Albistea entzun

Durangoko 49. Azoka. ARAZOKA

Oteiza pozik :)

Iñigo Astiz -

2014ko abenduak 6

Ukitzen du zerbait fundamentala Jorge Oteizaren kalkulu zoro hark: 81 amona. Zure amonaren amonari gehitu beste 78 amona, eta kobazuloetan irudika dezakezu zeure burua larruzko trapu ziztrin bat soinean duzula, hormetan bisonte irudiak-edo margotzen. Lerro zuzen bat, pigmentu gorrizta hark blaitutako esku haietatik sakelako teklatuan hatzaz idatzitako azken emotikonora. Oteiza pozik, eta gu ere pozik. Irribarre han :) eta irribarre hemen :) Argi: zientziatik baino gehiago du poesiatik artistaren kalkuluak, baina ederra da irudia transmisioaren metafora gisa. Gehiegizkoa da etenik eta korapilorik gabeko soka, baina deskribatzen du iraupen gogo bat. Eta hor jotzen du muina.

Finean, irudi hori lortu nahi da Durangoko Azokako lehen egunean ere: 9 bat urteko mutiko koxkorra, irekitzear dauden azokako ateen arteko zirrikitutik barruan zer gertatzen den begira. Katea ez dela etengo esan nahi digu; begirada horretan dagoela 81. amonatik 82. amonarako koska. Gustuz errepikatzen dute urtero sekuentzia bera hedabideek. Gustuz errepikatzen dugu. Sartzen dira jauzika eta pozarren ikasleak —bisonteen pare edo?—, eta segundo bakarrean leporaino daude minutu gutxi batzuk lehenago erabat hutsik zeuden stand-en arteetako kaleak. Odol gaztea, zain zaharretan korrika.

Euforia une bat da. Triunfalistegia? Akaso. Merkantilistegia? Agian. Baina zer da, bada, halako euforia une bat urteko? Kuxkuxeatzen dituzte diskoak, ikusi zuzenekoak, agurtu sortzaileak... Une batez, gozatu egiten dute euskal kulturaz. Une batez, euskal kultura dira. Une batez. Ateak ireki eta bost minutura irakasleak pasatutako inkesta bete nahian dabil lehengo 9 bat urteko mutiko koxkorra. «Zein da gehien saldu den liburua?». Akabo idilioa. Akabo irribarrea. :(

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Lloyd, 2015ean, Los Angelesen egindako ekitaldi batean. ©Kevork Djansezian / Reuters

Norman Lloyd aktore estatubatuarra hil da, 106 urterekin

Andoni Imaz

Wellesekin hasi zen teatroan, eta Chaplin, Hitchcock eta Renoiren filmetan aritu zen lanean, besteak beste. Telesail ugari zuzendu eta ekoitzi zituen.

Manex Fuchs, Maite Larburu eta Ximun Fuchs, <em>Amua</em> antzezlanean. ©AINHOA RESANO

Maitasun amuak harrapatuta

Ainize Madariaga

Axut konpainia 'Amua' obra antzezten hasiko da berriz ere. Maitasuna abiapuntu gisa hartuz, eredu tradizionalaz gogoeta bultzatzea dute xede. Emanaldiez gain, material pedagogikoa ere prest dute

Amaia Lasa, Getarian. ©JON URBE / FOKU

Itsasaldeko leihoan

Gorka Arrese

50 urte dira Amaia Lasa Alegriaren lehen poema liburua argitaratu zela. Gaur hasita, 'Kaioaren hegaldia' jardunaldiak egingo dituzte Getarian

Erakusketan bildu dituzten formatu handiko olioetako batzuk. ©MONIKA DEL VALLE / FOKU

Itsasadarra, Ibarrolaren sotik

Amaia Igartua Aristondo

Bilboko itsasadarreko langileak agertzen ditu 'Ibarrola itsasadarrean, ura, burdina, sua eta airea' erakusketak. Bilboko Itsasmuseumen ikusi ahal izango da, 2022ko urtarrilera bitarte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.