Noiz sortua: 2019-06-13 00:30:00

Futbol entrenatzaileak euskararen inguruan arituko dira gaur ETBn

'Katebegia'-ren sasoiko azken atalean euskal taldeetako entrenatzaileak elkarrizketatu dituzte
Jagoba Arrasate, Osasunako entrenatzailea. Bigarren Mailako txapelduna izan da aurten Osasuna.
Jagoba Arrasate, Osasunako entrenatzailea. Bigarren Mailako txapelduna izan da aurten Osasuna. IÑIGO URIZ / FOIKU Tamaina handiagoan ikusi

Urtzi Urkizu -

2019ko ekainak 13

ETB1eko Katebegia saioak Egin egunkariaren itxierari buruzko erreportaje batekin hasi zuen bidea, urriaren 30ean. Eta gaur gauean denboraldia bukatuko du, Espainiako Ligako bost euskal taldeen entrenatzaileen inguruko emankizunarekin. Imanol Alguacil (Reala), Jagoba Arrasate (Osasuna), Asier Garitano (Alaves), Gaizka Garitano (Athletic) eta Jose Luis Mendilibar (Eibar) izango dira Euskara, futbolean ere lehen mailako hizkuntza erreportajeko protagonistak.

Irati Sarasua saioko aurkezle eta zuzendaria jabetu zen Espainiako Ligako lehen mailako bost taldeetako entrenatzaileak euskaldunak izango direla aurreneko aldiz. «Pentsatu nuen aukera polita zela futbolari eta haren protagonista nagusiei beste ikuspegi bat emateko; erretratu berri bat egiteko aukera zegoela, euskara ardatz hartuta». ETBko kazetaria konbentzituta dago bestelako erretratu hori ikusiko dutela ikus-entzuleek programan.

Bost entrenatzaileak elkarrizketa egiteko prest agertzeko faktorea euskara izan dela azaldu dute programaren arduradunek. «Guztiek nabarmendu dute ez dutela gogoko elkarrizketak egitea, eta euskara izan dela erreportajerako elkarrizketa egiteko arrazoia. Bostek buruan beti dute futbola, eta deskonektatzea zaila egiten zaiela diote».

Sarasuak modu honetan laburbildu du Hego Euskal Herriko futbol taldeen entrenatzaileen erretratu robota: «Euskaldun izatearen aldarria eurekin daramate. Umilak dira, gertukoak, eta futbolean lanean aritzea oparitzat hartzen dute». Hala ere, bosten artean badaude desberdintasunak. «Batzuek gogorraren fama dute, eta horien atzean dauden pertsona sentikorrak azaleratu dira elkarrizketetan. Batzuek esan dute ametsak bete dituztela, eta besteek ezetz, ez dituztela bete». Guztiek esan dute naturaltasunez egiten dutela prentsaurrekoetan euskaraz. Erreportajean gogoratuko dute Gaizka Garitanok bizi izan zuen pasartea (2015ean, prentsaurrekotik joan egin zen Almerian, euskaraz hasi ostean zenbait kazetari espainiar protestan hasi zirelako).

Datorren denboraldiari begira, Sarasuak Katebegia-ko erreportajeekin jarraitu nahiko luke. «Saiatu gara gaiak informazio ikuspegitik lantzen; gai konplexuak izan dira, eta gure gizarteak dituen bezainbeste ertzetatik landu ditugu». ETBko zuzendaritzak, aldiz, ez du baieztatu programak jarraipenik izango duen ala ez: «Oraindik datorren denboraldiko programazioaren nondik norakoak erabaki gabe daude».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Jendea Miamiko hondartza ondoan paseatzen, birusaren hedatzearengatik neurriak gogortu behar izan dituen AEBetako Florida estatuan. ©CRISTOBAL HERRERA / EFE

Urrundu da, baina ez desagertu

Gorka Berasategi Otamendi

AEBek eguneko kutsatzeen marka hautsi zuten ostegunean: 55.000 kasu baino gehiago. Afrikako Batasunaren esanetan, kontinenteak 48.800 milioi euro jasotzeari utzi dio COVID-19ak turismoan eragin duen krisia dela eta

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna