Musikaz omenduko dute Iparragirre, jaio zeneko bigarren mendeurrenean

Jose Mari Iparragirre gogoan, Gontzal Mendibilek kontzertua egingo du Bilboko Arriaga antzokian, hilaren 29an. Beste hainbat musikari batera ariko dira oholtza gainean Donostian, Eibarren eta Urretxun
Arriaga antzokiko emanaldia atzo aurkeztu zuten sustatzaileek.
Arriaga antzokiko emanaldia atzo aurkeztu zuten sustatzaileek. M. RAMIREZ / FOKU Tamaina handiagoan ikusi

Maialen Arteaga -

2020ko azaroak 20

Jose Mari Iparragirre jaio zela bi mende bete ziren joan den abuztuan. Musikaria omentzeko hainbat ekitaldi izan dira ordutik, eta, asmo berarekin, kontzertu sorta bat ere egingo dute datozen egunotan. Batetik, Gontzal Mendibil Bilboko Arriaga antzokian ariko da hilaren 29an, musikariak berak sustatu duen kontzertuan. Eta, bestetik, hainbat musikarik beste hiru emanaldi egingo dituzte Gipuzkoako beste horrenbeste udalerritan, foru aldundiak sustatuta. Denetan Iparragirreren musika izango dute gogoan.

Mendibil Iparragirre gisa karakterizatuta igoko da Arriagako oholtzara, eta haren hainbat kantu interpretatuko ditu. Ez da, ordea, bakarrik egongo: beste 46 musikariren laguntza izango du. Bilboko Musika Banda eta Bilboko Koral Elkartea ez ezik, Marife Nogales eta Ainhoa Tabuyo abeslariak nahiz Gorka Hermosa akordeoi jotzailea ariko dira kontzertuan, besteak beste.

Beste berezitasun bat ere izango du Arriagako kontzertuak: Iparragirrek Bilbori eskainitako Bilbao eta fueruak pakearentzat poema musikatua lehen aldiz plazaratuko dute. Izan ere, autorearentzako berezia zen Bilbo, Mendibilek azaldu duenez: «Lotura handia izan zuen Bilborekin. Euskaldunon ikur bilakatu den Gernikako Arbola kantuaren lehen notak bertan eman zituen. Hirian hainbat lekutan kantatu zuen, eta oso famatu egin zen. Bilbori poema eder asko eskaini zizkion».

Efemeridetik harago, Mendibilek uste du Iparragirre omentzeko arrazoi bat baino gehiago dagoela. Haren iritziz, Euskal Herriko aldarrien eta kulturaren aitzindaria da:«Euskal Herriko lehenengo kantautorea izan zen. Ikur bat da; gure kantuak munduratu zituen. Garai bateko askatasunari eta bakeari kantatzen zion». Iparragirre Euskal Herrian jaio eta hil bazen ere, Madrilen eta Parisen urte asko eman zituen, besteak beste, eta haietan ere famatu egin zen. Hori dela eta, euskal kulturaren erakusleiho izan zela iruditzen zaio Mendibili: «Oso ibiltaria izan zen. Haren izena asko zabaldu zen, eta Madrilen euskal kulturaren bozgorailu izan zen; beti zuen Euskal Herria bihotzean».

Haren kantak eta olerkiak oraindik ere presente daude euskal kulturan. Mendibilen iritziz, oso adierazgarria da iraupenaren fenomeno hori: «Esanguratsua da duela 150 urteko artista baten kantuak gaur egun abesten jarraitzea. Ez da ohikoa. Nondik gatozen ulertzeko, garrantzitsua da Iparragirre ezagutzea»

Gipuzkoan, hiru geltoki

Gipuzkoan, hiru udalerritan ekarriko dute gogora Iparragirre, aldundiak sustatutako hiru emanalditan. Donostiako San Telmo museoan izango da lehena, igande honetan; Eibarren hurrengoa, hilaren 25ean; eta Urretxun, haren sorterrian, azkena, abenduaren 8an. Aldundiak azaldu duenez, proposamen eszenikoak Iparragirreren «nortasuna, ibilbidea eta garaia» islatuko ditu, bere zazpi abesti ezagunen bidez.

Saioetan zuzeneko musika, ikus-entzunezkoak, errezitatzeak eta dantza uztartuko dituzte. Hala, Olatz Beobide aktorea, Amaia Elizaran dantzaria eta hainbat musikari izango dira oholtzan, tartean, Lide Hernando, Beñat Axiari, Sorkunde Idigoras, Josetxo Silguero, Xabi Zeberio eta Arkaitz Miner.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Kirmen Uribe, Bilbon, iazko abenduaren 18an. ©LUIS JAUREGIALTZO / FOKU

Kirmen Uriberen 'Bilbao-New York-Bilbao' berrargitaratu dute

Joana Ibargarai

Elkarren Mintegia bildumako lehen liburua da. 2008an kaleratu zuten lehen aldiz lana, eta pasarte batzuk gehituta eman dute argitalpen berria
Ezker eskuin, Markel Idigoras, Eider Saez, Olatz Cuevas eta Alex Irazusta Nogen taldeko kideetako lau, Donostian. ©Gorka Rubio / Foku

Nogen taldeak 'Under alt' plazaratu du, estudioko bere bigarren lan luzea

Ainhoa Sarasola

Bederatzi kantu bildu ditu disko berrian, eta estilo berari eutsi arren, taldearen «eboluzio naturala» islatzen duela uste du taldeak. Abenduan hasiko dute aurkezpen bira. Diskoa, berriz, gauerdian jarriko dute entzungai plataformetan; baita fisikoki eskuratzeko moduan ere, taldearen webgunean. 

Ibon Aranberri artista 'Zulo beltzen geometria' lana alboan duela ©Jaizki Fontaneda/ Foku

Aranberriren pieza bat erosi eta ikusgai jarri du Bilboko Arte Ederren Museoak

Iñigo Astiz

2003an kobazulo baten sarbidea ixteko sortutako altzairuzko horma desmuntatu, eta eskultura independente modura aurkeztu du orain sortzaileak: 'Zulo beltzen geometria'

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna