Roglicek lehia hormatu du

Pogacar gailendu da Vueltako hamahirugarren etapan, Machucosen. Harekin helmugaratu da Roglic, eta lasterketa ia erabakita utzi du
Primoz Roglic eta Tadej Pogacar, atzoko etapan.
Primoz Roglic eta Tadej Pogacar, atzoko etapan. JAVIER LIZON / EFE

Eñaut Agirrebengoa -

2019ko irailak 7

Espainiako Vuelta irabazteko lehia hormatu zuen atzo Primoz Roglicek (Jumbo Visma), Machucoseko horman. Igoera bikaina egin zuen, Tadej Pogacar (UAE) herrikidearekin batera, eta atzean utzi zituen aurkari nagusiak. Miguel Angel Lopez (Astana) zen esloveniarraren mehatxu behinena, baina minutuko atzerapena izan zuen helmugan. Alejandro Valverdek (Movistar) eta Nairo Quintanak (Movistar), berriz, 27 segundo galdu zituzten. Hori horrela, lasterketa ia erabakita utzi zuen Roglicek, Paueko (Okzitania) erlojupekoan emaniko kolpe handiaren ostean. Lidergoa sendotuta asetu zen, eta ez zion Pogacarri esprinta lehiatu.

Sekulako maila ari da ematen UAE taldeko gaztea: bigarren etapa garaipena lortu, eta podiumeko postuetan sartu zen. Hirugarren da orain, Roglicengandik 3.01era. Bosgarren zen atzoko etaparen aurretik, baina aurrea hartu zien kolonbiarrei. Lopez laugarren postura jausi zen, eta Quintana, bosgarrenera. 3.18 eta 3.33ko atzerapena dute, hurrenez hurren. Bigarren postuan Valverde dago oraindik, 2.25era.

Bilbotik (Bizkaia) irten eta kilometro batzuetara, 29 ziklistako multzo handi batek egin zuen ihes. Bertan zen Mikel Bizkarra (Euskadi-Murias), baina ez zion luzaro eutsi. Borroka handia izan zen ihesaldian, bigarren mailako Ason eta Alisas mendateetan batez ere. Azken horren jaitsieran, erasoa jo zuen Hector Saezek (Euskadi-Murias).

Espainiarrak Machucosera arte eutsi zion apustuari, edonoren sugarra hozteko moduko igoera baita: %9,2ko batez besteko pendiza du, eta %25eko zenbait aldapa. Hala gertatu zitzaion Lopezi ere. Astanak alimaleko lana egin zuen haren alde, baina kolonbiarrak kale egin zuen. Esloveniarren erritmoak Quintana eta Valverde ere kamustu zituen, baita ihesaldia helmugaraino eramatear izan zen Pierre Latour (Ag2r) ere.

Gaurkoa etapak 188 kilometro ditu, eta mendate puntuagarri bakarra: hirugarren mailako La Madera. Esprinterrentzat baino, egokiagoa da ehiztarientzat.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Athleticeko sei jokalarik positibo eman dute

Berria

PCR probak egin dizkiete futbol jokalariei eta klubetako langileei. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Maddalen Iriarte prentsaurreko batean, artxiboko irduian. ©Juan Carlos Ruiz/FOKU

EH Bilduk Eusko Jaurlaritzari eskatu dio konponbide bat emateko lehen arretako zentroen egoerari

Olatz Esteban Ezkati

Eragile politiko, sindikal, ekonomiko eta sozialen arteko elkarlanaren beharra nabarmendu du indar subiranistak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Eñaut Agirrebengoa

Informazio osagarria