Albistea entzun

ETBren kanpaiak, Gasteiztik

ETB1en Ainhoa Etxebarriak, Aitziber Garmendiak eta Yerai Diezek aurkeztuko dituzte kanpaiak
Maddalen Arzallusek eta Xabier Sukiak aurkeztuko dute 2022ko lehen saioa ETB1en: <em>Biba 2022!</em>.
Maddalen Arzallusek eta Xabier Sukiak aurkeztuko dute 2022ko lehen saioa ETB1en: Biba 2022!. EITB Tamaina handiagoan ikusi

Urtzi Urkizu -

2021eko abenduak 7

Azkeneko urteetan, ETB1 eta ETB2rako hiru aurkezle berberek aurkeztu dituzte Gabon zaharreko kanpaiak, eta emankizun bera eman dute bi kateek. Aurten, aldiz, Gasteiztik egingo dituzte bi emankizunak, baina kate bakoitzean hiru aurkezle desberdin egongo dira: ETB1ekoan, Yerai Diez Gaur egun-eko aurkezlea, Ainhoa Etxebarria Zurekin bat lehiaketako aurkezlea eta Aitziber Garmendia aktorea; ETB2koan, berriz, Africa Baeta Teleberri-ko aurkezlea, eta Nos echamos a la calle magazineko Ane Ibarzabal eta Aitor Albizu. Plaza Berrian egingo dute zuzeneko kontakizuna batzuek zein besteek, gauerdian suak jaurtiko dituzte, eta emankizunaren bukaeran elkarrekin azalduko dira sei aurkezleak 2022ari ongi etorria emateko. «Ezusteko handi» baten berri emango dutela azaldu du EITBk. Aurreko urte batzuetan, ETB2n euskara entzun zitekeen kanpaien emanaldian, eta ez zen euskara hutsezkoa ETB1ekoa, erdarazko esaldiak tartekatzen baitzituzten. Aurten, ETB1ekoa euskaraz izango da; eta ETB2koa, gaztelaniaz.

'Biba 2022!', 40 urteengatik

Gabon zaharreko kanpaien zuzeneko emanaldiaren aurretik, ETB1ek musika saio berezi bat emango du —Go!azen telesaileko gazteek askotariko abestiak kantatuko dituzte—.

Kanpaien emankizunaren ostean, ETB1ek Biba 2022! programa berezia emitituko du. EITBk datorren urtean ospatuko du 40. urteurrena, eta, horregatik, urteotan euskarazko katean protagonista izan diren 50 lagun baino gehiago gonbidatuko dituzte saio berezi horretara. Maddalen Arzallusek eta Xabier Sukiak —Biba zuek! aurkezten dute arratsaldero— gidatuko dute urteko lehen saioa.

Gonbidatu berezien artean, Goenkale telesailean parte hartu zuten aktoreak, Sorginen laratza gaueko saioan aurkezle lanetan aritu ziren guztiak, Martin telesaileko protagonistak eta Txirri Mirri eta Txiribiton pailazoak egongo dira.

Musikariak eta kantariak ez dira faltako saio horretan: Xabier Saldias Egan taldeko kantaria eta Chill Mafia taldeko gazteak elkarrekin kantuan azalduko dira. Besteak beste, Gozategi, Bulego, Iñaki Ortiz de Villalba, Xabier Solano, Olatz Salvador, Zuriñe Hidalgo, Jon Urdangarin (Drindots) eta Amak taldea arituko dira kantuan. Grabaketara joan ezin izan diren zenbait pertsona ezagunek zorion bideoak bidaliko dituzte.

Halaber, Biba zuek 2022! programa berezian Euskal Telebistak 40 urte kanta berria emango dute ezagutzera —Biba zuek! magazineko taldekideek abestuko dute—.

ETB2 katean, Gabon zaharreko kanpaien aurretik, esketxen umore saio bat ikusi ahalko da. Kanpaien ostean, berriz, Ura bere bidean musika ikuskizuna emango du gaztelaniazko kateak: Fernando Velazquez orkestra zuzendariak konposatutako bertsioak interpretatuko dituzte Bilboko Orkestra Sinfonikoak eta Bilboko Koral Elkarteak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©GORKA RUBIO / @FOKU

«Galtzen ari den lan bat azaleratu nahi dut»

Enekoitz Telleria Sarriegi

Ontzi bat da, esamolde bat da, eta arrantzalearen azalean jarri nahi bat da 'Axalian'. Izen hori jarri dio Ortolaizek Zarauzko Photomuseumen paratu duen erakusketari: «Mundu eder bat da itsasoa».
Jon Mirande, eskuinean, Bretainiar Elkartearen Saria ekitaldian, 1969. ©Z / EZEZAGUNA

De viris illustribus: Jon Mirande bretainiarra

Miel A. Elustondo

Euskaraz baino lehen ikasi zuen bretoieraz Jon Mirandek Parisen. Euskaldunak lagun egin baino lehen, bretainiarrak egin zituen adiskide. «Gazte haien karra! Askok ez zekiten haurretatik beren herriaren hizkuntza, baina ikasi zuten eta bretoieraz ari dira beti. Guk, aldiz...», idatzi zuen. Goulven Pennaod bretainiarrarena dugu jakilegoa, Txomin Peillenek 1976an bildua.

 ©MARISOL RAMIREZ / FOKU

«Zorroztasuna funtsezkoa da kazetaritzan»

Urtzi Urkizu

Arabako, Bizkaiko eta Gipuzkoako kazetarien elkargoko dekano eta Euskal Kazetarien Elkarteko presidente izendatu dute Goikoetxea. Dioenez, kazetariek baldintza onak behar dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.