Albistea entzun

Herritarren egoera afektibo eta sexuala landuko dute podcast batean

'Zuzeu'-k 'Kaixomaitia'-rekin elkarlanean ekoitzitako podcast bat estreinatuko du martxoaren 2an
<em>Zuzeu Podcast</em>-ek <em>Kaixo maitia, zer duzu?</em> podcasta estreinatuko du martxoaren 2an.
Zuzeu Podcast-ek Kaixo maitia, zer duzu? podcasta estreinatuko du martxoaren 2an. ZUZEU Tamaina handiagoan ikusi

Urtzi Urkizu -

2021eko otsailak 23

Kaixomaitia atariak bi inkesta egin ditu Euskal Herriko herritarren egoera afektibo eta sexuala ezagutzeko asmoz: aurrenekoa, 2016an, eta bigarrena, iaz. Emaitzekin txosten bat aurkeztu zuten, eta podcast batera eramango dituzte atera dituzten ondorioak. Zuzeu Podcast-ek martxoaren 2an estreinatuko du Kaixo maitia, zer duzu?. Lehen denboraldiak hamabi atal izango ditu.

Podcast berriak inkestaren azpigaiak jorratuko ditu: egoera afektiboa, Internet bidezko harremanak, bizitza sexuala eta leialtasuna. Anartz Bilbao kazetariak gidatuko ditu gai horien inguruko solasaldiak. Ondorioak aztertzen arituko dira Iñigo Arandia Kaixomaitia-ko arduraduna eta Olatz Berastegi sexologo eta psikoterapeuta.

Arandiak azaldu du podcastaren helburuak zein izango diren: «Blogean idatziz dauden testuak, batez ere sexu inkestako txostenarenak, beste formatu batean zabaltzea da xedea; baita beste kanal batzuetan hedatzea ere». Kaixomaitia-ko arduradunari iruditzen zaio podcastak gero eta gehiago kontsumitzen direla. «Gehien kostatzen dena edukia bera sortzea da. Behin edukia sortuta, narratiboki nahiko erraza da beste formatu batzuetarako egokitzea. Podcast honekin inkestaren edukiak kontsumituko dituen merkatua zabaldu nahi dugu. Beste urrats bat da edukien bizitza zikloan».

Aurreneko aldia da Kaixomaitia-k Zuzeu-rekin elkarlanean podcast bat ekoizten duena, baina ez da azkena izango: «Beste proiektu batean ere ari gara lanean. Kaixomaitia-ko beste eduki batzuk landuko ditugu; besteak beste ipuin erotikoak eta sexuarekin eta harremanekin lotutako beste eduki batzuk egongo dira».

Zuzeu Podcast-ek urtarrilean hasi zuen denboraldia, Urpeko bonbarda podcast berriarekin. Anartz Bilbaok gidatzen du musikari buruzko podcast hori —zenbait musika irratsaiotan aritua da—, eta honela egituratu du: «Baga atalean, artista, zigilu, garai edo joera jakin bati buruzko monografikoak osatzen ditugu; Biga atalean, kontzeptu, hitz edo gai baten bueltan saioa osatzea izango da xedea, eta Higa atalean, puri-purian dagoen musika aurkeztu (zerbait berria, plazaratu berriak diren diskoen bitartez), aspaldiko musika berreskuratu (zerbait zaharra, efemeride edo gertakariren batek gaurkotasunera ekarri dizkigun doinuen bitartez), eta moldaketa edo bertsioren bat ematen dugu». Ostegunero atal berri bat sareratzen dute. Bilbaok itxaropena du Urpeko bonbarda «luzarorako saioa» izango dela.

Zuzeu Podcast-eko arduradunek aurreko denboraldian martxan jarri zituzten zenbait podcast berreskuratu nahiko lituzkete. Ziurra da Maite Goñi irakasleak egiten zuen 10 minututan podcastak ez duela atal berririk izango. Euskal gaizkileak podcast-aren atal berriak grabatu nahiko lituzkete, baina Bilbaok adierazi du «korapilatsua» dela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©JON URBE / @FOKU

«Aldatu egin behar da zientziaren sistema patriarkala»

Jakes Goikoetxea

Hemeretzi emakume zientzialariren istorioak bildu ditu Etxebestek liburu batean. Guztiek egin behar izan zieten aurre gizonei eta gizonek eraikitako gizarteari eta zientzia sistemari.
 ©JAIZKI FONTANEDA / @FOKU

Hazien zaindariak

Enekoitz Telleria Sarriegi

Neiker ikerketa zentroak bertako laboreen ehunka hazi dauzka gordeta Arkautiko germoplasma bankuan. Antzinakoak jaso, gorde eta hobetzen dituzte bertan. Erreferentziazkoak eta bakarrak dira patataren alorrean, baina han daude Euskal Herriko garai bateko babarrun, tomate, piper, gari, garagar eta olo haziak ere, nahi dituenaren esku.

Aitziber Garmendia, Barry Manley eta Jon Plazaola, <em>Barre librea</em> saioaren grabaketan; atzean, Jon Olivares. ©JON URBE / FOKU

Barry libre eta Marte librea

Urtzi Urkizu

Giro onean grabatzen dute astelehenero 'Barre librea', ETB1ek ostegunean ematen duen bakarrizketa saioa. Casting bat egin zuten, eta aurpegi berriei aukera emateko baliatzen ari dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.