Albistea entzun
Emakumeen aurkako indarkeriari ez
Emakumeen aurkako indarkeriari ez

Ikamak «euskal eskola herritar eta burujabea» aldarrikatu du protestetan

Hezkuntza sistemaren aurka borrokatzeko, mobilizazioak egin dituzte Hego Euskal Herrian. Donostian, performanceak ere egin dituzte
Ikamak antolatutako protesta, Bilbon.
Ikamak antolatutako protesta, Bilbon. OSKAR MATXIN EDESA / FOKU Tamaina handiagoan ikusi

Oihane Puertas Ramirez -

2022ko martxoak 30 - Donostia

Hezkuntza sistema aldatzeko, ikasleria martxan: hori izan zen Ikama antolakundeak atzo Hego Euskal Herriko kaleetara atera zuen leloa. Mobilizazioak egin zituzten Bilbon, Gasteizen, Amurrion (Araba), Iruñean, Bergaran (Gipuzkoa) eta Donostian, eta, besteak beste, hezkuntza sistema «errotik» aldatzeko eta «euskal eskola herritar eta burujabea» sortzeko eskatu zuten. Bilboko eta Iruñeko protestak hasi aurretik, Poliziak bederatzi lagun identifikatu zituen.

Ikasleak «nazkatuta» daudela adierazi zuen Ikamak, eta, besteak beste, gaur egungo krisi egoera, hezkuntza sistemaren egoera, hezkuntzaren «prekarizazioa», ikasleek hezkuntzan jasaten duten kontrola eta pandemiak eragindako ondorio psikosozialak salatu zituen manifestazioetan.

Ez hezkuntza sistema bakarrik, «sistema osoa» aldatu behar dela uste du antolakundeak. Izan ere, adierazi zuten egungo hezkuntza eredua «zaharkitua» dagoela, eta «kapitalismoaren makineria olioztatu» baino ez duela egiten, ikasleen garapen integrala erdigunetik kanpo utzita. Sistema aldatzeko, «ezinbestekotzat» jo zuen ikasleak mobilizatzea.

Antzerkia, egoera azaltzeko

Protestaz gain, beste ekintza batzuk ere egin zituzten Donostian, ikasleen egoera irudikatzeko asmoz. Alde zaharrean, esaterako, antzerki bat egin zuten Espainiako eta Frantziako estatuek Euskal Herriko hezkuntza sistema kontrolatzen dutela salatzeko. Bulebarrean, berriz, performance bat egin zuten, indarrean dagoen sistemak ikasleengan eragiten dituen ondorioak irudikatzeko. Horrela, salatu zuten hezkuntza ereduak ikasleak «isilik eta geldi» egotera behartzen dituela, eta etorkizunean «langile esklabo» izateko prestatzen.

Protesta amaitzean, zenbait gaztek arrautzak bota zituzten Itsas Komandantziara, eraikinak Espainiako Estatuaren «zapalkuntza» irudikatzen duelako.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Alemaniako Grevenbroich hiriko parke eolikoa, eta, atzean, ikatzezko zentrala, duela gutxiko irudi batean. ©SASCHA STEINBACH / EFE

PLANETAREN MUGEKIN TALKAN

Iñaki Petxarroman

50 urte dira Hazkundearen Mugak txostena kaleratu zutela. Ekonomia ulertzeko beste modu bat ezarri zuen, eta zientzian oinarritutako sistema batekin erakutsi zuen hazkunde etengabeak etorkizunean eragin zitzakeen arazoak. Gaur egun, begi bistan daude arazo horietako batzuk, hala nola klima krisia eta bioaniztasunaren galera.
 ©BERRIA

«Gure aztarna ekologikoak egungoaren hamarren bat izan behar du»

Iñaki Petxarroman

Kontsumoa eta ekoizpena apaltzea eta espiraleko ekonomia martxan jartzea beste biderik ez du ikusten Antonio Valerok.
Juan Mari Aburto lore eskaintza egiten, atzo, Bilbon. ©BILBOKO UDALA

Frankismoak espetxeratutako andreak omendu dituzte Bilbon

Iosu Alberdi

Bilboko Udalak eta Gogora institutuak plaka bat jarri dute Orue Txaleta zegoen lekuan. Eraikin hura espetxe izan zen 1937tik 1942ra bitarte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...