Albistea entzun

'Euskaraldia: gehiago' emango du ETB1ek datozen lau astelehenetan

Edurne Azkarate Euskaraldian parte hartuko dutenekin egongo da; Antton Telleria, ariguneetan
Antton Telleriak eta Edurne Azkaratek lau astez aurkeztuko dute <em>Euskaraldia: gehiago</em> saioa ETB1en.
Antton Telleriak eta Edurne Azkaratek lau astez aurkeztuko dute Euskaraldia: gehiago saioa ETB1en. ETB Tamaina handiagoan ikusi

Urtzi Urkizu -

2020ko azaroak 6

Bi aste baino ez dira falta bigarren Euskaraldia has dadin, eta Orio ekoizpen etxea lau ataleko programa bat ari da prestatzen ETB1erako. Astelehenean hasiko dira ematen Euskaraldia: gehiago, 22:30ean —hurrengo hiru atalak ere ordutegi berean jarriko dituzte—.

Edurne Azkaratek eta Antton Telleriak aurkeztuko dute programa. Zuzendaria Aitzol Barandiaran izango da, eta nabarmendu du lantaldearen ardura nagusia dela Euskaraldiaren balioak eta espiritua ahalik eta ondoena biltzea. «Horretarako, lekukotza hunkigarriz eta egoera bereziz beteriko formatu dinamiko eta alai bat sortzen ahalegindu gara». Elkarrizketak, reality-a eta umorez beteriko grafismoak uztartuko dituzte saioan. Barandiaranek iragarri duenez, saiatzen ari dira Ariguneak ahalik eta modurik fidelenean jasotzen. «Ahalegin berezia egiten ari gara, halaber, Belarriprest rolaren irudia prestigiatzen».

Euskararekin lotutako askotariko istorioak kontatuko dituzte saioan. «Euskara ardatz duten bizipen eredugarriak, gainditze istorio hunkigarriak eta motibazio kasu bereziak biltzen saiatu gara, batez ere». Ingalaterran jaio arren betidanik euskaldun sentitu den gizon baten kasua, Jaengoak (Espainia) izan arren euskararekin maiteminduta dauden neba-arreba batzuen istorioa, edo herritarrekiko harremana euskalduntzeko asmoz postari batek duen borroka azalduko dira. Istorio horiez gain, arigunerik berezienetan murgilduko dira.

Bi aurkezleei dagokienez, Azkaratek nagusiki Euskaraldian parte hartuko duten ahobizien eta belarripresten bizipenak jasoko ditu. Telleria, aldiz, ariguneetara joango da. «Hartutako konpromezuak nola betetzen dituzten bertatik bertara ikusteaz gain, ofizioei edo jarduerei lotutako hitzak eta esapideak harrapatzen ibiliko da Telleria, hitzen bilduma berezi bat osatuz».

Duela bi urteko Euskaraldian, ETB1en antzeko saio bat egin zuen, baina bi atalekoa. Atal kopurua bikoiztu egin dute aurten. «Formatuari bigarren aurkezlea gehitu izana da aldaketa nagusia, horrek beste aukera eta dimentsio bat eransten baitio saioari», adierazi du Barandiaranek. Grafismoak izango duen garrantzia ere nabarmendu du zuzendariak.

Umore puntua Azkaratek zein Telleriak jarriko dute, halaber. Bulego txiki batean jarriko dute Telleria, eta hor egindako elkarrizketek irribarre bat baino gehiago sorraraziko dutela uste du Barandiaranek. Euskaltzaleen Topaguneak eta Euskaraldiaren antolatzaileek emandako laguntza eta babesa eskertu ditu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñigo Vicens eta Lur Errekondo, <em>Naufragoak</em> saioko aurkezleak, Gazteizko FesTVal jaialdian. ©EITB

'Naufragoak' abentura saio berria, Karibeko uharte galduetatik ETB1era

Olatz Silva Rodrigo

Asteartean estreinatuko dute 'reality'-a. Lur Errekondok eta Iñigo Vicensek aurkeztuko dute

Hemeretzigarren Glisseguna aroak mugatu badu ere, surf egin ahal izan dute goizean, Iban Iturbiderekin. ©GUILLAUME FAUVEAU

Glisseguna, urak atzemana

Ainize Madariaga

Seaskak eta Miarritzeko eta Angeluko ikastolek antolaturiko hemeretzigarren Glisseguna aroari moldatu behar izan zaio: giro baikorrean, goizean surfean bakarrik aritu ahal izan dira.
 ©MAIALEN ANDRES / FOKU

«Ikusten ikastea da margolaritza»

Enekoitz Telleria Sarriegi

Erretiroa hartu du Telleriak: margo denda itxi du, eta eskolak emateari utzi dio. Baina margotzeari, ez. 'Arimaren margolariak' telebista saioan egin zen ezaguna, baina 50 urteko ibilia darama jada artearen munduan. «Esperimentatzen» jarraitu nahi du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.