Albistea entzun

Gasteizen ere 'klika' elkarrekin

Korrikaren amaieraren inguruko saio berezia emango dute bihar euskarazko komunikabideek
21. Korrikako lekukoak gordetzen duen mezua bihar ezagutu ahalko da euskarazko hedabideetan.
21. Korrikako lekukoak gordetzen duen mezua bihar ezagutu ahalko da euskarazko hedabideetan. MARISOL RAMIREZ / FOKU Tamaina handiagoan ikusi

Urtzi Urkizu -

2019ko apirilak 13

Euskarazko komunikabideak elkarlanean eta elkarrekin arituko dira bihar, Gasteizen, Korrikaren bukaera zuzenean eskaintzen. Telebista saio bateratua ikusi ahalko da, eta irrati saio bateratua entzun ere bai. BERRIAren webgunean, Kanalduden, Infosareko tokiko telebista kateetan, Goienan, Hamaikan eta ETB2n ikusi ahalko da telebista programa, 11:30etik aurrera.

Aurkezle lanetan Ilaski Serrano eta Ekhine Atorrasagasti arituko dira; eta, kalean, berriemaile lanetan, BERRIAko Edurne Begiristain, Goienako Amaia Txintxurreta, Kanaldudeko Pantxika Maitia eta Infosareko Julen Iraola ibiliko dira. Elkarrizketatuak hauek izango dira: Gasteizko alkate Gorka Urtaran, Gorka Ortiz de Urbina (Zeledon), Aroa Arrizubieta eta Onintza Enbeita bertsolariak, Aritz Martinez de Luna Alea aldizkariko zuzendaria, Gorka Aginagalde aktorea, Karmele Jaio idazlea, Iñaki Ortiz de Villalba musikaria, Mertxe Mugika AEKren arduraduna eta Asier Amondo Korrikaren arduraduna. Azken biek 21. Korrikaren balorazioa egingo dute, baina, aurretik, aurtengo Korrikaren mezua nola irakurtzen duten ikusi ahalko da euskarazko hedabideetan eta ETB2n.

Egunotan, Intza Alkainek eta Beatriz Egizabalek umorezko esketx dibertigarriak egin dituzte Berria telebistako Korriklika saioan, Ramoni eta Lohitzune pertsonaien bitartez. Gasteizko telebista saio bateratuan ere azalduko dira Ramoni eta Lohitzune.

Garesen (Nafarroa) bezala, euskarazko irratiak ere elkarlanean arituko dira Gasteizen —saio bateratuak egiten dituzten hirugarren Korrika da—. Irratsaio berezia 12:00etan hasiko da, eta aurkezleak Nagore Telleria (Euskadi Irratia) eta Anakoz Amenabar (Alea FM) izango dira. Haiekin batera arituko da Euskal Irratietako Arantxa Idieder esataria ere. Erreportari lanetan ibiliko da, gainera, Arrosa sareko Maialen Kortabarria. Elkarrizketatuen artean, GEU elkarteko Irati Iciar, Oihaneder etxeko Iñaki Lazkano, Baratza aretoko Garazi Lopez de Armentia eta AEK-ko Mertxe Mugika egongo dira.

Euskadi Irratiko Amarauna Gasteiztik egingo dute osorik, 10:00etatik aurrera.

Azkeneko kilometroei so

Gasteizera iritsi aurretik, gaur egun osoan jarraitu ahalko zaio Korrikaren bideari, bai BERRIAren webgunean, bai euskarazko beste komunikabide batzuetan. Kanaldudek Durangotik (Bizkaia) egingo du gaur bere eguneroko saioa, 19:00etan. ETB1eko Badator Korrika saioaren azkeneko atala gaur emango dute, eta Igorretik (Bizkaia) arituko dira Ilaski Serrano eta Irati Sarasua (21:15etik 22:00etara).

Berria telebistako Korriklika saioaren azkeneko atala igandean ikusi ahalko da; ohi bezala, 20:00etatik aurrera.

Hamaika telebistan, bihar 08:30etik aurrera ikusi ahalko dira Korrikaren azkeneko kilometroak. Gasteizko amaierako ekitaldiaren ostean, aurretik grabatutako kilometroekin gozatzeko modua izango da egun osoan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kataluniako Heura enpresaren haragi tankerako pintxo beganoak jateko aukera dago azokan, Irunen. ©ANDONI CANELLADA / FOKU

Betiko txistorra ematen du ba!

Urtzi Urkizu

Beganismoari ikusgarritasuna ematen dion jaialdia egiten ari dira asteburuan Irunen, Ficoban: Be Veggie. Askotariko produktu eta zerbitzuak daude 70 erakusmahaitan.
 ©ARITZ LOIOLA / FOKU

«Zifren eta datuen inperialismoaren menpe bizi gara»

Gorka Erostarbe Leunda

Krisi garai erabatekoa; pentsatzeko tarterik ere uzten ez duena. Hartu du denbora hori Iñigo Martinezek, eta egungo inertziak auzitan jarri ditu 'Mandamentu hipermodernoak' lanean.
Pantailak Euskaraz ekimeneko kideak, manifestua aurkezten, gaur Durangon. ©BERRIA

Euskarazko ikus-entzunezkoen aldeko manifestu bat aurkeztu dute

Urtzi Urkizu

Pantailak Euskaraz taldeak plazaratu du testua, ikus-entzunezkoen arloko eta euskalgintzako zenbait eragileren ekarpenekin. Sektore desberdinetako 35 eragilek eman diote atxikimendua manifestuari. Gaur goizean egin dute agiriaren aurkezpena, Durangoko Azokako Irudienean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.