Hemeretzi ertz saioan. «Entzumenaren mugetan» egongo direla iragarri dute.

Café ex-preso saioan, «berriz, harresiak uhinka zulatzen» ahaleginduko dira.

Hala Bediren bi irratietako saioen artean, ohiko hiru magazinez gain, hamazazpi izango dira euskaraz; 28 gaztelaniaz, eta galegoz ere bada saio bat.

Hala Bedi FM bidez entzun daiteke Gasteizen, Lautadan (Araba) eta Arabako Errioxan. Baita mundu osoan Internet bidez ere, Halabedi.eus webgunean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Itziar Ituño aktorea, 'Mantangorri'-ren superposterra gehigarrirako egindako argazkian. / ©Maialen Andres, Foku

«Lanak bozgorailu handi bat eman dit»

Ane Insausti Barandiaran

BERRIAren Mantangorri gehigarriak Itziar Ituñori argiataratutako elkarrizketa argitaratu du gaur. Horrekin batera, superpostarra argitaratu da papereko edizioan.

Martxelo Otamendi, Irati Azkue, Felipe Uriarte, Joseba Barandiaran, Asier Goñi eta Aitor Esteban, Martin Ugalde kultur parkean, sari banaketan. ©JON URBE / FOKU

Sei zangorekin, eta hiru eskutara

Enekoitz Telleria Sarriegi

Joseba Barandiaran, Aitor Esteban eta Asier Goñik irabazi dute BERRIAren Bidaia eta Mendi Kroniken Lehiaketa. Nafarroa Garaian eta Nafarroa Beherean bizikletaz egindako bidaia kontatu dute.
 ©TXAKUR GORRIA

'Burnout': erreak kiskaltzen duenean

Enekoitz Telleria Sarriegi

OME Osasunaren Mundu Erakundeak, lanarekin lotutako gaixotasun gisa onartu du neke profesionalaren sindromea —'burnout' edo erreta dagoen langilearena—. Zerk eragiten du? Lan baldintza kaskarrek, eta antolakuntza eta komunikaziorik ezak. Zer eragiten du? Estres kronikoa, autoestimu falta eta lanarekiko atxikimendurik eza. Zer uzten du agerian? Enpresek eta erakundeek ez dutela interesik arazo psikosozialetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.