Hamaika telebistako kazetariak etxetik ari dira saioak egiten

'Pandoraren kutxa', 'Errezeta beganoak', 'Eskatzea libre' eta 'Etxeko Sessions' sortu dituzte
Hamaikaren <em>Pandoraren kutxa</em> saio berrian, dantza, akrobaziak eta antzerkia izango dira, besteak beste.
Hamaikaren Pandoraren kutxa saio berrian, dantza, akrobaziak eta antzerkia izango dira, besteak beste. HAMAIKA Tamaina handiagoan ikusi

Urtzi Urkizu -

2020ko martxoak 24

Beste telebista askok bezala, Hamaikak egunotan lan egiteko modua eta bere eskaintza egokitu ditu. Dagoeneko Hamaikaren lantaldeko kide guztiak etxetik ari dira lanean, baina lortu dute lehendik zuten eskaintzari eustea eta eduki berriak martxan jartzea. Berrikuntzen artean, Pandoraren kutxa izeneko saioa dago. Joan den zubian estreinatu zuten, eta datozen egunetan egunero dantza saioak, akrobaziak eta antzerki emanaldiak emango dituzte. Ainhoa Juaniz clownak aurkeztuko du, egunero, 10:30ean.

Asteburuei begira, eskaintza berezi bat prestatu du Hamaikak: Etxeko Sessions. Larunbatean estreinatu zuten, eta bertan Euskal Herriko, Kataluniako eta Argentinako DJen eta ikus-entzunezko sorkuntza elektronikoen saioekin gozatzeko aukera egongo da; Ekhi Atorrasagasti Hamaikako eduki arduradunak iragarri duenez, asteburu bakoitzean lau atal emango dituzte: ostiraletan eta larunbatetan, gauerdian; eta larunbatetan eta igandeetan, 13:00etan, «bermutaren orduan».

Aste honetan bertan, berriz, Atorrasagastik Eskatzea libre saioa jarriko du martxan. Interneteko eta Whatsappeko mezuen eta bideoen bilduma egiteaz gain, eskualde desberdinetako herritarren ahotsa zabalduko du kazetariak. «Ikusita zer-nolako abiadan doazen sare sozialak, ez dugu nahikoa tartea denei erreparatzeko. Saio berri honetan sareetakoa pantailara ekartzen saiatuko gara». Zapping moduko bat izango da, entzuleei «atea zabaldu» eta «eskatzeko askatasuna» emanez. 21:00etan izango da ikusgai.

Beste alde batetik, Iñaki Ubiria sukaldaria errezeta beganoen saio bat egiten hasi da Hamaikarentzat. Egunero errezeta bat plazaratuko die ikus-entzuleei: Km 0 Errezeta beganoak 14:15 inguruan emango dute, Dapa egitasmoko erreportajeen ostean.

Zerrendak Youtuben

Ikus-entzule mota bakoitzarentzat eduki berezituak emango ditu datozen asteetan Hamaikak: Ander Edoren Zuk zeuk saioa berreskuratu dute, neska-mutikoek eskulan eta errezeta errazak etxean egin ditzaten. Beste alde batetik, Musika zuzenean programako atal onenak emitituko ditu Hamaikak datozen egunetan.

Gainera, euskarazko kateak aktualitateko programak egiten segituko du —kazetariak etxetik arituko dira horretan—. Gurean gaur albistegia, Gurean gaur elkarrizketa, Nafarroa gaur, Gakoak, Marakana txikia, Kolpez kolpe eta Klik batean ez dira faltako Hamaikaren programazioan. Eta Euskal Herriko erakunde publikoen agerraldiak ere emango dituzte.

Hamaikak, halaber, Youtuben zerrendak prestatu ditu errezeta beganoekin, eskulanekin, eta Etxeko Sessions eta Pandoraren kutxa saioekin.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat egiten, Donostian. ©Gorka Rubio, Foku

400 kasutik gora, laugarren egunez jarraian

Berria

Kasuen erdia baino gehiago Bizkaian atzeman dituzte. Deustuko eliza bat itxi dute, apaiz batek positibo eman ostean.

Donostiako Ramuntxo Berri tabernan egondako 683 laguni proba egin zieten herenegun, Okendo kultur etxean. ©GORKA RUBIO / FOKU

Urkullu: «Pertzepzio orokorra dago pandemia ez dela gure kontua»

Joxerra Senar

Azken orduetan 492 kasu atzeman dituzte Hego Euskal Herrian, eta Nafarroan herritar bat hil da

Osasun langileak, atzo, PCRak egiten, Okendo kultur etxean. ©G. RUBIO / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna